Tolomialomia Saki lam’Asalaso Waendelo w’Eyoyo
1 Mɛtɛ olimu kokaka mbɛdinyama la wônelo, ko waendelo w’eyoyo oko wotelo w’ashi. (Mat. 13:23; Luka 10:2; 2 Kor. 9:10) Sho wanɛ wele “ekambi kame la [Nzambi, NW],” tekɔ l’ɔkɛndɛ wa kimanyiya oseka lɔtɔngɔ tshɛ leke ka monɛma dia lɔ mbola polo ndo koma osongo ndo ntɔ elowa. (1 Kor. 3:6, 9) Ngande wokokiso sala la weolo aso tshɛ lo dikambo sɔ na?
2 Tokalolake esadi dia tênda wanɛ tshɛ wɛnya saki. Tonyomenda nɔtɛ yaso ya lo luudu la luudu, ndo toshikikɛ akɔna ayototênda nto ndo dikambo diayototosawola la nde. Dikambo dia sawola toyaka esangɔ efula oma lo kɛnɛ kakatatɛkɛta mbala ka ntondo. Toyale esasɔki, tônge la tokanyi tokina t’oma lo Bible lo yimba tayotokoka mbuta. Ekɔ dimɛna kambaka nshi tshɛ la Bible, nɛ dia tɔ kekɔ la wolo wa munanda asolo.—Heb. 4:12.
3 Naka takatshike biukubuku “Onde na Nzambi tokaneka mete ondo?” kete sho kokaka mbuta ɔnɛ:
◼ “Anto efula mbetawɔka l’otema ɔtɔi ɔnɛ Nzambi ayolanya nkɛtɛ, koko akina wekɔ lo mboka wɔma ɔnɛ onto ndamɛ mbeyaka ndjoyilanya. Ko wɛ akanayɛ lo dikambo sɔ na? [Tshikɛ onto akɔ dihole akadimole.] Bible totɛka ɔnɛ lo dihole dia nanya nkɛtɛ, Nzambi ayonya akambo wa kɔlɔ malɔkɔ ko kikadimola dihole dia wɔladi ndo dia shikaa.” Tokotole yambalo y’onto akɔ lo lɛkɛ 22 ko sho mbala divɛsa dia Tukedi 2:21, 22 dioshilami lɔkɔ. Naka onto akɔ ekɔ lo mɛnya saki, tôlembetshiya woho wasalema wekelo wa Bible, kana tɔ̂lɛkɛ periodikɛ yeke ka tomba ndo tôlake ɔnɛ tayoya nto dia ndjɔtɛkɛta dikambo di’andja w’oyoyo wakalake Nzambi.
4 Naka takatshike biukubuku “Voici”, sho kokaka mbuta ɔnɛ:
◼ “Lam’akamaye mbala ketshi, takale lo Bible ɔnɛ Nzambi akasha daka dia kadimola nkɛtɛ paradiso kele oko kɛnɛ kakawasange lo lohoso la biukubuku yakamakotshikɛ. Sho kokaka kondja ɛlɔlɔ ɛsɔ naka sho mbeka ele lolango la Nzambi ndo shɛngiya yakɔna yele la lolango lakɔ lo lɔsɛnɔ laso.” Tâle Joani 17:3, l’ɔkɔngɔ diko tofole biukubuku yakɔ l’odingɔ 52 la 53, wa lo lɛkɛ 27. Tôlembetshiya lo tshena pe lande na kele ekɔ ohomba ndjâla la ewo k’oshika ka Dui dia Nzambi.
5 L’ɔkɔngɔ wa sho tshika biukubuku “But de la vie” le onto layasha l’akambo w’ɛtɛmwɛlɔ, ondo tayɛna dimɛna mbuta ɔnɛ:
◼ “Aha la tâmu, wɛ ambotaka disambɛ dia Shɛso mbala efula. Etena katoyɔlɔmbaka Nzambi ɔnɛ Diolelo diande diaye, atoyɔfɔnyaka na?” L’ɔkɔngɔ w’ɔtɛkɛtshi aso kadimola, totshu la nde lo odingɔ 8 la 9 wa lo lɛkɛ 26, ko sho mbala Danyele 2:44. Ondo sho kokaka tetemala la sawo lo mbôlembetshiya ɔnɛ: oyelo wa Diolelo diaki Nzambi kɛdikɛdi ekomelo k’akambo wa kɔlɔ la pâ. Toke epole ɔsɛkɛ lo dikambo di’ɔnɛ naka tekɔ anto w’ɛlɔlɔ lo asho wa Nzambi, kete tayônga la lɔsɛnɔ la pondjo lo Paradiso la nkɛtɛ.
6 Tôhɔke dia sho kokaka nyomenda onto tshɛ lakatolonge, oyadi takôtshikɛ okanda ɔmɔtshi kana bu. Toyatshutshuya dia ndjaombɛka etena lomingu tshɛ dia salaka waendelo w’eyoyo. Jehowa ayɔtshɔkɔla weolo wadjaso dia nomialomia saki kɛnaso. Dikambo sɔ diatɔsha elowa dia lokumu lande!—Joa. 15:8.