Ɛnyɛlɔ

10 Dimi lakɛnyi ondjelo okina wa wolo ayaholɔ oma l’olongo ɔlɔtshi* dinge. Ngolo kaki l’ɔtɛ ande ndo elungi kande kaki oko wonya+ ndo ekolo* ande waki oko dikundji dia dja, 2 ndo nde aki la wɔɔmbɔ wa tshitshɛ wakɔmbwama lo lonya lande. Ko nde akakitsha lokolo lande l’omi l’ashi ndo lokolo lande la lɔmɔsɔ l’okongo, 3 ko nde akawelɛ la dui dia wolo oko watodikitaka ntambwɛ.+ Ndo lam’akandawelɛ, awui w’akungola+ 7 wakatɛkɛta.

4 Lam’akatɛkɛta akungola 7, dimi laki suke la mfunda, koko lakoke dui oma l’olongo+ diata ɔnɛ: “Diha akambo watɛkɛta akungola 7 la odihɔ ndo towafundake.” 5 Ko ondjelo wakamɛnyi emadi l’ashi ndo l’okongo akemɛ lonya lande l’omi l’olongo, 6 ko nde akatshibe lo lokombo la Ɔnɛ lasɛna pondjo pondjo,+ lakatonge olongo la diangɔ diele lɔkɔ ndo nkɛtɛ la diangɔ diele lɔkɔ ndo ndjale la diangɔ diele lɔkɔ ate:+ “Etena ka nkonga hatonga nto. 7 Koko lo nshi yayonga ondjelo+ wa 7 suke dia mbida dimama diande,+ sheke y’ekila+ yakewoya Nzambi ekambi ande amvutshi+ oko lokumu l’ɔlɔlɔ yayokoma l’ekomelo.”

8 Ndo lakoke dui nto oma l’olongo+ diambutɛ ɔnɛ: “Tshɔka tɔshi wɔɔmbɔ wodihɔmi wele lo lonya l’ondjelo wemadi l’ashi ndo l’okongo.”+ 9 Ko dimi lakatshu otsha le ondjelo akɔ ndo lakawotɛ dia nde mbishami wɔɔmbɔ wa tshitshɛ. Nde akambutɛ ate: “Ɔsawɔ kele lɛkawɔ.+ Vɔ wayonga ololo lo dikundju diayɛ, koko wayonga mpɛ oko osanga l’onyɔ ayɛ.” 10 Dimi lakɔshi wɔɔmbɔ akɔ wa tshitshɛ oma lo lonya l’ondjelo, ko lakawole+ ndo vɔ waki mpɛ oko osanga l’onyɔ ami,+ koko lam’akamawɔmɛnɛ, vɔ wakayala ololo lo dikundju diami. 11 Ndo vɔ wakambutɛ ɔnɛ: “Wɛ pombaka nyomota prɔfɛsiya lo kɛnɛ kendana l’anto ndo wedja ndo ɛtɛkɛta ndo nkumi ya dikanga efula.”