17 Nkumekanga ka Babilɔna aketɛ Mataniya kose aki she Jɛhɔyakina+ nkumekanga lo dihole diande, ndo akatshikitanya lokombo lande, ko akawɔlɛ Zɛdɛkiya.+

18 Zɛdɛkiya aki l’ɛnɔnyi 21 lam’akandayala nkumekanga ndo nde akolɛ l’edja k’ɛnɔnyi 11 la Jɛrusalɛma. Nyango lokombo lande Hamutala+ ɔna Jɛrɛmiya ose Libina. 19 Nde akatetemala nsala kɛnɛ kaki kɔlɔ lo washo wa Jehowa lo ndjela kɛnɛ tshɛ kakasale Jɛhɔyakima.+ 20 Awui asɔ wakasalema la Jɛrusalɛma ndo la Juda l’ɔtɛ wa nkɛlɛ ka Jehowa polo nde mbanya lo washo ande.+ Ko Zɛdɛkiya akatɔmbɔkwɛ nkumekanga ka Babilɔna.+

11 Zɛdɛkiya+ aki l’ɛnɔnyi 21 lam’akandayala nkumekanga ndo nde akolɛ l’edja k’ɛnɔnyi 11 la Jɛrusalɛma.+ 12 Nde akatetemala nsala kɛnɛ kaki kɔlɔ lo washo wa Jehowa Nzambi kande. Nde kondjakitshakitsha la ntondo k’omvutshi Jɛrɛmiya+ lakatɛkɛtaka lo ndjela didjango dia Jehowa.