LEMBO LA SƆLƆMƆNA
1 Lembo la nkembo,* laki Sɔlɔmɔna+ lɔ lɔnɛ:
2 “Nde ambisha bizɛ la bizɛ y’onyɔ ande,
Nɛ dia wɛnyɛlɔ ayɛ wa ngandji ndeka wanu+ dimɛna.
3 Opumu wa bisɔ diayɛ wekɔ dimɛna.+
Lokombo layɛ lekɔ oko malashi wambotshulɔ.+
Diakɔ diakolanga esekaseka.
4 Ɔmbɔshi kele monge kaamɛ la yɛ;* yete tolawɔ.
Nkumekanga ambɔmbɔtshiya lo mvudu yande ya l’etei!
Yaka tonge la ɔlɔ ndo tɔngɛnɛngɛnɛ le yɛ.
Ɛsɔ totombole* wɛnyɛlɔ ayɛ wa ngandji oleki wanu.
Vɔ* mɛtɛ wekɔ la ɛkɔkɔ wa kolanga.
5 Ana wa wamato wa Jɛrusalɛma le, kaanga mbemi odima, dimi lekɔ dimɛna,
Oko mvudu y’apɛma ya Kɛdara,+ oko mvudu y’apɛma+ ya Sɔlɔmɔna.
6 Tanyomendake nɛ dia lambohinda,
Dikambo yanyi yakankɔmɔla.
Ana wa mama wakamomalɛ;
Vɔ wakambetɛ olami wa dikambɔ dia vinyɔ,
Koko dimi konama ekambɔ kami hita ka vinyɔ.
Lande na kahombami monga oko womoto lokombami dihɔndɔ* lo elungi
L’atei wa dongalonga dia asekayɛ?”
8 “Naka wɛ heye, wɛ womoto loleki olangala le,
Yela wanya wa dongalonga
Ndo lesha ɛsɔngɔ ayɛ wa mbudi suke la mvudu y’apɛma y’alami w’ɛkɔkɔ.”
9 “Olangemi ami le, dimi lambokɛdika la mfalasa ka wadi l’atei wa pusupusu ya Farawɔ.+
10 Atama ayɛ wekɔ amɛna l’atei wa dɛngalɛnga,*
Nkingo kayɛ dingama la adidi.
11 Sho tayokosalɛ dɛngalɛnga dia paonyi
Diodingami la tokama ta mfɛsa.”
13 Le mi olangemi ami ekɔ oko tshapatapa ya malashi wa mirɛ+
Yetsha otsho lam’asa awɛlɛ ami.
14 Le mi olangemi ami ekɔ oko esandji k’alɛmbɔlɛmbɔ wa hɛna+
L’atei wa dikambɔ dia vinyɔ dia Ɛnɛ-Ngɛdi.”+
15 “Eenda, olangemi ami, wɛ ekɔ olangala.
Eenda, wɛ ekɔ olangala. Washo ayɛ wekɔ wa benga.”+
16 “Eenda, olangemi ami, wɛ ekɔ olangala ndo dimɛna.+
Mbeto kaso kekɔ l’atei wa avundja.
17 Esembe wa luudu* laso wekɔ w’elondo,
Alɛka aso wekɔ w’esongo wa dihake.
2 “Dimi lekɔ tsho dɛmbɔlɛmbɔ dia safra dia l’omamu w’ashi,
Dɛmbɔlɛmbɔ dia l’ekidi.”+
2 “Oko dɛmbɔlɛmbɔ l’atei w’atɛndɛ
Ngasɔ mbele olangemi ami l’atei w’ana wa wamato.”
3 “Oko osongo wa pɔmɛ l’atei w’esongo wa lo okonda,
Ngasɔ mbele olangemi ami l’atei w’ana w’apami.
Dimi kombolaka la ngandji tshɛ dia mbidjasɛ lo dɛdi diande,
Ndo elowa ande wekɔ mpɛ lo lolemi lami.
4 Nde akantɔlɛ lo luudu la difɛstɔ,*
Ndo ngandji mbaki dalapo diande la diko diami.
