Ɛtɛ w’awui
LOMINGU LA NGƆNDƆ KA HENDE 27, 2017–NGƆNDƆ KA SATO 5, 2017
7 “Yaɛkɛ le Jehowa ndo sala kɛnɛ kele ɔlɔlɔ”
Sawo nɛ mɛnyaka woho watokeketsha divɛsa diaso di’ɔnɔnyi wa 2017 dia sho ndjaɛkɛ le Jehowa dia nde tokimanyiya etena keso l’ekakatanu. Bɛnyɛlɔ di’anto wa lo nshi y’edjedja waki la kɔlamelo diayotetsha woho wakokaso ndjaɛkɛ le Jehowa dia nde tosukɛ etena kasalaso kɛnɛ tshɛ kakokaso nsala dia nkandola ekakatanu ndo nkimanyiya anto akina.
LOMINGU LA NGƆNDƆ KA SATO 6-12, 2017
12 Ɔsa woshasha ayɛ wa lotshungɔ la nsɔna la nɛmɔ
Lo sawo nɛ, tayeka woho wa mbɔsa woshasha wa Nzambi wa lotshungɔ la nsɔna la nɛmɔ lo nkamba la lɔ lo yoho yangɛnyangɛnya Ombishi wa woshasha akɔ. Diɔ diayotokimanyiya nto dia mbeya woho wakokaso nɛmiya yoho yakamba anto akina la woshasha awɔ wa lotshungɔ la nsɔna.
LOMINGU LA NGƆNDƆ KA SATO 13-19, 2017
17 Ɛkɔkɔ wɛnya dia mbeya elelo aso ekɔ ohomba
LOMINGU LA NGƆNDƆ KA SATO 20-26, 2017
22 Wɛ kokaka ntetemala mbeya elelo ayɛ la ntondo k’ehemba
Asawo anɛ wayotokimanyiya dia ndeka nshihodia ohomba wa dionga dielɛwɔ mbeya elelo aso. Sawo dia ntondo mɛnyaka kɛnɛ kalembetshiya mbeya elelo aso ndo kɛnɛ kahalembetshiya dui sɔ. Sawo dia hende tetshaka woho wakokaso ntetemala mbeya elelo aso oyadi etena kele dui sɔ wolo nsala.
LOMINGU LA NGƆNDƆ KA SATO 27, 2017–NGƆNDƆ KA NƐI 2, 2017
27 ‘Akambo asɔ kimɔwɔ le apami wele la kɔlamelo’
Oko watete nshi, epalanga kokaka ndowanya ɛlɔngɔlɔngɔ dia monga l’ɛkɛndɛ efula l’okongamelo wa Jehowa. Sawo nɛ mɛnyaka woho wakoka ɛlɔngɔlɔngɔ ndo epalanga sukanɛ lam’asawɔ.