Ɛngɛnɔngɛnɔ Wokokiyɛ Kondja ndo Wɛ Lawɔ!

Apandjudi amɔtshi mɛnamaka oko wekɔ nshi tshɛ l’ɛkɔndɔ wa kɔndɔla w’amɛna ndo washa ekeketshelo, ɛkɛtshanyelo kana waendelo w’eyoyo wakângɛnyangɛnya efula. Ko tete le, nshi tshɛ, asawo w’ɛlɔlɔ hawoye oyaya. Vɔ wekɔ etombelo w’oma lo weolo wadjama ndo etete. Aha paka apandjudi wele la lolemi l’osadi kana l’akoka efula ato mbakoka ndjâla l’asawo akɔ.

Akambo amɔtshi watɛnamaka le wanɛ watondoya esambishelo dimɛna efula vɔanɛ: (1) Vɔ ntshɔka la tosambisha tena la tena, mbala efula lo lomingu, lâsɔ mbakondjawɔ waaso efula wa pomana l’anto wetawɔ losango; (2) vɔ mɛnaka akambo la sso di’ɔlɔlɔ la ntondo k’anto wawadiholɛ lokuke, aha la fɔnya la ntondo ɔnɛ hawotolonga; (3) vɔ mɛnamaka l’elongi ka lɔngɛnyi ndo ndjashaka la wangasanu ndo lo sɔlɔ le atɛkɛtshi awɔ; (4) vɔ ndjatshutshuyaka ndo mbidjaka etete dia kalola laka wanɛ waki kondjala lâwɔ; ndo (5) vɔ wekɔ l’oweso wa tatɛ mbeka l’anto Bible.

L’ɔkɔngɔ wa wɛ mbɛdikola olimu ayɛ, ondo wɛ ambohotɔ woho wokokiyɛ kondja ɛkɔndɔ ɛsɔ washa ɔngɛnɔngɛnɔ wakonya esambishelo wɔdu ndo saki.