‘Lowanya ɔnayɛ’
DIA MONGA la jardɛ ya dimɛna, onto hahombe monɛ tsho diangɔ ko ndjokawola l’ɔkɔngɔ wa ngɔndɔ ngana tsho dia ndjona kɛnɛ kakandonɛ, koko nde la dia kamba olimu efula. Nde pombaka kamba olimu wa wolo lo bondola nkɛtɛ, monɛ diangɔ ko l’ɔkɔngɔ ndjotɛka ashi la mɔmbɛka dia kɛnɛ konɛmi mbola.
Dikambo sɔ mɛnyaka mɛtɛ ka kɛnɛ kata Tukedi 22:6 ɔnɛ: ‘Lowanya ɔnayɛ mboka kahombande mbidjɛ, ko lam’ayondola nde hatangana oma lɔkɔ.’ Di’ɔna mbola dimɛna, ambutshi la dia mbolowanya.
Koko, l’andja ɔnɛ wele anto tshɛ ntshaka kɛnɛ kalangawɔ, ambutshi efula hawoyoyela dako sɔ. Lam’okoyawɔ lomba la l’andja ɔnɛ lahika di’ana kandola ekakatanu awɔ vamɛ, mbala efula ana ndjotshikalaka oko tshike. Ambutshi watsha ngasɔ tshikaka ana lo shɛngiya ya kɔlɔ y’oma le anto wa kɔlɔ wahayele awui wa lo Bible.—Tukedi 13:20.
Sunganaka mɛtɛ di’ambutshi kɔkɔmiyaka anawɔ awui w’Akristo l’ekimanyielo ka wetshelo w’oma le Nzambi oma k’akɛnda. Oma l’ɛnɔnyi engana? Ɔpɔstɔlɔ Paulo ate: ‘Oma ko kiɛndakɛnda.’ Oma ko kiɛndakɛnda mbakawalakanya ɔlɔngɔlɔngɔ Timɔtɛ. Eyunikɛ wa nyango la Lɔyi la tshɛnde wakɔ̂kɔkɔmiya ‘efundelo w’ekila,’ diɔ diakɔ ‘diakandeke’ ndo ‘diakandetawoyama.’ Etombelo akɔna wakonge na? Olowanyelo ɔsɔ akawosha ‘lomba dia panda.’—2 Timote 1:5; 3:14, 15.
Nd’ɛlɔ kɛnɛ, ambutshi ‘wahahekɔ ntsha kɛnɛ kele ɔlɔlɔ’ wayona ɛtshɔkɔ efula naka vɔ ‘hawɔlɛmbi.’ (Ngalatiya 6:9) Sɔlɔmɔna, Nkumekanga ka lomba, ate: ‘She kanga ɔlɔlɔ ayotamanya ngɛnangɛna.’—Tukedi 23:24.
Kânga l’andja ɔnɛ wambofukutana, wɛ kokaka monga l’ɔngɛnɔngɛnɔ oma l’ewo k’oshika kasha Bible lo dikambo dia Nzambi, dia Diolelo diande, ndo dia sangwelo diande di’ɔlɔlɔ diendana l’anto. Naka wɛ nangaka mbeya awui akina kana onto ndjokêtsha Bible lakayɛ ofele, mbola Ɛmɛnyi wa Jehowa wa lo ngelo kodjashiyɛ kana tomɛ Association “Les Témoins de Jéhovah” mukanda lo B.P. 634 Limete, Kinshasa, République démocratique du Congo.
[Caption on page 32]
[Box on page 32]
Wɛ nangaka onto ndjokenda?