6 Lonya lande la lɔmɔsɔ lekɔ l’ɛse k’ɔtɛ ami,
Ndo lonya lande l’omi kumbatɛmi.+
7 Ana wa wamato wa Jɛrusalɛma le, dimi lambonyotshibia,
Le mboloko+ ndo le mfumbɔ ya l’oswe nte:
Tanyoyangake dia memula kana nomialomia ngandji le mi polo lam’ayotonyiyama+ tɔamɛ.
8 Dui di’olangemi ami diɔ sɔ!
Eenda, nde ongo ayaye,
Ayadɛ akona, ayafumbɔfumbɔ lo tokonakona.
9 Olangemi ami ekɔ oko mboloko, oko ɔsɔngɔ wa mpele.+
Lɛnɛ kende, emadi l’otshimba wa ehele kaso,
Eenda lo adidishi,
Alengɛ lo toyongɔ ta lo adidishi.
10 Olangemi ami ambɔtɛkɛta la mi lo mbutɛmi ate:
‘Olangemi ami emala,
Olangemi ami w’olangala le, yete totshu.
11 Eenda, eleko k’avula kambeta.
Mvula yaya bu nto.
12 Alɛmbɔlɛmbɔ wambotomba la nkɛtɛ,+
Etena ka nkɔndjɔla esongo kambokoka,+
Ndo osambo wa fudu k’enga wambokɛma lo wodja+ aso.
13 Osongo wa fingo+ wambɛdia elowa awɔ wa ntondo;
Ɛkɔdi wa vinyɔ wambotondja alɛmbɔlɛmbɔ ndo wopola nsolo kawɔ.
Olangemi ami le, onɛɛ, yaka.
Olangemi ami w’olangala le, yete totshu.
14 Fudu kami k’enga le, wɛ latoyashɛka lo wooko wa ave,+
Lo afuku w’eshamelo wa l’oholola,
Etawɔ dia dimi kɛna ndo mboka dui diayɛ,+
Nɛ dia dui diayɛ diekɔ dimɛna ndo ɛnamelo kayɛ kekɔ olangala.’”+
15 “Nyototondee ɛkɛngɛ,
Ana w’ɛkɛngɛ walanya dikambɔ dia vinyɔ,
Nɛ dia dikambɔ diaso dia vinyɔ diambotondja alɛmbɔlɛmbɔ.”
16 “Olangemi ami ekɔ lakimi ndo dimi lekɔ lakinde.+
Nde ekɔ lo nama ɛkɔkɔ+ l’atei w’alɛmbɔlɛmbɔ.+
17 Polo wonya watofufaka lɔpɛpɛ* ndo watoshishɔka alɛdi,
Olangemi ami le, kalola esadi,
Dimi lakooyange, koko dimi kombɛna.+
Dimi lakooyange, koko dimi kombɛna.
3 Todjamu tatetetaka lo osomba wakantane.+
‘Onde hanyɛnyi ɔnɛ lalangami?’*
4 Kam’akamaalekana
Dimi lakatane ɔnɛ lalangami.*
Dimi lakokimɛ, dimi kombokimɔ
Polo lam’akamawela lo luudu+ la mama,
Lo luudu lande la l’etei lɛnɛ akandatshu diemi diami.
5 Ana wa wamato wa la Jɛrusalɛma le, dimi lambonyotshibia,
Le mboloko ndo le mfumbɔ ya l’oswe nte:
Tanyoyangake dia memula kana nomialomia ngandji le mi polo lam’ayotonyiyama+ tɔamɛ.”
6 “Ayaye oma lo oswe oko ɔnɔngɔ w’edinga wadɛ,
Ayapola opumu wa mirɛ ndo wa tshɔ ya wɛma,
Kaamɛ la weho tshɛ w’efushi w’opumu wa amundji w’okanda?”+
7 “Eenda, ongo ekɔ mbeto kaki Sɔlɔmɔna.
