2 Ɛkɔndɔ
3 Oma laasɔ, Sɔlɔmɔna akatatɛ mbika luudu la Jehowa+ la Jɛrusalɛma lo Dikona dia Mɔriya+ lɛnɛ akɛnama Jehowa le Davidɛ+ dia she, lo dihole di’esuswelo diaki Ɔrɔnana+ ose Jɛbusɛ diakalɔngɔsɔla Davidɛ. 2 Nde akatatɛ mbika lo ngɔndɔ ka 2 nshi 2 lo ɔnɔnyi wa 4 w’ɛlɔmbwɛlɔ kande. 3 Etshina kakake Sɔlɔmɔna dikambo dia luudu la Nzambi ka mɛtɛ kaki la otale wa kubita 60 ndo wekeke+ wa kubita 20 lo ndjela wɛdikelo w’edjedja.* 4 Tshoto y’otale yaki la ntondo yaki la otale wa kubita 20 yakɛdima la wekeke wa luudu* ndo yaki la tanga dia kubita 20.* Nde akakite paonyi+ ka pudipudi l’etei kayɔ. 5 Nde akamame abaya wa dihake lo luudu lakɔ la woke; oma laasɔ, ko nde nkita paonyi+ ka dimɛna lɔkɔ ndo l’ɔkɔngɔ wa laasɔ, nde akasange asango w’atoko+ ndo wa mɔlɔla lɔkɔ.+ 6 Ndo nto, nde akamame mbɔkɔ y’amɛna y’oshinga wolo+ lo luudu lakɔ, ndo paonyi+ kakakambe la nde kaki paonyi k’oma la Paravayima. 7 Nde akakite paonyi+ lo luudu, lo esembe, lo asoko, lo mpele ndo lo nkuke; ndo nde akakambe la otshimɔ dia nsanga akɛruba lo mpele.+
8 Oma laasɔ, nde akasale etenyi* Koleki Ekila.+ Otale atɔ wakɛdima la wekeke wa luudu, kubita 20 ndo woke atɔ waki kubita 20. Nde akakite paonyi ka dimɛna+ kaki la yɛdikɔ ya talata* 600 lɔkɔ. 9 Paonyi yendana la nsɛti yaki la wotsho wa tɔshɛkɛlɛ* 50; ndo nde akakite paonyi lo mvudu ya ndala ya la diko.
10 Oma laasɔ, nde akasale difanelo 2 dia akɛruba lo etenyi* Koleki Ekila, ko nde akadikite paonyi.+ 11 Ahafu w’akɛruba+ akɔ waki la otale wa kubita 20; dihafu dimɔtshi dia ɔkɛruba wa ntondo diaki la otale wa kubita 5 ndo diakakomaka lo ehele ka luudu; dihafu dikina diaki la otale wa kubita 5 ndo diakakomaka lo dihafu dimɔtshi dia ɔkɛruba okina. 12 Dihafu dimɔtshi dia ɔkɛruba okina diaki la otale wa kubita 5 ndo diakakomaka lo ehele kekina ka luudu; dihafu dikina diaki la otale wa kubita 5 ndo diakakomaka lo dihafu dia ɔkɛruba wa ntondo. 13 Ahafu w’akɛruba akɔ wakasandjɔ lo otale wa kubita 20; vɔ wakemala l’ekolo awɔ ndo wakɛlɛ otsha l’etei.*
14 Nde akasale ndo dihɔndɔ di’okombɔ+ dia l’eshinga wa bule, eshinga w’ebelabela, eshinga wa beela ka telele ndo dihɔndɔ dia dimɛna efula; nde akadje asango w’akɛruba lɔkɔ.+
15 Oma laasɔ, nde akasale dikundji+ 2 la soko dia luudu lakɔ, diaki la otale wa kubita 35 ndo nde akasale ɔtɛ waki la kubita 5+ lo shɔdi y’ekundji la ekundji. 16 Ndo nde akasale mɔlɔla wele oko shɛnɛtɛ, ko akadje lo tɔsɔdi ta dikundji diakɔ ndo nde akasale asango wa pɔmɛgranatɛ 100, ko akawadje lo mɔlɔla akɔ. 17 Nde akemɛ dikundji diakɔ la soko dia tɛmpɛlɔ, kɛmɔtshi lo lonya l’omi* ndo kekina lo lonya la lɔmɔsɔ.* Nde akɔlɛ ka lo lonya l’omi ɔnɛ Jakina* ndo ka lo lonya la lɔmɔsɔ* ɔnɛ Bɔaza.*