EKADIMWELO LO AMBOLA W’OMA LO BIBLE

Onde sho koka nkondja lɔsɛnɔ la pondjo?

Kaanga mbakasɛnɛ Adama pami ka ntondo ɛnɔnyi nkama, nde akayotshundaka ndo akayovɔka. Ntatɛ oma k’etena kɛsɔ, anto efula wambohemba toho totshikitanyi dia mbewɔ lotshundu l’osombe. Koko ndooko onto lambonga l’akoka wa mbewɔ nyɔi. Lande na? Adama akatshunde osombe nɛ dia nde akasale pɛkato lo pindolɛ Nzambi. Sho tshundaka esombe ndo mvɔka nɛ dia takahowɔ pɛkato oma le Adama.​—Adia Etatelu 5:5; Rɔmɔ 5:12.

Ɔnkɔnɛ, dia sho nkondja lɔsɛnɔ la pondjo, ekɔ ohomba di’onto ɔmɔtshi mfuta oshinga w’etshungwelo lo wahɔ aso. (Jobo 33:24, 25) Oshinga w’etshungwelo ekɔ kɛnɛ kafutama dia ntshungola onto ɔmɔtshi ndo sho tekɔ la wɔ ohomba dia ntshungɔ oma lo nyɔi. (Etumbelu 21:29, 30) Diɛsɛ ko Yeso akafute oshinga w’etshungwelo ɔsɔ etena kakandatovwɛ.​—Adia Joani 3:16.

Ngande wakokaso nkondja lɔsɛnɔ la pondjo?

Aha anto tshɛ mbayotshungɔ oma lo hemɔ la lotshundu l’osombe. Dikambo wanɛ wahindolɛ Nzambi l’ɛnyɛlɔ k’Adama hawotokondja lɔsɛnɔ la pondjo. Paka wanɛ wakadimanyiyama pɛkato yawɔ mbayolikondja.​—Adia Isaya 33:24; 35:3-6.

Dia dimanyiyama, ekɔ ohomba sho nsala dui dimɔtshi. Sho pombaka nsala dia mbeya Nzambi lo mbekaka Ɔtɛkɛta ande, Bible. Tɔ tetshaka woho wakokaso monga l’ɔngɛnɔngɛnɔ, monga la yoho ya lɔsɛnɔ yoleki dimɛna, mbokama kɛtshi oma le Nzambi ndo nkondja lɔsɛnɔ la pondjo.​—Adia Joani 17:3; Etsha 3:19.