Ɛnyɛlɔ

8 Lam’akandadihola+ odihɔ wa 7,+ ki kakayala l’olongo suke la k’ahende ɔtɔi k’oshidi wa ntango. 2 Ndo dimi lakɛnyi andjelo 7+ wakemala la ntondo ka Nzambi, ko wakawasha amama 7.

3 Ondjelo okina wakakimɛ ɛngɔ* ka paonyi ka tshɔ akakome ndo akemala suke la elambwelo.+ Wakawosha ekanda k’ɔlɔlɔ ka tshɔ+ dia nde nambola lo elambwelo ka paonyi+ kaki la ntondo ka kiti ka lowandji kaamɛ la alɔmbɛlɔ w’ekilami tshɛ. 4 Edinga wa tshɔ wakadɛka oma lo lonya la ondjelo otsha le Nzambi kaamɛ l’alɔmbɛlɔ+ w’ekilami. 5 Koko mbala kakɔ ɔtɔi, ondjelo akɔshi ɛngɔ ka tshɔ ndo akakilodia la yema ya dja yaki lo elambwelo, ko akakasha la nkɛtɛ. Ko akungola la ɛtɛkɛta wakokɛma, angadimu+ wakayala ndo nkɛtɛ kakadidima. 6 Ko andjelo 7 waki la amama 7+ wakayalɔngɔsɔla dia mbida amama awɔ.

7 Ondjelo wa ntondo akade dimama diande. Ko mvula ka mbɔkɔ ndo ka dja kɔsɔhanyemi la dikila kakalɔ la nkɛtɛ,+ ko k’asato ɔtɔi ka nkɛtɛ kakalongola la dja ndo k’asato ɔtɔi k’esongo kakalongola ndo adiyo tshɛ wakalongola.+

8 Ondjelo wa 2 akade dimama diande. Ko ɛngɔ kɛmɔtshi kele oko dikona dia woke dialombalomba la dja kakakashema lo ndjale,+ ko k’asato ɔtɔi ka ndjale kakayala dikila,+ 9 ndo k’asato ɔtɔi ka ditongami diasɛna* dia lo ndjale kakavu+ ndo k’asato ɔtɔi ka masuwa kakahandjɔ.

10 Ondjelo wa 3 akade dimama diande. Ko yɔɔtɔ ya woke yakahɛtaka oko tala yakakɔ oma l’olongo, ko yɔ yakakɔ lo k’asato ɔtɔi ka nkushi ya weke ndo lo tɔkɔkɔ* t’ashi.+ 11 Lokombo la yɔɔtɔ yakɔ ele Osongo w’ololo. Ko k’asato ɔtɔi k’ashi kakayala ololo ndo anto efula wakavu l’ɔtɛ w’ashi akɔ nɛ dia ashi akɔ wakayala ololo.+

12 Ondjelo wa 4 akade dimama diande. Ko k’asato ɔtɔi ka wonya kakakɔmama+ ndo k’asato ɔtɔi ka ngɔndɔ ndo k’asato ɔtɔi ka tɔɔtɔ, dia k’asato ɔtɔi kawɔ monga wodjima+ ndo diaha yanyi mbalɛ lo k’asato ɔtɔi k’edja kawalɛyɔ, woho akɔ waamɛ ndo l’otsho.

13 Ko dimi lakɛnyi ndo lakoke mpongo kakatafumbɔka l’atei w’olongo kata la dui dia wolo ɔnɛ: “Mananu, mananu, mananu+ le wanɛ wodjashi la nkɛtɛ l’ɔtɛ wa wodelo w’amama akina w’andjelo 3 wele suke la mbida amama awɔ!”+