13 Nde ayonyoka ngandji, ayonyɔtshɔkɔla ndo ayonyofudia. Ɛɛ, nde ayonyɔtshɔkɔla lo nyosha ana efula*+ ndo dia nkɛtɛ ngɔnya diangɔ, ntɔngɔ yanyu, wanu anyu w’eyoyo, esɔ kanyu,+ ɛsɔngɔ anyu wa ngɔmbɛ ndo ɛsɔngɔ anyu w’ɛkɔkɔ lo wodja wakandatshibɛ watshɛnyu dia nyosha.+ 14 Nyu nyayonga wanɛ wayoleka tshɔkwama l’atei w’anto tshɛ.+ Ndooko pami kana womoto la l’atei anyu layonga ekomba ndo ndooko elongalonga kanyu kahatota.+