BIBLIƆTƐKƐ WA LO ƐTƐRNƐTƐ wa Watchtower

BIBLIƆTƐKƐ WA LO ƐTƐRNƐTƐ wa Watchtower

BIBLIƆTƐKƐ WA LO ƐTƐRNƐTƐ

Osambo 135:15-18

Bible—Ekadimwelo k’andja w’oyoyo
- 15 Dikishi di’ase wedja diekɔ mfɛsa la paonyi,
  Olimu w’anya w’onto.+
  
  16 Diɔ diekɔ la onyɔ, koko hadiokoke ntɛkɛta;+
  La washo, koko hadiokoke mɛna;
  17 Diɔ diekɔ la atoyi, koko hadiokoke mboka.
  
  Loowe keema lo onyɔ adiɔ.+
  
  18 Anto wadisala wayokoma oko diɔ,+
  Ngasɔ mbayonga ndo wanɛ tshɛ wayaɛkɛ le diɔ.+

Isaya 40:19

Bible—Ekadimwelo k’andja w’oyoyo
- 19 Otshudi salaka ekishi ka lowolo la lɔlɛlɔla,
  Otshudi wa mbolo kikitaka paonyi,+
  Ndo nde tshulaka mɔlɔla wa mfɛsa.

Isaya 46:6

Bible—Ekadimwelo k’andja w’oyoyo
- 6 Ekɔ wanɛ watotondjaka paonyi oma lo atapa awɔ;
  Vɔ mbɛdikaka mfɛsa lo kilɔ.
  
  Vɔ futaka otshudi wa mbolo ko nde sala jambizambi la yɔ.+
  
  Oma laasɔ, vɔ kusamaka, ɛɛ, vɔ ndjitɛmɔlaka.*+

Jɛrɛmiya 10:3, 4

Bible—Ekadimwelo k’andja w’oyoyo
- 3 Nɛ dia mbekelo y’anto yekɔ kashi.*
  
  Ekɔ tsho osongo wa lo okonda wambɔkɔtama,
  Wakasɛlama la anya w’otshudi ndo la ehomɔ* kande.+
  
  4 Vɔ mbɔlɛngaka la mfɛsa ndo la paonyi+
  Ndo mbokakatanyaka la maditɔ ndo la nsɛti diaha vɔ nkɔ.+

Jɛrɛmiya 10:8, 9

Bible—Ekadimwelo k’andja w’oyoyo
- 8 Vɔ tshɛ wekɔ dipɔka ndo dinginya.+
  
  Wetshelo w’oma le osongo wekɔ kashi*+ tshɛ lo tshɛ.
  
  9 Pase dia mfɛsa ndjaka oma la Tarashishi+ ndo paonyi oma la Ufaza,
  Olimu w’otshudi, w’anya w’otshudi wa mbolo.
  
  Ahɔndɔ awɔ wekɔ wa bule ndo wakasalema la wɛɔsa w’ebelabela.
  
  Vɔ tshɛ wakasalema oma le ekambi wele la diewo.

Etsha 19:26

Bible—Ekadimwelo k’andja w’oyoyo
- 26 Ndo nto, nyekɔ lo mɛna ndo nyekɔ lo mboka woho wele aha l’Ɛfɛsɔ+ oto, koko ndo suke la prɔvɛnsɛ k’otondo ka Aziya mbele Pɔɔlɔ nyɛ ambetawoya olui w’anto ndo ambaatshikitanya kanyi yawɔ lo mbuta dia nzambi yasalema la anya bu mɛtɛ nzambi.+

1 Kɔrɛtɔ 10:19

Bible—Ekadimwelo k’andja w’oyoyo
- 19 Ko alangami mbuta? Onde ɔnɛ ɛngɔ kakawalambola ekishi kekɔ la nɛmɔ, kana ɔnɛ ekishi kekɔ la nɛmɔ?