15 Jehowa Nzambi ka watshɛwɔ akatetemala mbahɛmɔla lo tshimbo y’akɛndji ande, awahɛmɔla mbala ko mbala, nɛ dia nde akokaka wodja ande ndo dihole dia edjaselo kande kɛtshi. 16 Koko vɔ wakatetemala mɔnyɔla akɛndji wa Nzambi ka mɛtɛ+ ndo wakɔnyɔla ɛtɛkɛta ande+ ndo wakɔlɛ amvutshi ande+ polo lam’akaye nkɛlɛ ka Jehowa le wodja ande,+ polo ndo vɔ hawoyokoka nkɔnɔ.

33 Wɛ ookongaka la losembwe lo kɛnɛ tshɛ katotokomɛka, nɛ dia wɛ salaka akambo la kɔlamelo; koko sho mbasala akambo lo yoho ya kɔlɔ.+

7 Jehowa le, wɛ kele la losembwe, koko sho tekɔ la nsɔnyi* oko wediɔ ɛlɔ kɛnɛ le ase Juda, ase Jɛrusalɛma ndo le Isariyɛlɛ w’otondo, wanɛ wele suke ndo wanɛ wele etale lo wedja tshɛ wakayaadianganya l’ɔtɛ wakiwɔ komonga la kɔlamelo le yɛ.+

16 Jehowa le, lam’alangayɛ, lo ndjela etsha ayɛ tshɛ wa losembwe,+ nkɛlɛ ndo odudu ayɛ wamɔ oma lo osomba wa Jɛrusalɛma, dikona diayɛ di’ekila; nɛ dia l’ɔtɛ wa pɛkato yaso ndo munga ya watshɛso, Jɛrusalɛma ndo anto ayɛ waya ɛngɔ ka diɔnyɔ le wanɛ tshɛ wotodingi.+