• Osambo 53:Efundelo wa la diko ka tshapita-6
    Bible—Ekadimwelo k’andja w’oyoyo

    • Le ɔnɔmbɔdi; lo yoho ya Mahalata.* Maskilɛ.* Wa Davidɛ.

      53 Enginya* katotaka l’otema ande ate:

      “Jehowa bu.”+

      Etsha awɔ waha la losembwe wekɔ kɔlɔ ndo wɔnɔnyi;

      Ndooko onto lasala ɔlɔlɔ.+

       2 Koko Nzambi mendaka ana w’anto oma l’olongo+

      Dia menda kana ɔmɔtshi ekɔ la shɛnɔdi, kana ɔmɔtshi ekɔ lo nyanga Jehowa.+

       3 Vɔ tshɛ wambonganyi yama,

      Vɔ tshɛ wambɔlɛ etshimba.

      Ndooko onto lasala ɔlɔlɔ,

      Ndooko kaanga ɔtɔi.+

       4 Onde ndooko onto l’atei w’atshi wa kɔlɔ lashihodia?

      Vɔ ndɛka anto ami oko anto walɛ mapa.

      Vɔ hawelɛ* Jehowa.+

       5 Koko vɔ wayolola tɔɔ la wɔma w’efula,

      Wɔma wewɔ watokaka ndooko lushi,*

      Nɛ dia Nzambi ayohandjola weka wa wanɛ wakɔlɔsha.*

      Wɛ ayowasha nsɔnyi, nɛ dia Jehowa ambaasɛka.

       6 Panda k’Isariyɛlɛ ototoya oma la Siɔna lee!+

      Lam’ayokaloya Jehowa wodja ande wele lo lɔhɔmbɔ,

      Jakɔbɔ kangɛnɛngɛnɛ, Isariyɛlɛ kayale la ɔlɔ.

  • Rɔmɔ 3:10-12
    Bible—Ekadimwelo k’andja w’oyoyo

    • 10 oko wakadiafundama ɔnɛ: “Ndooko kaanga onto lele ɔlɔlɔ, ndooko kaanga ɔtɔi.+ 11 Ndooko onto lele la shɛnɔdi, ndooko onto layanga Nzambi. 12 Anto tshɛ wambonganyiyama, vɔ tshɛ wakayala diangɔ di’anyanya. Ndooko onto lele la ɔlɔlɔ w’otema, ndooko kaanga ɔtɔi.”+