23 Oma laasɔ, nde akasale Oduwa* wa la mbolo ya lɔlɛlɔla.+ Vɔ waki obolonga ndo woke awɔ oma l’ohembo ɔmɔtshi polo l’ohembo okina aki kubita 10; tanga diawɔ kubita 5 ndo otshimbedi awɔ waki la otale wa kubita 30 y’ɔkɔdi wa yɛdikɔ.+

11 Ndo nto, Hirama akasale nkenga ya mbidjaka otoko, mpawo ndo alɔnga w’afuku.+

Ko Hirama akashidiya olimu tshɛ wakandasalɛ nkumekanga Sɔlɔmɔna lo luudu la Nzambi ka mɛtɛ:+ 12 Dikundji+ 2 ndo ɛtɛ wele oko alɔnga w’afuku waki lo tɔsɔdi ta dikundji diakɔ 2; ɛtɛyi 2+ dia mbifɛ ɛtɛ wele oko alɔnga w’afuku waki lo tɔsɔdi ta dikundji diakɔ; 13 asango wa pɔmɛgranatɛ+ 400 dikambo dia ɛtɛyi akɔ 2, ɛnɔngɔ 2 wa pɔmɛgranatɛ dikambo dia ɔtɛyi l’ɔtɛyi dia mbifɛ ɛtɛ 2 wele oko alɔnga w’afuku waki lo dikundji diakɔ;+ 14 pusupusu 10 ndo alɔnga wa weke 10 wa lo pusupusu yakɔ;+ 15 Oduwa la ngɔmbɛ 12 yele l’ɛse kawɔ;+