“Yaka, Ondjele”

Onde wɛ atanganɛka ndo atayaokaka dia wɛ ekɔ l’ohomba w’ɛlɔmbwɛlɔ? Yeso Kristo mbele Ɔnɔmbɔdi wakatosha Nzambi. Nde akate ate: “Dimi lekɔ olami w’ɔlɔlɔ w’ɛkɔkɔ. Dimi mbeyaka ɛkɔkɔ ami ndo ɛkɔkɔ ami mbeyakami.” (Joani 10:14) Onde wɛ mɛtɛ mbeyaka Olami ɔsɔ w’ɔlɔlɔ w’ɛkɔkɔ, mbuta ate waonga ande, losango lande, olimu ande, ohetoheto waki la nde ndo ngandji kande? Dibuku nɛ diayokokimanyiya dia wɛ mbeya Yeso dimɛna ndo ndeka mbooyela dimɛna dimɛna.