12 Dimi lakayokoma lo mbuta dia ndooko ɛngɔ kele dimɛna le wɔ oleki ngɛnangɛna ndo nsala ɔlɔlɔ lo lɔsɛnɔ+ lawɔ, 13 ndo dia onto tshɛ pombaka ndɛ, nnɔ ndo ngɛnangɛna l’ɔtɛ wa olimu ande tshɛ wa wolo. Ɔsɔ ekɔ woshasha wa Nzambi.+

18 Dui nɛ mbakamɛnyi dia diekɔ dimɛna ndo ɔlɔlɔ: Onto pombaka ndɛ, nnɔ ndo ngɛnangɛna l’ɔtɛ wa olimu tshɛ wa wolo+ wɛnande paa l’ɛse olongo lo yema ya nshi ya lɔsɛnɔ yakawosha Nzambi ka mɛtɛ, nɛ dia ɔsɔ kele difuto*+ diande. 19 Ndo nto etena kasha Nzambi ka mɛtɛ onto ɛngɔnyi ndo diangɔ dia l’emunyi+ kaamɛ la akoka wa ngɛnangɛna la diɔ, nde pombaka mbɔsa difuto* diande ndo ngɛnangɛna lo olimu ande wa wolo. Ɔsɔ ekɔ woshasha wa Nzambi.+