1 Ɛkɔndɔ

6 Ana w’apami wa Lɛwi+ vɔ anɛ: Ngɛrɛshɔna,+ Kɔhata ndo Merari.+ 2 Ana w’apami wa Kɔhata vɔ anɛ: Amurama, Izɛhara,+ Hɛbɛrɔna ndo Uziyɛlɛ.+ 3 Ana* wa Amurama+ vɔ anɛ: Arɔna,+ Mɔsɛ+ ndo Miriyama.+ Ana w’apami wa Arɔna vɔ anɛ: Nadaba, Abihu,+ Eleazara+ ndo Itamara.+ 4 Eleazara akote Finehasi;+ Finehasi akote Abishua. 5 Abishua akote Buki; Buki akote Uzi. 6 Uzi akote Zɛrahiya; Zɛrahiya akote Merayota. 7 Merayota akote Amariya; Amariya akote Ahitubɛ.+ 8 Ahitubɛ akote Zadɔka;+ Zadɔka akote Ahimaza.+ 9 Ahimaza akote Azariya; Azariya akote Johanana. 10 Johanana akote Azariya. Nde akakambaka oko ɔlɔmbɛdi lo luudu lakake Sɔlɔmɔna la Jɛrusalɛma.

11 Azariya akote Amariya; Amariya akote Ahitubɛ. 12 Ahitubɛ akote Zadɔka;+ Zadɔka akote Shaluma. 13 Shaluma akote Hilikiya;+ Hilikiya akote Azariya. 14 Azariya akote Seraya;+ Seraya akote Jɛhɔzadaka.+ 15 Jɛhɔzadaka akatshu lo lɔhɔmbɔ etena kakatɔlɛ Jehowa Juda ndo Jɛrusalɛma lo lɔhɔmbɔ lo anya wa Nɛbukadinɛza.

16 Ana w’apami wa Lɛwi vɔ anɛ: Ngɛrɛshɔmɛ,* Kɔhata ndo Merari. 17 Nkombo y’ana w’apami wa Ngɛrɛshɔmɛ yɔ nyɛ: Libini nde la Shimei.+ 18 Ana w’apami wa Kɔhata vɔ anɛ: Amurama, Izɛhara, Hɛbɛrɔna ndo Uziyɛlɛ.+ 19 Ana w’apami wa Merari vɔ anɛ: Mahili nde la Mushi.

Nkumbo y’ase Lɛwi lo ndjela watshɛwɔ+ yɔ nyɛ: 20 Oma le Ngɛrɛshɔmɛ:+ Libini ɔnande, Jahata ɔnande, Zima ɔnande, 21 Joa ɔnande, Ido ɔnande, Zera ɔnande, Jeatɛrai ɔnande. 22 Ana* w’apami wa Kɔhata vɔ anɛ: Aminadaba ɔnande, Kɔra+ ɔnande, Asira ɔnande, 23 Elekana ɔnande, Ebiyasafu+ ɔnande, Asira ɔnande, 24 Tahata ɔnande, Uriyɛlɛ ɔnande, Uziya ɔnande ndo Shaolo ɔnande. 25 Ana w’apami wa Elekana vɔ anɛ: Amasai nde la Ahimɔtɛ. 26 Lo dikambo dia Elekana, ana w’apami wa Elekana vɔ anɛ: Zɔfai ɔnande, Nahata ɔnande, 27 Eliyabɛ ɔnande, Jɛrɔhama ɔnande, Elekana+ ɔnande. 28 Ana w’apami wa Samuɛlɛ+ vɔ anɛ: Jɔɛlɛ ɔna l’enondo ndo Abidja ɔna la 2.+ 29 Ana* w’apami wa Merari vɔ anɛ: Mahili,+ Libini ɔnande, Shimei ɔnande, Uza ɔnande, 30 Shimea ɔnande, Hangiya ɔnande ndo Asaya ɔnande.

31 Davidɛ akasɔnɛ anto wayela anɛ dia nɔmbɔlaka wembelo w’esambo lo luudu la Jehowa l’ɔkɔngɔ wa Ɔshɛtɛ kitshama lɔkɔ dia momuya.+ 32 Vɔ waki la ɔkɛndɛ wa wembelo w’esambo lo tabɛrnaklɛ ka luudu la dipɛma l’esanganelo polo lam’akayoka Sɔlɔmɔna luudu la Jehowa la Jɛrusalɛma,+ ndo vɔ wakakambaka olimu awɔ oko wakawawadjangɛ.+ 33 Apami wakakambaka kaamɛ l’anawɔ w’apami vɔ anɛ: Oma le aseka Kɔhata: Omembi Hemana,+ ɔna Jɔɛlɛ+ ɔna Samuɛlɛ 34 ɔna Elekana+ ɔna Jɛrɔhama ɔna Eliyɛlɛ ɔna Toa 35 ɔna Zufu ɔna Elekana ɔna Mahata ɔna Amasai 36 ɔna Elekana ɔna Jɔɛlɛ ɔna Azariya ɔna Zɛfaniya 37 ɔna Tahata ɔna Asira ɔna Ebiyasafu ɔna Kɔra 38 ɔna Izɛhara ɔna Kɔhata ɔna Lɛwi ɔna Isariyɛlɛ.

