DIMBOLA 10
Kakɔna kalaka Bible lo kɛnɛ kendana la nshi yayaye?
“Anto w’ɛlɔlɔ wayokita nkɛtɛ, ndo wayodjasɛka lɔkɔ pondjo pondjo.”
“Nkɛtɛ tshikalaka pondjo.”
“Nde ayonya nyɔi pondjo, ndo Nkum’Olongo Nkumadiɔndjɔ Jehowa ayokitola asɔyi oma lo dungi tshɛ.”
“L’etena kɛsɔ washo w’akanga wa totshungu wayɔsɛna, ndo atoyi w’akanga wa mpoke wayoka. L’etena kɛsɔ kanga etshumbe ayolembɔlembɔ oko mpele, ndo lolemi la kanga lomi layoda ekoko w’ɔngɛnɔngɛnɔ. Nɛ dia ashi wayofukɔfukɔ l’oswe wa shɛnga, ndo tɔkɔkɔ t’ashi tayɔkɛlaka lo laandja l’oswe.”
“Nde ayokitola asɔyi tshɛ oma lo washo awɔ, nyɔi hatoyala nto, otanda hatoyala nto, delo hatoyala nto, kaanga kandji hatoyala nto. Akambo wa ntondo wamboshila.”
“Vɔ wayoka mvudu ko wayodjasɛka lɔkɔ, ndo vɔ wayokamba dikambɔ dia vinyɔ ko wayɔlɛka elowa w’oma lɔkɔ. Vɔ hawotoka mvudu dia onto okina ndjodjasɛ lɔkɔ, ndo hawotokamba dikambɔ dia anto akina ndjɔlɛ. Nɛ dia nshi ya anto ami yayonga oko nshi ya esongo, ndo ɛsɔnami ami wayɔngɛnangɛnaka lo yɛdikɔ y’efula la olimu wa anya awɔ.”