3 Dimi layotshika di’otema waki Farawɔ nkeketala+ ndo layosala tolembetelo tami ndo ahindo ami efula lo wodja w’Edjibito.+

5 Ko ase Edjibito wayeya mɛtɛ dia dimi kele Jehowa+ lam’ayomosembola lonya lami dia mbisha ase Edjibito dilanya ndo lam’ayomotondja ase Isariyɛlɛ oma l’atei awɔ.”

15 Nɛ dia otondongaka lakasembola lonya lami dia kɔkɔmɔla wɛ l’anto ayɛ lo nyotomɛ mpokoso ka wolo, tshike wɛ amboshishɔka* oma la nkɛtɛ. 16 Koko l’ɔtɛ wa dikambo nɛ mbakamakotshike la lɔsɛnɔ: Dia kɛnya wolo ami ndo dia lokombo lami mbewoyama lo nkɛtɛ k’otondo.+

34 Kana onde Nzambi ambohembaka ndjaɔsɛ wodja ɔmɔtshi oma l’atei wa wedja ekina lo nkamba la alanya,* la tolembetelo, la ahindo,+ la ta,+ la lonya la wolo,+ la lonya losembwe tɔɔ ndo la akambo wa wɔma,+ oko wakasale Jehowa Nzambi kanyu lo dikambo dianyu l’Edjibito lo washo anyu?

23 Naa wodja okina wele la nkɛtɛ wele oko wodja ayɛ Isariyɛlɛ?+ Nzambi akatshu ko akataatshungola oko wodja ande,+ akayatongɛ lokombo+ lo mbasalɛ akambo wa weke ndo wa diambo efula.+ Wɛ akatshanya wedja la tozambizambi tawɔ lo wahɔ wa wodja ayɛ wakayayatshungolɛ wɛmɛ oma l’Edjibito.