39 Asafu ɔnango akemala lo lonya lande l’omi. Asafu+ aki ɔna Bɛrɛkiya ɔna Shimea 40 ɔna Mikayɛlɛ ɔna Basɛya ɔna Malakidja 41 ɔna Etini ɔna Zera ɔna Adaya 42 ɔna Etana ɔna Zima ɔna Shimei 43 ɔna Jahata ɔna Ngɛrɛshɔmɛ ɔna Lɛwi.

44 Tokanula taki Merari,+ anangɛwɔ waki lo lonya la lɔmɔsɔ vɔ anɛ: Etana+ ɔna Kishi ɔna Abidi ɔna Maluka 45 ɔna Hashabiya ɔna Amaziya ɔna Hilikiya 46 ɔna Amizi ɔna Bani ɔna Shemɛrɛ 47 ɔna Mahili ɔna Mushi ɔna Merari ɔna Lɛwi.

48 Anangɛwɔ w’ase Lɛwi wakasɔnama* dia kambaka elimu tshɛ wa lo tabɛrnaklɛ, luudu la Nzambi ka mɛtɛ.+ 49 Arɔna nde l’anande w’apami+ wakatshumbaka elambo lo elambwelo ka olambo wa lotshumba+ ndo lo elambwelo ka tshɔ,+ wakakambaka elimu wendana la diangɔ dioleki ekila dia nkomba pɛkato y’Isariyɛlɛ,+ lo ndjela kɛnɛ tshɛ kakadjanga Mɔsɛ okambi wa Nzambi ka mɛtɛ. 50 Tokanula taki Arɔna+ tɔ tɔnɛ: Eleazara+ ɔnande, Finehasi ɔnande, Abishua ɔnande, 51 Buki ɔnande, Uzi ɔnande, Zɛrahiya ɔnande, 52 Merayota ɔnande, Amariya ɔnande, Ahitubɛ+ ɔnande, 53 Zadɔka+ ɔnande ndo Ahimaza ɔnande.

54 Ahole wakawadjasɛka lo ndjela mpango* yawɔ lo ɛtshi kawɔ ka nkɛtɛ vɔ anɛ: Lo dikambo dia tokanula ta Arɔna ta lo nkumbo k’aseka Kɔhata, lam’akakɔ owale le wɔ, 55 wakawasha Hɛbɛrɔna+ lo ɛtshi ka nkɛtɛ ka Juda, kaamɛ la ahole atɔ wa ndeshaka dongalonga. 56 Koko wakasha Kalɛba+ ɔna Jefune ɛtshi ka nkɛtɛ ka l’osomba akɔ ndo ngelo yosukanyi la wɔ. 57 Wakasha tokanula taki Arɔna esomba* w’eshamelo+ ɛnɛ: Hɛbɛrɔna+ ndo Libina+ la ahole awɔ wa ndeshaka dongalonga, Jatira,+ Eshitɛmɔa kaamɛ la ahole awɔ wa ndeshaka dongalonga,+ 58 Hilɛnɛ la ahole atɔ wa ndeshaka dongalonga, Debirɛ+ la ahole adiɔ wa ndeshaka dongalonga, 59 Ashana+ la ahole awɔ wa ndeshaka dongalonga, ndo Bɛtɛ-Shɛmɛshɛ+ la ahole atɔ wa ndeshaka dongalonga. 60 Oma le dioho dia Bɛnjamina: Ngɛba+ la ahole atɔ wa ndeshaka dongalonga, Alɛmɛtɛ la ahole awɔ wa ndeshaka dongalonga, ndo Anatɔta+ la ahole awɔ wa ndeshaka dongalonga. Esomba awɔ tshɛ dikambo dia nkumbo yawɔ waki esomba 13.+

61 Wakasha* aseka Kɔhata akina tshɛ esomba 10, oma le nkumbo ka dioho, oma le k’ahende ɔtɔi ka dioho, k’ahende ɔtɔi ka Manase.+