Apami 60 wa wolo kidinga,
L’atei wa apami wa wolo wa l’Isariyɛlɛ,+
8 Vɔ tshɛ wekɔ la lokuwa la ta,
Vɔ tshɛ waketshama dia ndɔ ta,
Onto tshɛ sɔmɛ lokuwa lande la ta lo lokondo
Dia namaka l’ɔtɛ wa wɔma wa l’otsho.”
10 Dikundji diatɔ nde akadisale la mfɛsa,
Esukɔ atɔ la paonyi.
Edjaselo katɔ la dihɔndɔ di’ebelabela;
Tɔ kakalɛngama lo yoho yɛnya ngandji l’etei katɔ
Oma le ana wa wamato wa la Jɛrusalɛma.”
11 “Ana wa wamato wa Siɔna le, nyotombe,
Nyotende nkumekanga Sɔlɔmɔna
Ɔlɔtshi dɛmbɔ dia nkoso* dia diwala diakosalɛ nyango+
Lushi la diwala diande,
Lushi l’ɔngɛnɔngɛnɔ w’otema ande.”
4 “Eenda, olangemi ami le, wɛ ekɔ olangala.
Eenda, wɛ ekɔ olangala.
Washo ayɛ wekɔ wa benga l’edia ka dihɔndɔ diokombiyɛ.
Divo diayɛ diekɔ oko leemba la mbudi
Layaholɔ oma lo akona wa la Ngiliyadɛ.+
2 Wanyu ayɛ wekɔ oko leemba l’ɛkɔkɔ wekewɔ oma la mpembola wɛɔsa,
Wayaye oma la tɔtshama,
Vɔ tshɛ wekɔ ana wa waasa,
Ndo ndooko wɔnɛ wakashisha anawɔ.
3 Ɛlɔmɔ ayɛ wekɔ oko oshinga wa beela,
Ndo ɛtɛkɛta ayɛ wekɔ amɛna efula.
Oko ɛtshi k’olowa wa pɔmɛgranatɛ
Ngasɔ mbele atama* ayɛ l’edia ka dihɔndɔ diokombiyɛ.
4 Nkingo+ kayɛ kekɔ oko tshoto ya Davidɛ,+
Yakakama la ɛnɔngɔ w’ave
Lɛnɛ ohanemi dingawo kinunu (1 000),
Dingawo tshɛ di’etshimbedi dia apami wa wolo.+
6 “Polo wonya watofufaka lɔpɛpɛ* ndo watoshishɔka alɛdi,
Dimi layotshɔ otsha lo dikona dia mirɛ
Ndo otsha lo kionakona ya tshɔ ya wɛma.”+
7 “Olangemi+ ami le, wɛ ekɔ olangala demba di’otondo,
Ndooko vadi yele la yɛ.
8 Omambedi ami wa ngandji le, yaka kaamɛ la mi oma la Lɛbanɔna,
Yaka kaamɛ la mi oma la Lɛbanɔna.+
Toholɔ oma lo shɔdi ya Amana,
Oma lo shɔdi ya Senirɛ, shɔdi ya Hɛrɛmɔna,+
Oma lo didjaselo dia waa ntambwɛ, oma lo akona wa nkɔi.
9 Wɛ ambɔsa otema+ ami, wɛ kadiyɛmi, omambedi ami,
Wɛ ambɔsa otema ami la omamiyelo ayɛ wa washo,
La ɛlɛngalɛnga 1 kalɛndalɛnda lo nkingo kayɛ.
10 Kadiyɛmi, omambedi ami le, ande dimɛna diele wɛnyɛlɔ ayɛ wa ngandji+ lee!
11 Wɛ omambedi ami le, ɛlɔmɔ ayɛ tɔngaka osanga.+
Osanga ndo abɛlɛ wekɔ l’ɛse ka lolemi+ layɛ,
Ndo nsolo ka ahɔndɔ ayɛ kekɔ oko opumu wa la Lɛbanɔna.
12 Kadiyɛmi, omambedi ami ekɔ oko ekambɔ kodingami la lokombo djwɛ,
Ekambɔ kodingami la lokombo djwɛ, ɛtɛkɔ kodihami ku.
