• Ɛsta 8:17
    Bible—Ekadimwelo k’andja w’oyoyo

    • 17 Lo prɔvɛnsɛ tshɛ ndo l’esomba tshɛ, dihole tshɛ diakakome didjango dia nkumekanga ndo ɔlɛmbɛ ande, ase Juda wakangɛnangɛnaka ndo waki l’ɔlɔ w’efula, wasala alambo ndo fɛtɛ. Anto efula w’ase wodja akɔ wakataka dia waya ase Juda,+ nɛ dia vɔ wakandama la wɔma w’ase Juda.

  • Isaya 14:1, 2
    Bible—Ekadimwelo k’andja w’oyoyo

    • 14 Nɛ dia Jehowa ayoka Jakɔbɔ+ kɛtshi ndo nde ayɔsɔna Isariyɛlɛ+ nto. Nde ayowadjashiya* lo wodja awɔ+ ndo angɛndangɛnda wayɔtɔ l’ɔnɔngɔ awɔ ndo wayomamema luudu la Jakɔbɔ.+ 2 Ndo anto wayowaɔsa, wayowatɔla lo dihole diawɔ hita ndo luudu la Isariyɛlɛ layowaɔsa oko ekambi w’apami la wa wamato+ lo wodja wa Jehowa; vɔ wayonga amundji wa wanɛ wakawande mfumbe, ndo vɔ wayahemɛ wanɛ wakaakandjaka olimu la wolo.*

  • Isaya 49:23
    Bible—Ekadimwelo k’andja w’oyoyo

    • 23 Nkumi ya dikanga wayonga alami ayɛ,+

      Ndo ana wa wamato wa nkumekanga wayonga ɛndɛdi ayɛ.

      Vɔ wayokokusamɛ dungi polo la nkɛtɛ+

      Ndo wayɔlɔmbɔla ditshu dia l’ekolo ayɛ,+

      Ko wɛ ayohomba mbeya dia dimi kele Jehowa;

      Wanɛ walongamɛ le mi hawotoshama nsɔnyi.”+

  • Isaya 60:14
    Bible—Ekadimwelo k’andja w’oyoyo

    • 14 Ana wa wanɛ wakosoya wayoya ndo wayokusama la ntondo kayɛ;

      Wanɛ tshɛ wahakosalɛ akambo la dilɛmiɛlɔ la dia nkusama l’ekolo ayɛ,

      Ndo vɔ wayohomba kelɛ ɔnɛ osomba wa Jehowa,

      Siɔna ya l’Ekila la Isariyɛlɛ.+