Waewoyelo

◼ Losha la Yâta afusa: Tubukubuku. Asasa a ndjoko: Vous pouvez vivre éternellement sur une terre qui deviendra un paradis. Mɔmbi: Vous pouvez vivre éternellement sur une terre qui deviendra un paradis la tubukubuku. Yitshu: Les Saintes Écritures ​—⁠ Traduction du monde nouveau kâmɛ la dibuku La Bible: Parole de Dieu ou des hommes? Mam’ɛkɔngɔ la tange: Le plus grand homme de tous les temps.

◼ Tshumanelo diayɔsa tɛdikɔ t’eshika lo dikambo dia Eohwelo ka nyɔi ka Yeso kayosalema l’ɔnɔnyi ɔnɛ lushi la tanu, Mɔmbi 14, l’ɔkɔngɔ w’ɛɔtwɛlɔ ka onya. Kânga mbakombolaso dia etshumanelo l’etshumanelo sala Eohwelo ka nyɔi ka Yeso lânde, nshi tshɛ dikambo dia ngasɔ tongaka wolo salema. L’ahole wele tshumanelo efula salaka sanganya yawɔ lo Mbalasa ka Diolelo kakɔ ɔtɔi, ondo ayônga dimɛna etshumanelo ɔtɔi kana efula l’atei ayɔ sala losanganya lakɔ l’ahole akina la dikɔlɔ diakɔ. Eohwelo ka nyɔi ka Yeso hakoke ndjotatɛ k’ɔkɔngɔ diko, edja ndo saki k’anto weke ka ndjasha ndjôndɔ wôndondɔ. Lo wedi okina, aha susa wonya efula woho wa pomba ndo etena ka mbisha wanɛ wakaye dia ndjotênda mɔyɔ, oyadi la ntondo kana l’ɔkɔngɔ wa losanganya l’Eohwelo ka nyɔi ka Yeso, ndo etena ka mbokana lawɔ lo dikambo di’ekimanyielo ka lo nyuma kayela anto akina wa l’atei awɔ, kana pomba etena ka wanɛ tshɛ waki lawɔ keketshana lam’asawɔ. L’ɔkɔngɔ a sɛdingola l’ɔlɔlɔ tshɛ akambo wotami asɔ tshɛ, dikumanyi pombaka shikikɛ tɛdikɔ takɔna tahomba mbɔsama dia mbisha anto tshɛ wayoyala l’Eohwelo ka nyɔi ka Yeso diaaso dia vɔ kondja ɛlɔlɔ tshɛ watomba oma lo dikambo diakɔ.

◼ Dako dia lânde diakalɔngɔswama lo nshi y’Eohwelo ka nyɔi ka Yeso diayosalema lushi la lomingu, Mɔmbi 23, 1995. Diɔ diayônga l’ɔtɛ a dui “Ekomelo k’ɔtɛmwɛlɔ wa kashi kaya suke.” Dikatshi dia dikongɛ dia dako diakɔ diayoshama. Tshumanelo diele la diembwelo di’omendji w’otshimbedi, kana losanganya lawɔ l’otshimbedi kana losanganya lawɔ la lânde la lushi ɔtɔi lo lomingu lɔsɔ, wayolonga dako diawɔ dia lânde lomingu layoyela. Ndoko etshumanelo ɔtɔi kayodja dako sɔ lo pɔlɔngalamɛ ntondo ka Mɔmbi 23.

◼ Wokoyelo w’akuta wa l’etshumanelo pombaka shihodiama esadi kama a kondjama diaaso l’ɔkɔngɔ wa Asasa a ndjoko 1.

◼ Sekeletɛlɛ la omendji w’olimu wayɔsɛdingola olimu w’ambatshi mboka wa pondjo tshɛ. Naka amɔtshi wekɔ la paa dia kotsha oweso awɔ wa wenya, dikumanyi diayosala woho ɔmɔtshi wa vɔ kondja ekimanyielo.

◼ Apandjudi wakombola ndjâla ambatshi mboka l’Asasa a ndjoko la lo Mɔmbi pombaka ndjalɔngɔsɔla mako kakianɛ ndo talodjisha dikatshi dialɔmbawɔ esadi la ntondo. Dikambo sɔ diayokimanyiya dikumanyi dia vɔ mbɔsa tɛdikɔ tahombama dikambo di’esambishelo ndo dia vɔ tômbi ekanda efula lo lɔkɔtɔ.