Tokimanyiya Wanɛ Wele Kema la Mbetawɔ
1 Lo nshi yaso nyɛ, ekɔ dimɛna di’onto mɛnama ɔnɛ nde amboshidimikɔ ndo kanaka yimba. Filɔzɔfi y’anto la tokanyi ta kɔlɔ tambokokanɛ, koko akambo wa lo nyuma wambokashema l’omamu. Anto w’etema ɔlɔlɔ walanga ndjela paka akambo wa mɛtɛ wɛnyami ndo mɛtɛ yokɛma hwe wayolanga sɛdingola dibuku La vie: comment est-elle apparue? Évolution ou création? Dibuku sɔ mbeyaka kimanyiya wanɛ wele kema la mbetawɔ. (Romo 1:19, 20) Todje yimba dia kalolaka dia tenda wanɛ tshɛ wakɛnya saki lo losango laso.
2 Sho kokaka tatɛ sawo ɔnkɔnɛ:
◼ Aha la tamu wɛ mbeyaka ɔnɛ embetsha efula mbetawɔka ɔnɛ onto akatombe oma l’ohilwelo, ndo ɔnɛ diangɔ tshɛ diakatombe paka otombatomba. Ko wɛ akanayɛ lo dikambo sɔ? [Tôtshike etena akadimole.] Kanyi shɔ yekɔ paka lo yimba, mbuta ate ‘ɔfɔnyɛlɔ,’ ‘lokanyi laha la tolembetelo tɛnya lɛnɛ oyelɔ.’ Deko ko deko, anto wakafɔnyaka ɔnɛ nkɛtɛ kekɔ olambalamba; kakianɛ wambeya ɔnɛ aki wetawoelo w’anyanya waki kondjala l’etshina l’awui a mɛtɛ. Ko otondonga ngasɔ mbaki lo dikambo dia kanyi y’ohilwelo?” Tale olembetshiyelo wele lo lɛkɛ 4, ko sho ndjɔkɛtshanya la nde lo Isaya 42:5.
3 Sho mbeyaka tatɛ sawo kânga lo yoho nyɛ:
◼ “Nshi yaso nyɛ, tena efula sho pomanaka l’anto wahetawɔ ɔnɛ Nzambi ekɔ. Lo nshi ya ntondo aki paka lo pai. Oko le ye, lande na kamboshisha anto efula mbetawɔ? [Tôtshike etena akadimole.] Anto efula mbutaka ɔnɛ l’ɔtɛ wa akambo w’esehe la shɔkɔ yatatɛkɔya woho wa mamba l’andja. Vɔ mbutaka l’etema awɔ vate otondongaka Nzambi ekɔ, tshike nde otohomba shidiya pâ nyɛ tshɛ. Lam’ele vɔ hawokondja olembetshiyelo w’oshika, tena efula vɔ ndjotonaka mbetawɔ ɔnɛ Nzambi ekɔ. Ko tete le, akambo efula wa mɛtɛ mɛnyaka ɔnɛ Nzambi ekɔ ndo ɔnɛ kem’edja nde ayanga konya nkɛtɛ dihole diayotodjasɛ l’ɔngɛnɔngɛnɔ ndo lo wɔladi.” Totetemale sawola la nde lo tokanyi tele lo odingɔ 19, lɛkɛ 196.
4 Sho kokaka tatɛ sawo, tele la Bible kaso lo lonya, nganɛ:
◼ “Tamboya nto lakayɛ dia ndjokolembetshiya lande na kele wekelo wa Bible ohomba lo nshi yaso yasɛnaso nyɛ. Anto efula wekɔ la Bible, koko yema tshitshɛ tsho mbɔsa etena ka kiala. Anto amɔtshi totɛka hwe ɔnɛ vɔ hawoyokietawɔ. Ko wɛ, akanayɛ lo dikambo sɔ? [Tôtshike etena akadimole.] Ɛngɔ kɛmɔtshi katetawoya ɔnɛ Bible ekɔ Dui diakasambiyama oma le Nzambi, ele ekotshamelo ka pɔlɔfɛsi yele lɔkɔ.” Totshu lo avɛsa wele lo odingɔ 6, lɛkɛ 234.
5 Ondo olembetshiyelo ɔnɛ mbeyaka monga dimɛna:
◼ “Sho kokaka mɛnya ɔnɛ andja wekɔ dimɛna ndo mɛnyaka lomba. Sango dia dimɛna nɛ dia ɛɔtwɛlɔ ka onya ekɔ ɛnyɛlɔ ka dimɛna.” Towɛnya osato wele lo lɛkɛ 12 la 13. Tɔsɔtɔlɛ tokanyi tele lo kiombokombo yele l’ɔtɛ a dui w’ɔnɛ: “Akambo amɔtshi wa kana yimba” ko sho mbuta lo na asha Bible ekadimwelo wa lo nshi yaso nyɛ.
6 Sho kokaka ndjâla tshondo y’ɔtshɔkɔ le onyaso naka sho kamba la dibuku Création dia mbokimanyiya lo nde monga la mbetawɔ ka nge le Otungi ande.