Tokedi
7 Ɔnami, omba ɛtɛkɛta ami,
Ndo lama wadjango+ ami dimɛna.
3 Kelekawɔ lo mpita yayɛ;
Fundawɔ lo ehase ka otema ayɛ.+
4 Tɛ lomba wate: “Wɛ kele kadiyɛmi,”
Ndo elɛ yimba wate: “Owotɔ ami,”
5 Dia kolama oma le womoto lele la lɔkɛwɔ la mindo,*+
Oma le womoto lele la lɔkɛwɔ la mindo* ndo oma lo ɛtɛkɛta ande w’ɔsɛlɔ.*+
6 Oma lo didishi dia luudu lami,
Oma lo djongɔ ya lo didishi diami, dimi lakalengɛ,
7 Ko lakɛnyi weomombe,*
L’atei w’ɛlɔngɔlɔngɔ, dimi lakɛnyi ɔlɔngɔ a pami ɔmɔtshi wele bu la ekanelo k’ɔlɔlɔ.*+
8 Nde akete lo shinga yele suke la sanga dia womoto akɔ,
Nde akatshu otsha lo luudu la womoto akɔ
9 La tosho ta shimba, la dikɔlɔ,+
Otsho ndo wodjima waya suke.
11 Womoto akɔ ekɔ kanga londjo ndo ɔtɛ wolo.+
Nde* hatshikala lo luudu lande.
12 Etena kɛmɔtshi nde ekɔ l’andja, oma laasɔ lo ahole wele anto efula,
Nde ndjashɛka suke la sanga tshɛ.+
13 Nde akookimɛ ndo akawosha bizɛ;
Aha la mboka nsɔnyi, womoto akɔ akawotɛ ate:
14 “Dimi lakahombe nkimɔ elambo w’osanga.+
Ɛlɔ, dimi lambokotsha alɔkɔlɔkɔ ami.
15 Diakɔ diakamatombi dia ndjohomana la yɛ,
Dia ndjokoyanga, ko lambokotana!
16 Dimi lakaadi ahɔndɔ w’amɛna lo mbeto kami,
Wa linɛnɛ wele la alangi efula w’oma lo Edjibito.+
17 Dimi lakamɔngi malashi wa mirɛ, aloe ndo kinamɔna+ lo mbeto kami.
18 Yete totɔnɔ ndo totolotshanya la ngandji polo la pindju;
Totɔngɛnyangɛnyane la ngandji ka wolo kaamɛ,
19 Nɛ dia omɛmi bu la ngelo;
Nde akatshu lo lɔkɛndɔ l’etale.
20 Nde akatshu la tapa dia falanga,
Ndo nde hatokalola polo lam’ayonga ngɔndɔ emuma.”
21 Womoto akɔ ambowonganyiya la diewo di’efula dia mbetawoya.+
Nde ambɔɔkɔsha la ɛtɛkɛta w’ɔsɛlɔ.
22 Pami kakɔ ambooyela mbala kakɔ ɔtɔi oko ngɔmbɛ katatshu lo ediakelo,
Oko enginya katatshu dia tolongola dilanya lo lowete,*+
23 Polo lam’ayotondola lohito ovɔ ande;
Oko fudu yatasamanya otsha lo djonga, nde heye dia dui sɔ diayowoshishɛ lɔsɛnɔ*+ lande.
24 Ɔnkɔnɛ, anami le, nyompokame;
Nyodje yimba lo ɛtɛkɛta watami.
25 Tetawɔke dia otema ayɛ mbɛlɛ lo mboka ya womoto akɔ.
27 Luudu lande tɔlaka otsha lo Diombo;*
Lɔ polɔka otsha lo mvudu ya l’etei ka nyɔi.