13 Sɔngusɔngu* yayɛ yekɔ paradiso* ka pɔmɛgranatɛ
Kaamɛ la elowa woleki amɛna, la hɛna mbidja ndo esongo wa nardɔ,
14 Nardɔ+ ndo safra, kanɛ*+ ndo kinamɔna,+
La weho tshɛ w’esongo wa tshɔ ya wɛma, mirɛ ndo aloe,+
Kaamɛ ndo malashi+ tshɛ woleki amɛna.
15 Wɛ ekɔ ekambɔ ka ɛtɛkɔ, oshima w’ashi wa pudipudi,
Ɛkɛdi wakɛla oma la Lɛbanɔna.+
16 Lɔpɛpɛ la lo nɔrdɛ le, emɔ;
Lɔpɛpɛ la lo sidɛ le, yaka.
Pɛpa* lo ekambɔ kami.
Opumu atɔ wahandjɔne.”
“Olangemi ami aye lo ekambɔ kande
Ndo ale elowa wa lɔkɔ woleki amɛna.”
5 “Ko dimi lakɔtɔ lo ekambɔ+ kami,
Kadiyɛmi, omambedi ami le.
Dimi lakasɔnɛ mirɛ kami la diangɔ diami di’opumu.+
Dimi lakale ehehe kami k’osanga ndo osanga ami;
Dimi lakanɔ wanu ami ndo abɛlɛ+ ami.”
“Angɛnyi ami wa ngandji le, nyole!
Nyɔnɔ ndo nyodjɔ wɛnyɛlɔ wa ngandji!”+
2 “Dimi lekɔ lo djɔ, koko otema ami wekɔ lo nsɛna.+
Lamboka olangemi ami akɔkɔla!”
‘Kadiyɛmi, olangemi ami le, ondjihole,
Fudu kami k’enga, wɛ laha l’ɛkɔmɔ!
Nɛ dia ɔtɛ ami wambɔlɔwa la lɔpɔpɔ,
Ndo divo diami la loonge l’otsho.’+
3 “Dimi lakakolodi okutu ami.
Onde dimi pombaka mbɔlɔta nto?
Dimi lakasodi ekolo ami.
Onde dimi pombaka mbadja mindo nto?
4 Olangemi ami akanya lonya lande oma lo wosho wa lokuke,
Ko nsaki yami y’otsha le nde yakonyiyama.
5 Dimi lakemɔ dia todihola olangemi ami;
Anya ami wakasana la mirɛ,
Ndo mpita yami la mirɛ k’ɔkɛlɛngɔ,
Lo nsapi kadihama lokuke.
6 Dimi lakadihola olangemi ami,
Koko olangemi ami akakadimɔ, akatshu.
Dimi lakashisha elongamelo* lam’akandatshu.*
Dimi lakooyange, koko dimi kombɛna.+
Dimi lakawelɛ, koko nde kombetawɔmi.
7 Todjamu tatetetaka l’osomba wakantane.
Vɔ wakankɔmɔla, wakampomuya.
Todjamu ta mpele wakampɔtɔla dihɔndɔ diatomokombaka.
8 Ana wa wamato wa la Jɛrusalɛma le, dimi lambonyotshibia nte:
Naka nyambɛna olangemi ami,
Kanyowote dia lekɔ la hemɔ ka ngandji.”
9 “Ngande woleki olangemi ayɛ olangemi okina tshɛ,
Wɛ womoto loleki olangala le?
Ngande woleki olangemi ayɛ olangemi okina tshɛ,
Katoyototshibia etshibelo ka ngasɔ?”
10 “Olangemi ami ekɔ olangala wahɛtahɛta ndo wɛma;
Nde kaleka mɛnama l’atei wa nunu dikumi (10000).
11 Ɔtɛ ande wekɔ paonyi, ɛɛ, paonyi koleki dimɛna.
Divo diande diekɔ oko waanga w’atoko* wasukasuka,
Odima oko dingwangwa.
