• Isaya 49:17, 18
    Bible—Ekadimwelo k’andja w’oyoyo

    • 17 Anayɛ wambokalola la lowango.

      Wanɛ wakakonyukola ndo wakakohandjola wayomɔ oma le yɛ.

      18 Edia washo ayɛ kele enda lo bɛkɛ tshɛ.

      Vɔ tshɛ wekɔ lo ntshumana kaamɛ.+

      Vɔ wekɔ lo ndjaye le yɛ.

      Jehowa kata ate: “Lo mɛtɛ oko wemi la lɔsɛnɔ,

      Wɛ ayoyalɔtsha la wɔ vɔ tshɛ oko dɛngalɛnga,

      Ndo wɛ ayoyakelekawɔ oko watosalaka womoto layanga ntshukama.

  • Isaya 54:1
    Bible—Ekadimwelo k’andja w’oyoyo

    • 54 “Da ekoko w’ɔngɛnɔngɛnɔ, wɛ womoto l’ekomba laki kombota!+

      Onga la ɔlɔ w’efula ndo da ekoko w’ɔngɛnɔngɛnɔ,+ wɛ laki kotata lɔɔnɔ,+

      Nɛ dia ana wa womoto lele okalema waya efula

      Oleki ana wa womoto lele la omi,”*+ mbata Jehowa.