7 Etena tshɛ kayomota dia nkundola, nkɔsha ndo nanya wodja kana diolelo dimɔtshi,+ 8 ko wodja akɔ ntshika kɔlɔ yawɔ yakamate lo dikambo diawɔ, dimi lawɔ layotshikitanya kanyi yami yendana* la mpokoso kakamasangoya dia mbela lɔkɔ.+ 9 Koko etena tshɛ kayomota dia mbika ndo monɛ wodja kana diolelo dimɔtshi, 10 ko vɔ nsala kɛnɛ kele kɔlɔ lo washo ami ndo hawokitanyiyisha dui diami, dimi layotshikitanya kanyi yami yendana* la ɔlɔlɔ wakamakongɛ dia mbosalɛ.’

5 “Jehowa Nzambi k’Isariyɛlɛ kata ate: ‘Lo ɛnyɛlɔ ka fingo y’amɛna nyɛ, dimi layenda ase Juda wele lo lɔhɔmbɔ la sso di’ɔlɔlɔ, wanɛ wakamatondja oma lo dihole nɛ otsha lo wodja w’ase Kaladiya. 6 Sso diami diayotetemala monga le wɔ lo ɔlɔlɔ awɔ, ko dimi layosala dia vɔ nkalola lo wodja ɔnɛ.+ Dimi layowahika ndo halowalanya; dimi layowaonɛ ndo halowakundola.+