Ɛhɛnyɔhɛnyɔ
Lande na kahomba Akristo nongamɛ dia wayɔhɛnyahɛnyama?
Lande na kahombaso nɔmba Jehowa dia tokeketsha etena kahɛnyahɛnyamaso?
Os 55:22; 2Kɔ 12:9, 10; 2Ti 4:16-18; Hɛb 13:6
Bɛnyɛlɔ dia lo Bible diakoka kokimanyiya:
1Ku 19:1-18—Etena kakandalɔshamaka, omvutshi Elidja akayaɛkɛ le Jehowa ko akakeketala ndo akasambema
Ets 7:9-15—Anango Yɔsɛfu wakɔhɛnyahɛnyaka koko Jehowa akatetemala ndjaɛkɛ le nde, akookimanyiya ndo akakambe la nde dia nshimbɛ nkumbo kande
Naa weho ɛmɔtshi w’ɛhɛnyɔhɛnyɔ wahomana la so?
Ntɛngɔ ndo diɔnyɔ
2Ɛk 36:16; Mat 5:11; Ets 19:9; 1Pe 4:4
Bɛnyɛlɔ dia lo Bible diakoka kokimanyiya:
2Ku 18:17-35—Rabishakɛ ɔtɛkɛtshi wa nkumekanga k’Asuriya, akatɛngɛ Jehowa ndo akɔnyɔla anto waki la Jɛrusalɛma
Luk 22:63-65; 23:35-37—Wanɛ wakahɛnyahɛnyaka Yeso wakɔɔtɛngɛ ndo wakawɔɔlɛ etena kakawawonde ndo kakinde l’otamba w’asui
Ɔlɔshamelo oma le ase nkumbo
Etena kandamaso ndo katɔlamaso la ntondo k’ewandji
Ɛhɛnyɛhɛnyɔ wa lo demba
Etena katɔlɔsha leemba l’anto
Nyɔi
Kakɔna kahomba Akristo nsala etena kahɛnyahɛnyamawɔ?
Mat 5:44; Ets 16:25; 1Kɔ 4:12, 13; 1Pe 2:23
Bɛnyɛlɔ dia lo Bible diakoka kokimanyiya:
Ets 7:57–8:1—Kaanga mbakinde suke la ndjakema l’epetenge oma le olui w’anto, ombeki Stɛfano akalɔmbɛ Jehowa dia mboka anto wakɔhɛnyahɛnyaka kɛtshi mbidja ndo Saolo k’ose Taraso
Ets 16:22-34—Kaanga mbakawɔkɔmɔla ndo mbakawawodje lo lokanu, ɔpɔstɔlɔ Pɔɔlɔ akasalɛ olami wa lokanu akambo la ngandji ndo kɛsɔ akakonya pami kɛsɔ la nkumbo kande dia nkoma ambetawudi
Kakɔna kakakomɛ Akristo amɔtshi wa lo ntambe ka ntondo?
Ngande wahombaso ndjaoka etena katɔhɛnyahɛnyawɔ?
Ngande watokeketsha elongamelo kaso kendana la nshi yayaye etena keso l’ɛhɛnyɔhɛnyɔ?
Lande na kahatahombe mbetawɔ di’ɛhɛnyɔhɛnyɔ tokonya dia mboka sɔnyi, wɔma kana tɔkɔmɔla ndo lande na kahatahombe ntshika kambɛ Jehowa?
Os 56:1-4; Ets 4:18-20; 2Ti 1:8, 12
Bɛnyɛlɔ dia lo Bible diakoka kokimanyiya:
2Ɛk 32:1-22—Etena kakaye nkumekanga Sɛnakɛribɛ l’olui a woke w’alembe dia ndjɔlɔsha ase Jɛrusalɛma, nkumekanga Hɛzɛkiya laki la mbetawɔ akayaɛkɛ le Jehowa ndo akakeketsha wodja ko nde akafutama
Hɛb 12:1-3—Anto wakahɛnyahɛnyaka Yeso wakalange mbosha sɔnyi koko nde kombetawɔ dia sɔnyi kɛsɔ mbɔtɛwɔla lo yoho yakɔna tshɛ
Awui akɔna w’amɛna wakoka monga l’ɔkɔngɔ wa sho pɛnyahɛnyama?
Ekikelo kaso l’ehemba ngɛnyangɛnyaka ndo tombolaka Jehowa
Bɛnyɛlɔ dia lo Bible diakoka kokimanyiya:
Jɔb 1:6-22; 2:1-10—Kaanga mbakinde kombeya dia Satana mbaki lo kiɔkɔ y’ehemba ande, Jɔbɔ akatombola Jehowa ndo akɛnya dia Satana ekɔ kanga kashi lo ntona mboka Jehowa ɔkɔngɔ
Dan 1:6, 7; 3:8-30—Hananiya, Mishaɛlɛ ndo Azariya (Shadrakɛ, Meshakɛ ndo Abɛdɛ-Nɛngɔ) waki la mbetawɔ ndo waketawɔ kaanga ndjakema lo dihole dia pindolɛ Jehowa ndo etombelo waki la dui sɔ ele Nɛbukadinɛza nkumekanga k’opanganu akatombola Jehowa lo sɛkɛ
Ɛhɛnyɔhɛnyɔ watɔhɛnyahɛnyawɔ koka nkimanyiya di’anto ndeka sambishama
Bɛnyɛlɔ dia lo Bible diakoka kokimanyiya:
Ets 11:19-21—Akristo wadiɛnɛ l’ɛhɛnyɔhɛnyɔ tetemalaka nsambisha lokumu l’ɔlɔlɔ l’ahole wa tale ndo wa lo sɛkɛ
Flp 1:12, 13—Ɔpɔstɔlɔ Pɔɔlɔ akangɛnangɛna dia mboka dia woho wakandadjama lo lokanu akakimanyiya dia lokumu l’ɔlɔlɔ ntshɔ otsha la ntondo
Ekikelo kaso l’ehemba koka nkeketsha asekaso ambetawudi
Shɛngiya yakɔna yele l’ewandji w’ɛtɛmwɛlɔ ndo ase pɔlitikɛ etena kahɛnyahɛnyama ekambi wa Jehowa?
Jɛr 26:11; Mak 3:6; Jni 11:47, 48, 53; Ets 25:1-3
Bɛnyɛlɔ dia lo Bible diakoka kokimanyiya:
Ets 19:24-29—L’Ɛfɛsɔ, anto amɔtshi wakasalaka ndo wakasondjaka dikishi wakafɔnya dia losango lakasambishaka Akristo lakakoke mbalanyɛ okanda awɔ diakɔ diakawahɛnyahɛnyaka Akristo
Nga 1:13, 14—La ntondo ka nkoma Okristo, Pɔɔlɔ (Saolo) akayashaka efula l’ɔtɛmwɛlɔ w’ase Juda diakɔ diakandahɛnyahɛnyaka Akristo