• 2 Samuɛlɛ 22:8-16
    Bible—Ekadimwelo k’andja w’oyoyo

    •  8 Nkɛtɛ yakatatɛ nsukasuka ndo didima;+

      Atshina w’olongo wakayɛkayɛka+

      Ndo wakasukasuka, nɛ dia nde akomala.+

       9 Edinga wakatombe oma lo wesho w’ɛhɛmbɛ ande,

      Ndo dja yatshumba yakatombe oma l’onyɔ ande;+

      Akalanga wa dja wakahɛtɛ oma le nde.

      10 Nde akɛngɛ olongo lam’akandaholɔ,+

      Ndo wodjima wa tshududu waki l’ɛse k’ekolo ande.+

      11 Nde akahema laadiko dia ɔkɛruba+ ndo akaye ayafumbɔ.

      Nde akɛnama lo ahafu wa nyuma* kɛmɔtshi.+

      12 Ko nde akakitsha wodjima l’otshimbedi ande oko hiombo,+

      Lo ashi w’edima ndo lo wange w’ekama.

      13 Oma lo ngaingai kele la ntondo kande, akalanga wa dja wakahɛtɛ.

      14 Ko Jehowa akatatɛ nkungola oma l’olongo;+

      Ɔnɛ-Laheme-Tshɛ akokiya dui diande.+

      15 Nde akoke mpito yande,+ ko akaahandjola;

      Akasale dingadimu, ko nde akawadje lo lofunge.+

      16 Odihe wa l’ɛse ka ndjale wakɛnama;+

      Atshina wa wodja wakatombe sɛkɛ oma lo lohango la Jehowa,

      Oma lo loowe la lo wesho w’ɛhɛmbɛ ande.+