12 Washo ande wekɔ oko benga l’omamu w’ɛkɛdi w’ashi,
Diɔka lo abɛlɛ,
Diodjashi l’omamu wa difuku di’ashi.*
13 Atama ande wekɔ oko mbeto ka diangɔ di’opumu,+
Atota w’adiyo w’opumu.
Ɛlɔmɔ ande wekɔ alɛmbɔlɛmbɔ, watɔngatɔnga la mirɛ+ k’ɔkɛlɛngɔ.
14 Mpita ya lo anya ande yekɔ paonyi kodjami krizɔlitɛ.
Dikundju diande diekɔ owanga wa lɔsɛla wokombami la safirɛ.
15 Ekolo ande wekɔ dikundji dia marbrɛ diemɛmi lo dikitshelo dia paonyi koleki dimɛna.
Ɛnamelo kande kekɔ oko Lɛbanɔna, kahakoke mbɛdikama oko wele elondo.+
Ana wa wamato wa Jɛrusalɛma le, ngasɔ mbele olangemi ami, ɔnɛ lalangami.”
6 “Lende akatshwe olangemi ayɛ,
Wɛ womoto loleki olangala le?
Mboka kakɔna kakɔtwɛ olangemi ayɛ?
Ɛsɔ tooyange kaamɛ la yɛ.”
2 “Olangemi ami akaholwe otsha lo ekambɔ kande,
Otsha lo mbeto ya tombatomba di’opumu,
Dia tolama ɛkɔkɔ lo dikambɔ
Ndo dia tokola alɛmbɔlɛmbɔ.+
3 Dimi lekɔ laki olangemi ami,
Ndo olangemi ami ekɔ lakimi.+
Nde ekɔ lo nama ɛkɔkɔ l’atei w’alɛmbɔlɛmbɔ.”+
4 “Olangemi+ ami le, wɛ ekɔ olangala oko Tiriza,*+
Dimɛna oko Jɛrusalɛma,+
Mambiyaka oko asɔlayi wodingi adalapo+ awɔ.
5 Nya washo+ ayɛ oma le mi,
Nɛ dia vɔ wambɔnɛndja.
Divo diayɛ diekɔ oko leemba la mbudi
Layaholɔ lo eholola wa Ngiliyadɛ.+
6 Wanyu ayɛ wekɔ oko leemba l’ɛkɔkɔ
Wayaye oma la tɔtshama,
Vɔ tshɛ wekɔ la ana wa waasa,
Ndo ndooko wɔnɛ wakashisha anawɔ.
7 Oko ɛtshi ka olowa wa pɔmɛgranatɛ
Ngasɔ mbele atama* ayɛ l’edia ka dihɔndɔ diokombiyɛ.
9 Koko paka ɔtɔi oto mbele fudu kami k’enga,+ lakimi laha la vadi.
Tshɔi yakɔ ya l’otema wa nyango.
Nde kaleka nangema* le ɔnɛ lakawote.
Ana wa wamato mbɛnaka ndo vɔ mbutaka dia nde ekɔ l’ɔngɛnɔngɛnɔ;
Wadi ndo eseka wa nkumekanga, ndo vɔ mbotombolaka.
10 ‘Womoto akɔna ɔnɛ ahɛta oko osase wa pindju,
Olangala oko ngɔndɔ kaya emuma,
Pudipudi oko osase wa yanyi,
Lambiya oko asɔlayi wodingi adalapo awɔ?’”+
11 “Dimi lakaholɔ lo ekambɔ k’esongo+ wa madamɛ
Dia tenda esongo w’eyoyo wambotomba l’okidi,
Dia tenda kana ɛkɔdi wa vinyɔ wambɔmɔnga,
Kana esongo wa pɔmɛgranatɛ wambodja alɛmbɔlɛmbɔ.
13 “Kalola, kalola, ose Shulama!
Kalola, kalola,
Dia sho ndjokenda!”
“Lande na kendanyu ose Shulama?”+
“Nde ekɔ oko nɔshi dia lokombe dia elui 2!”*
7 “Ande dimɛna diele ekolo ayɛ lo sabata yayɛ,
Wɛ ɔna womoto la lokumu lee!
