30 Nkumekanga akataka ate: “Shi ɔnɛ ekɔ Babilɔna ka Woke kakamake dimɛ dikambo dia luudu la nkumekanga oma lo wolo ndo nkudu kami hita ndo dikambo dia lotombo la lɔnɛnɛ lami?”

31 Etena kakatɛkɛtaka nkumekanga, dui diakaye oma l’olongo ɔnɛ: “Wɛ nkumekanga Nɛbukadinɛza, wɛ katɛwɔ ɔnɛ: ‘Diolelo diambomɔ oma le yɛ,+ 32 ndo wɛ ayanga mbitshanyema oma l’atei w’anto. Wɛ ayotodjasɛ kaamɛ la nyama ya l’okonda, ndo wayokosha adiyo dia wɛ ndɛka oko ngɔmbɛ ndo tena 7 diayoketɛ, polo ndo wɛ ambeya dia Ɔnɛ-Laheme-Tshɛ ekɔ Omboledi lo diolelo di’anto ndo nde mbishaka onto tshɛ lalangande.’”+