-
Eohwelo k’Ɛlɛmbɛ 12:31Bible—Ekadimwelo k’andja w’oyoyo
-
-
31 Tanyosalɛke Jehowa Nzambi kanyu ngasɔ, nɛ dia vɔ wakasalaka weho tshɛ w’akambo wa wɔnɔnyi dikambo dia tozambizambi tawɔ, akambo wele Jehowa akahetshaka. Vɔ wakakome polo lo ntshumba anawɔ w’apami ndo anawɔ wa wamato lo dja dikambo dia tozambizambi tawɔ.+
-
-
2 Nkumi ya dikanga 16:1Bible—Ekadimwelo k’andja w’oyoyo
-
-
16 L’ɔnɔnyi wa 17 w’ɛlɔmbwɛlɔ ka Peka ɔna Rɛmaliya, Ahaza+ ɔna Jɔtama nkumekanga ka Juda akayala nkumekanga.
-
-
2 Nkumi ya dikanga 17:17, 18Bible—Ekadimwelo k’andja w’oyoyo
-
-
17 Ndo nto, vɔ wakatshumbaka anawɔ w’apami ndo anawɔ wa wamato lo dja,+ wakasalaka diendja+ la alɔhɔ, ndo vɔ wakayakimɔ* dia nsala kɛnɛ kaki kɔlɔ lo washo wa Jehowa dia mbookiya nkɛlɛ.
18 Ko Jehowa akomalɛ Isariyɛlɛ nkɛlɛ k’efula; ɔnkɔnɛ nde akawanya oma lo washo ande.+ Nde kotshika kaanga onto 1, onyake dioho dia Juda to.
-
-
Jɛrɛmiya 7:30, 31Bible—Ekadimwelo k’andja w’oyoyo
-
-
30 ‘Nɛ dia ase Juda wakasale kɛnɛ kele kɔlɔ lo washo ami,’ mbata Jehowa. ‘Vɔ wakakitsha dikishi diawɔ dia wɔnɔnyi lo luudu lele la lokombo lami, dia lidja mindo.+ 31 Vɔ wakahike ahole wa la diko wa Tɔfɛta kele lo Okidi w’Ɔna Hinɔmɛ,*+ dia ntshumba anawɔ w’apami ndo anawɔ wa wamato lo dja,+ dui diakimi kombidjanga ndo diahatayalaka ndooko lushi l’otema ami.’*+
-