Otshimbedi wa pɛlɔhɛlɔ diayɛ wekɔ oko dɛngalɛnga,
Olimu w’anya w’otshudi wa kɔmba.
2 Ototo ayɛ wekɔ dɔnga di’obolonga.
Vɔ watohombake pondjo wanu wɔsɔhanyemi.
Dikundju diayɛ diekɔ olui w’eponga,
Wodingami la alɛmbɔlɛmbɔ.
3 Awɛlɛ ayɛ 2 wekɔ oko mfumbɔ 2,
Diasa dia mboloko.+
4 Nkingo+ kayɛ kekɔ oko tshoto+ y’ewanga.
Ɔhɛmbɛ ayɛ wekɔ oko tshoto ya Lɛbanɔna,
Yɛlɛ otsha la Damasɛkɛ.
Nkumekanga ambokotɔma* la apoto ayɛ walɛndalɛnda.
6 Ande olangala weyɛ ndo ande dimɛna dieyɛ,
Wɛ ɔna womoto lalangema, laadiko dia kɛnɛ tshɛ kangɛnyangɛnya lee!
7 Diema diayɛ diekɔ oko toko,
Ndo awɛlɛ ayɛ wekɔ oko sandji dia mba+ yelɛwɔ datɛ.
8 Dimi lakate nte: ‘Dimi layodɛ lo toko
Dia tokimɛ sandji diadiɔ dia mba.’
Awɛlɛ ayɛ wonge oko sandji dia elowa wa vinyɔ,
Lɔhɛngɔ layɛ oko opumu w’elowa wa pɔmɛ,
9 Ndo onyɔ* ayɛ wekɔ oko wanu woleki amɛna.”
“Vɔ waholɔ dimɛna dikambo dia olangemi ami,
Wasɛlɔ laadiko di’ɛlɔmɔ wa wanɛ walala djɔ.
10 Dimi lekɔ laki olangemi ami,+
Ndo nsaki kande kekɔ dikambo diami.
12 Katetɔ la yosose ko ntshɔ lo dikambɔ dia vinyɔ
Dia tenda kana ɔkɔdi wa vinyɔ wambɔmɔnga,
Kana alɛmbɔlɛmbɔ wambɔmbɔla,+
Kana pɔmɛgranatɛ yambodja alɛmbɔlɛmbɔ.+
Lɛkɔ kayomotokɛnya ngandji kakokami.+
W’eyoyo kana w’edjedja,
Wakamakoombɛ wɛ olangemi ami.
8 “Otoyonga oko ɔnalengo,
Lakalɔmɛ awɛlɛ wa mama lee!
Tshike lam’otomokotana l’andja, dimi lotokosha bizɛ,+
Ko ndooko onto lotɔmɔnyɔla.
Dimi lotokosha wanu w’opumu dia wɛ nnɔ,
Ashi w’elowa wa tshitshi wa pɔmɛgranatɛ.
3 Lonya lande la lɔmɔsɔ lotonga l’ɛse k’ɔtɛ ami,
Ndo lonya lande l’omi lotonkumbatɛ.+
4 Ana wa wamato wa la Jɛrusalɛma le, dimi lambonyotshibia nte:
Tanyoyangake dia memula kana nomialomia ngandji le mi polo lam’ayotonyiyama+ tɔamɛ.”
5 “Akɔna ayaye oma lo oswe,
Ɛkami olangemi ande?”
“Dimi lakakemula l’ɛse ka esongo wa pɔmɛ.
Lɛnɛ akɛnyi nyɔ paa la yɛ.
Lɛnɛ akasowe ɔnɛ lakakoote.
6 Ombidje lo otema ayɛ oko ohomɔ,
Oko ohomɔ wahadimɔki lo lonya layɛ,
Nɛ dia ngandji kekɔ+ la wolo oko nyɔi,
Ndo omamemelo wa la tshondo hawetawɔ ntshika oko wele Diombo* hakimɔ.
