14 Hɛzɛkiya akɔshi mikanda oma lo anya w’akɛndji ko akadia. Oma laasɔ, Hɛzɛkiya akatshu lo luudu la Jehowa ndo akahandjola mikanda akɔ la ntondo ka Jehowa.+ 15 Ko Hɛzɛkiya akatatɛ nɔmba+ la ntondo ka Jehowa ndo akate ate: “Jehowa Nzambi k’Isariyɛlɛ le, wɛ lodjashi lo kiti ka lowandji laadiko* dia akɛruba,+ wɛmɛ oto kele Nzambi ka mɛtɛ lo waolelo tshɛ wa la nkɛtɛ.+ Wɛ kakasale olongo la nkɛtɛ. 16 Jehowa le, ohokɛ lotui ndo ooke!+ Jehowa le, odihole washo+ ayɛ kele ɛnyi! Ohokame ɛtɛkɛta wa Sɛnakɛribɛ wadjande Nzambi kasɛna tɔfwɛfwɛ. 17 Jehowa le, ekɔ mɛtɛ dia nkumi ya dikanga y’Asuriya wambohandjola wedja ndo bɛtshi diawɔ dia nkɛtɛ.+ 18 Ndo vɔ wambodja tozambizambi tawɔ lo dja, nɛ dia tɔ komonga nzambi,+ koko olimu w’anya w’anto,+ esongo ndo ave. Diakɔ diakawakoke mbalanya. 19 Koko wonya ɔnɛ, Jehowa Nzambi kaso le, lam’alangayɛ, otoshimbe oma lo anya ande, kele waolelo tshɛ wa la nkɛtɛ weye dia wɛ Jehowa, wɛ oto kele Nzambi.”+