Jɔbɔ

 2 “Polo l’etena kakɔna kayonyotetemala momadia anima ami,*+

Ndo kayonyominola la ɛtɛkɛta?+

 3 Aya mbala 10 yamonyompangwɛ;*

Nyu hanyoke nsɔnyi dia salɛmi akambo la esehe.+

 4 Ndo naka mɛtɛ lakasale kɔlɔ,

Kete munga kami kekɔ lo ntshikala le mi.

 5 Naka nyayotshininala lo ndjadiya laadiko diami,

Nyasɛma dia nyekɔ la shadiya ya mɔnyɔlami,

 6 Kete nyeye dia Nzambi kambominganyiya,

Ndo nde kambominda lo ɔtɛyi ande wa wenga.

 7 Nyolonge, dimi lekɔ lo ntetemala mbelɛ nte: ‘Awui wa ngala!’ koko haakondja ndooko okadimwelo;+

Lekɔ lo ntetemala nyanga ekimanyielo, koko ndooko losembwe.+

 8 Nde ambodiha mboka kami la ehele k’ave, ko haakoke mbeta lɔkɔ;

Nde ambokomba ɛsɛsɛ ami la wodjima.+

 9 Nde ambɔmpɔtɔla lotombo lami

Ndo ambonya dɛmbɔ dia nkoso oma l’ɔtɛ ami.

10 Nde ambɔmbɛdiawɛdia lo bɛkɛ tshɛ polo ndo lambolanyema;

Nde ambokundola elongamelo kami oko osongo.

11 Nkɛlɛ kande kambombidɔdwɛ,

Ndo nde mbɔsakami oko otunyi+ ande.

12 Elui ande w’asɔlayi wamboya kaamɛ ndo wambonyinga,

Vɔ wamboka mpango kawɔ nyinga luudu lami la dipɛma.

13 Nde akatshanya analengo etale oma lalemi,

Ndo wanɛ wambeya wambokadimɔ oma le mi.+

14 Asekami wa ma ma* wambotshɔ,

Ndo wanɛ wakameyaka dimɛna wambombohɛ.+

15 Angɛndangɛnda wele lo luudu+ lami ndo mfumbe yami ya wamato wɔmbɔsa oko ɔngɛndangɛnda;

Dimi laya ɔngɛndangɛnda lo washo awɔ.

16 Aya dimi kelɛka okambi ami, nde hetawɔ;

Dimi lowɔsɛngasɛnga la onyɔ ami dia mbokami kɛtshi.

17 Loowe lami tshɛ laya wɔnɔnyi le wadɛmi,+

Ndo dimi laya wutshu le analengo hita.*

18 Kaanga ana w’akɛnda wambontona;

Etena kemalami, vɔ tatɛka sɔkami.

19 Angɛnyi ami wa ma ma tshɛ wambompetsha,+

Ndo wanɛ wakamalangaka wambonkadimwɛ.+

20 Weka ami wambokakatana la lokoho lami ndo l’emunyi ami,+

Ndo dimi lambohanda la lokoho la wanyu ami.

21 Nyomboke kɛtshi, asekami, nyomboke kɛtshi,

Nɛ dia lonya la Nzambi ndamɛ lambominanda.+

22 Lande na katetemalanyu pɛnyahɛnyami oko wampɛnyahɛnya Nzambi,+

Lo ndɔshami aha la mpekɔ?*+

23 Ɛtɛkɛta ami otowofundama lee,

Otowosangɔma lo dibuku lee!

24 Otowofundama la otshimɔ pondjo lo dive lee,

La ofundɔ wa lowolo ndo la dive lee!

25 Nɛ dia dimi mbeyaka dimɛna dia otshungodi+ ami ekɔ la lɔsɛnɔ,

Nde ayoya l’ɔkɔngɔ ndo ayemala laadiko dia nkɛtɛ.*

26 L’ɔkɔngɔ wa lokoho lami ndanyema ngasɔ,

Leke lo emunyi ami, dimi layɛna Nzambi,

27 Dimi layowɛna dikambo diami dimɛ,

Ɔnɛ lele washo ami dimɛ wayowɛna, aha w’onto okina.+

29 Nyoke lokuwa la ta wɔma,+

Nɛ dia lokuwa la ta mbishaka wandja dilanya;

Nyu pombaka mbeya dia shushi mɔtshi ekɔ.”+