43 Woho wakandɛnya tolembetelo tande l’Edjibito+

La ahindo ande lo ɛtshi ka nkɛtɛ ka Zɔana,

44 Ndo woho wakandakadimola ashi wa Nilɛ wakawɛtɔya dikila+

Ko vɔ kokoka nnɔ ashi w’oma lo ɛkɛdi awɔ.

45 Nde akatome elui wa ntshingo ya weke dia mbalɛ+

Ndo ɛkɔlɛ dia mbalanya.+

46 Nde akakimɔ edo awɔ le akata w’ɛndjɔ wa kɔlɔ,

Elowa w’oma l’olimu awɔ wa wolo le elui w’akata w’ɛndjɔ.+

47 Nde akalanya ɛkɔdi awɔ wa vinyɔ la mbɔkɔ ya mvula+

Ndo esongo awɔ wa lokumu la ave wa mbɔkɔ ya mvula.

48 Nde akadiake nyama yawɔ yɛmba wetsho la mbɔkɔ ya mvula+

Ndo dongalonga diawɔ la angadimu.*

49 Nde akaatomɛ nkɛlɛ kande kadɔdɔ,

Odudu, yɛnyi ndo asui,

Olui w’andjelo wela mpokoso.

Nde kombashimbɛ* oma lo nyɔi;

Ndo nde akaadiake* la elando.

51 L’ekomelo, nde akadiake ɔna l’enondo tshɛ la l’Edjibito,+

Etatelo ka wolo awɔ wa diwutshi lo mvudu y’apɛma ya Hama.