62 Wakasha aseka Ngɛrɛshɔmɛ lo ndjela nkumbo yawɔ esomba 13 oma le dioho dia Isakara, dioho dia Ashɛrɛ, dioho dia Nafɛtali ndo dioho dia Manase lo Bashana.+

63 Wakasha aseka Merari lo ndjela nkumbo yawɔ, esomba 12 lo eokelo k’owale, oma le dioho dia Rubɛna, dioho dia Ngada ndo dioho dia Zebuluna.+

64 Ngasɔ mbakasha ase Isariyɛlɛ ase Lɛwi esomba ɛsɔ, kaamɛ la ahole awɔ wa ndeshaka dongalonga.+ 65 Ndo nto, wakawasha esomba ɛsɔ lo eokelo k’owale oma le dioho dia Juda, dioho dia Simɛyɔna ndo dioho dia Bɛnjamina, esomba woshilami nkombo yawɔ.

66 Nkumbo mɔtshi y’aseka Kɔhata yaki la esomba oma lo dioho dia Efrayimɛ, oko ɛtshi kawɔ ka nkɛtɛ.+ 67 Vɔ wakawasha esomba* w’eshamelo ɛnɛ: Shɛkɛmɛ+ la ahole ayɔ wa ndeshaka dongalonga wele lo lɛkɛ l’akona la Efrayimɛ, Ngezɛrɛ+ la ahole atɔ wa ndeshaka dongalonga, 68 Jɔkɛmeamɛ la ahole ayɔ wa ndeshaka dongalonga, Bɛtɛ-Hɔrɔna+ la ahole atɔ wa ndeshaka dongalonga, 69 Aidjalɔna+ la ahole atɔ wa ndeshaka dongalonga, ndo Ngata-Rimɔna+ la ahole atɔ wa ndeshaka dongalonga; 70 ndo oma le k’ahende ɔtɔi ka dioho dia Manase: Anɛrɛ la ahole awɔ wa ndeshaka dongalonga ndo Bileama la ahole atɔ wa ndeshaka dongalonga dikambo dia nkumbo nkina tshɛ y’aseka Kɔhata.

71 Oma le nkumbo ya lo k’ahende ɔtɔi ka dioho dia Manase, wakasha aseka Ngɛrɛshɔmɛ Ngɔlana+ ka la Bashana la ahole atɔ wa ndeshaka dongalonga, ndo Ashitarɔta la ahole awɔ wa ndeshaka dongalonga.+ 72 Oma le dioho dia Isakara: Kɛdɛshɛ la ahole atɔ wa ndeshaka dongalonga, Dabɛratɛ+ la ahole adiɔ wa ndeshaka dongalonga,+ 73 Ramɔta la ahole atɔ wa ndeshaka dongalonga, ndo Anɛmɛ la ahole awɔ wa ndeshaka dongalonga. 74 Oma le dioho dia Ashɛrɛ: Mashala la ahole atɔ wa ndeshaka dongalonga, Abidɔna la ahole awɔ wa ndeshaka dongalonga,+ 75 Hukoka la ahole awɔ wa ndeshaka dongalonga, ndo Rɛhɔba+ la ahole atɔ wa ndeshaka dongalonga. 76 Oma le dioho dia Nafɛtali: Kɛdɛshɛ+ ka la Ngalileya+ la ahole atɔ wa ndeshaka dongalonga, Hamɔna la ahole awɔ wa ndeshaka dongalonga, ndo Kiriatayima la ahole atɔ wa ndeshaka dongalonga.

77 Oma le dioho dia Zebuluna,+ wakasha aseka Merari akina tshɛ Rimɔnɔ la ahole atɔ wa ndeshaka dongalonga, Tabɔra la ahole atɔ wa ndeshaka dongalonga; 78 oma le dioho dia Rubɛna, lo ɛtshi ka nkɛtɛ ka Jɔrdana, la Jeriko lo ɛstɛ ka Jɔrdana, wakawasha Bezɛrɛ ka l’oswe la ahole atɔ wa ndeshaka dongalonga, Jahaza+ la ahole ayɔ wa ndeshaka dongalonga, 79 Kɛdɛmɔtɛ+ la ahole atɔ wa ndeshaka dongalonga, ndo Mefatɛ la ahole atɔ wa ndeshaka dongalonga. 80 Oma le dioho dia Ngada: Ramɔta wa la Ngiliyadɛ la ahole atɔ wa ndeshaka dongalonga, Mahanayima+ la ahole atɔ wa ndeshaka dongalonga, 81 Hɛshibɔna+ la ahole awɔ wa ndeshaka dongalonga, ndo Jazɛrɛ+ la ahole ayɔ wa ndeshaka dongalonga.