Loombe latɔ lekɔ loombe la dja, loombe la Jah.*+
Naka onto nsondja ɔngɔnyi wa lo luudu lande tshɛ dia nsomba ngandji,
Anto wayɔnyɔla dui sɔ* tshɛ lo tshɛ.”
8 “Sho tekɔ la kadiyɛso+ keke dikɛnda,
Ndo nde atatombe awɛlɛ.
Kakɔna kayotosalɛ kadiyɛso kɛsɔ
Lushi layowolanga mbotshuka?”
9 “Naka nde ekɔ ehele,
Sho tayowɔlɛnga lo mbahɛ mfɛsa laadiko diande,
Ko naka nde ekɔ lokuke,
Kete sho tayowodiha la abaya w’olondo.”
10 “Dimi lekɔ ehele,
Ndo awɛlɛ ami wekɔ oko totshoto.
Ɔnkɔnɛ lo washo ande dimi laya
Oko onto lambotana ki.
11 Sɔlɔmɔna ekɔ la ekambɔ ka vinyɔ+ la Baala-Hamɔna.
Nde akakimɔ ekambɔ kakɔ ka vinyɔ le alami.
Onto l’onto akahombe mbela ekenga kinunu (1 000) wa mfɛsa l’ɔtɛ w’elowa w’oma lɔkɔ.
12 Dimi lekɔ la ekambɔ kami hita ka vinyɔ dikambo diami.
Sɔlɔmɔna le, ekenga kinunu (1 000) wa mfɛsa wekɔ wayɛ,
Ndo 200 waki wanɛ walama elowa wa lɔkɔ.”
13 “Wɛ ladjasɛ lo dikambɔ+ le,
Angɛnyi mpokamɛka dui diayɛ.
Etawɔ dimi dioka.”+
Kana “Lembo loleki tshɛ.”
Tshɛk., “Onkotole l’ɔkɔngɔ ayɛ.”
Kana “tonyomɔtɛkɛta.”
Mbuta ate esekaseka.
Kana “lele anima ami nangaka.”
Kana “dihɔndɔ di’otanda.”
Kana ondo “l’atei wa dɛngalɛnga dia lo divo.”
Tshɛk., “nardɔ.”
Kana “luudu la dimɛna efula.”
Tshɛk., “luudu la wanu.”
Tshɛk., “watɔhɛngaka lushi.”
Kana ondo “ɔlɔngɛ wa l’akona.” Kana “akona wa Bɛtɛrɛ.”
Kana “ɔnɛ lalanga anima ami.”
Kana “ɔnɛ lalanga anima ami.”
Kana “ɔnɛ lalanga anima ami.”
Kana “ɔnɛ lalanga anima ami.”
Mbeto k’ɔmbami kakambawɔ la tɔ dia mɛmba onto la lokumu.
Kana “ekata ka alɛmbɔlɛmbɔ.”
Kana “mpakatoyi.”
Tshɛk., “watɔhɛngaka lushi.”
Kana ondo “lokoho.”
Kana “ekambɔ.”
Woho ɔmɔtshi wa sɔpɔ dia enyi.
Kana “Fufa ɔkɔkɛ.”
Kana “Anima ami wakakɔmɔ.”
Kana ondo “Anima ami wakantshike etena kakandatɛkɛta.”
Kana ondo “oko sandji dia mba ya datɛ.”
Kana ondo “ehembo wa ɛtɛkɔ.”
Tshɛk., “lolemi.”
Kana “Osomba wa Dimɛna.”
Kana “mpakatoyi.”
Tshɛk., “ɔnɛ lele pudipudi.”
Kana “anima.”
Kana “walanga.”
Kana “nɔshi dia lokombe dia Mahanayima.”
Tshɛk., “ɔtɛ ayɛ.”
Kana “ambokelekama.”
Tshɛk., “lolemi.”
Kana “Sheɔlɛ,” mbuta ate odimu a pɛngando. Enda Elembetshielo.
“Jah” ekɔ lokombo Jehowa lo hiembola.
Kana ondo “wayowɔnyɔla.”