20 Aha la ntshimbatshimba, Mɔsɛ nde la Arɔna wakasale kɛnɛ kakawadjangɛ Jehowa. Arɔna akedia danga diande, akadikɔmɔla l’ashi wa ɔkɛdi wa Nilɛ lo washo wa Farawɔ la ekambi ande, ko ashi tshɛ wa lo ɔkɛdi wakakadimɔ dikila.+

6 Ko Arɔna akasembola lonya lande otsha lo nkushi ya l’Edjibito, ko ɛkɔlɛ wakatatɛ ntomba ndo wakalolanɛ lo wodja w’Edjibito.

17 Ko vɔ wakasale ngasɔ. Arɔna akonyiya danga diaki lo lonya lande, akadikɔmɔla lo ditshu, ko mɛmbɛlɛ yakatombe ndo yakalumataka anto la nyama. Ditshu tshɛ dia nkɛtɛ diakakadimɔ mɛmbɛlɛ lo wodja w’Edjibito w’otondo.+

6 La wedi a pindju, Jehowa akasale dikambo diakɔ, ko weho tshɛ wa dongalonga dia l’Edjibito diakatatɛ mvɔ.+ Koko ndooko elongalonga k’ase Isariyɛlɛ kakavu.

10 Ko vɔ wakɔshi otoko w’oma l’atshuka, wakatemala la wɔ la ntondo ka Farawɔ ndo Mɔsɛ akawokɛ otsha l’olongo, ko vɔ wakakadimɔ atshutshu wakatondɔka l’alemba w’anto ndo wa nyama.

23 Mɔsɛ akedia danga diande otsha l’olongo, ko Jehowa akatome akungola ndo mbɔkɔ ndo dja* yakakɔka la nkɛtɛ, ko Jehowa akatshike dia mbɔkɔ yakɔ ndɔ oko mvula lo wodja w’Edjibito.

12 Oma laasɔ Jehowa akatɛ Mɔsɛ ate: “Sembola lonya layɛ otsha lo wodja w’Edjibito kele akata w’ɛndjɔ wayale lo wodja w’Edjibito, wale tombatomba tshɛ diele lo wodja ndo ɛngɔ tshɛ kakahandɔ oma lo mvula ka mbɔkɔ.”

21 Ko Jehowa akatɛ Mɔsɛ ate: “Edia lonya layɛ otsha l’olongo kele wodjima wonge lo wodja w’Edjibito w’otondo, wodjima wa tshududu wakoka minandema.”