Wakawatshanya ntondo, ko wakayâlongolaka l’ɔkɔngɔ

AMBETA ɛnɔnyi ɛmɔtshi wele Santiago la wadɛnde Lourdes, wakonɔ lo osomba ɔmɔtshi wa olangala wa Huillcapata, lo wodja wa Pérou dia tosambisha anto wa lɛkɔ losango l’elongamelo lele lo Bible. Koko, yema tshitshɛ l’ɔkɔngɔ w’okomelo awɔ lɛkɔ, osasɛrdɔsɛ ɔmɔtshi w’oseka Mupɛ akaye oma lo osomba wa Cuzco ndo akasanganya anto tshɛ wa lo osomba wa Huillcapata. Osasɛrdɔsɛ ɔsɔ akewola anto dia oyelo w’Ɛmɛnyi wa Jehowa lo osomba awɔ ayowaela sui dia nyɔi ndo lônge l’ekama efula layodiaka dongalonga ndo ndanya dinela diawɔ.

Anto efula wakasɛngiyama la “prɔfɛsiya” kande kɛsɔ ndo olekanyi ɔnɔnyi ɔtɔi l’etenyi, ndoko onto ɔtɔi la lo osomba ɔsɔ laketawɔ mbeka Bible. Owandji ɔmɔtshi w’osomba ɔsɔ, mbuta ate lieutenant-gouverneur lelɛwɔ ɔnɛ Miguel akatshanya Santiago nde la Lourdes polo lo shinga atawaoke ave. Koko, mbala tshɛ vɔ wakongaka la dionga dia wɔlamu di’Akristo.

Lo edjedja ka wonya, anto amɔtshi wa lo osomba ɔsɔ wakayetawɔka mbeka Bible. Kânga Miguel akayotshikitanyaka dionga diande. Nde akatatɛ mbeka la Santiago, nde akatshike nnɔ wanu lo yoho ya tshambandeko ndo akakome onto la wɔlamu. L’ɔkɔngɔ diko, Miguel, wadɛnde ndo anande ahende wa wamato waketawɔ akambo wa mɛtɛ.

Ɛlɔ kɛnɛ, etshumanelo kɛmɔtshi ka Ɛmɛnyi wa Jehowa katahame kekɔ lo osomba ɔsɔ. Miguel ekɔ l’ɔngɛnɔngɛnɔ efula dia ave efula wakandoke Santiago la Lourdes kokoma lo alemba awɔ ndo nde ekɔ la lowando efula le atshukanyi asɔ l’ɔtɛ wa ɛnyɛlɔ kawɔ ka wɔlamu.

[Esato wa lo lɛkɛ 32]

Dionga dia wɔlamu diaki Santiago la Lourdes (la diko) akatshutshuya Miguel (lele yema etale lo lonya l’omi)dia nde tshikitanya dionga diande