Mbɔtwɛlɔ ka etenyi 14

Akristo wa lo ntambe ka ntondo wakadianganya lokumu l’ɔlɔlɔ la Diolelo polo lo ahole woleki etale wa la nkɛtɛ. Yeso akaalɔmbɔla lɛnɛ akawakoke nsambisha ndo akawasha akoka wa mbetsha anto lo ɛtɛkɛta awɔ hita lo yoho ya dihindo. Jehowa akawasha dihonga ndo wolo wa ntondoya ɛhɛnyɔhɛnyɔ wa wolo.

Yeso akɛnya ɔpɔstɔlɔ Joani ɛnɛlɔ ka lotombo la Jehowa. Lo ɛnɛlɔ kekina, Joani akɛnyi Diolelo dia l’olongo dialɛndja Satana ndo diakomiya ɛlɔmbwɛlɔ kande lo pondjo. Joani akɛnyi Yeso olɛ oko Nkumekanga ndo anto 144 000 wolɛ kaamɛ la nde. Joani akɛnyi nto nkɛtɛ k’otondo kakadimɔ paradiso lɛnɛ atɛmɔla anto tshɛ Jehowa lo wɔladi ndo lo kaamɛ.