Ekadimwelo Lo Wembola Anyu
◼ Ngande wasungana kambema tshɛkɛta “ɔnangɛso” ndo “kadiyɛso”?
Lo yoho yokɛma hwe, tshɛkɛta “ɔnangɛso” la “kadiyɛso” nembetshiyaka anto wosangi ambutshi. Oma lo diokanelo sɔ di’oma ko diotwelo mbatowomamatanaka ma; ndo nto, lɔngɛnyi lele l’asa anto asɔ tokeketshamaka la amama wa ngandji ndo lo woho wakawatombe oma lo tshunda diamɛ la dihole diamɛ.
Yeso akalakanya ambeki ande dia vɔ mbelɛ Jehowa lo dɔmbɛlɔ ɔnɛ “Shɛso.” Oko weso Akristo sho mbutaka tshɛkɛta shɔ; lâsɔ sho tshɛ tekɔ ase nkumbo kâmɛ lɛnɛ eso la diokanelo dia dimɛna efula dia lo nyuma. Kɛsɔ mbakashikikɛ Yeso lam’akandatɛ ambeki ande ate: “nyu tshe nyeko antu la onangu.”—Mat. 6:9; 23:8.
Sho kakatana wolo efula lo nyuma lo nkumbo ka Nzambi ndo diɔ diakɔ dietanaso “ɔnangɛso” la “kadiyɛso” djekoleko lo nsanganya ya l’etshumanelo. Ɔnɛ lalɔmbɔla losanganya mbidjaka tshɛkɛta “ɔnangɛso” kana “kadiyɛso” la ntondo ka lokombo [la lo nkumbo] l’anto wambobatizama wambolande wembola, lo dihole dia la ntondo ka lɔnɛ la laahe. Oko ɛnyɛlɔ: ɔnangɛso FULANI (Jacques), lo dihole dia mbêlɛ ɔnɛ: ɔnangɛso Jacques. Kadiyɛso FULANI (Jacqueline), lo dihole dia kadiyɛso Jacqueline.
Ayotosala naka onto ɔmɔtshi lahatabatizama ambolanga kadimula lo nsanganya na? Naka onto aya suke la ndjakimɔ le Nzambi ndo aya tshanda yende lo mbɔtɔnɛ l’anto wa Jehowa, ayaɛnya oko Ɔmɛnyi wa Jehowa, kete ndoko katoshimba dia mbidja tshɛkɛta “ɔnangɛso” kana “kadiyɛso” la ntondo ka lokombo lande. Dikambo sɔ sunganaka djekoleko le wanɛ waya apandjudi wahatabatizama.
Koko, anto wele la saki weke ka tatɛ la mbɔtɔ lo nsanganya watâtakula nna diɛnya ɔnɛ wayonga oko ase nkumbo ka Nzambi. Hatotowaeta “ɔnangɛso” kana “kadiyɛso,” nɛ dia vɔ kema la diokanelo dia lo nyuma diakakatanya ase nkumbo ka Nzambi. Diɔ diakɔ diele, lo nsanganya, tayowaelɛ lo yoho yotshikitanyi yema la yaso, oko ɛnyɛlɔ, lo mbidjaka “mɛse” kana yɔnɛ la ntondo ka lokombo lawɔ [la nkumbo].
Lo kambaka la tɔtɛkɛta “ɔnangɛso” la “kadiyɛso” lo nsanganya ya l’etshumanelo, sho mɛnyaka dimama dioleki kakatana ndo di’oshika lo dihole dia kambaka paka la nkombo ya laahe tsho (ɛnyɛlɔ oko Jacques, Jacqueline). Dikambo sɔ tôholaka ɔnɛ tekɔ la diokanelo dia lânde lo nkumbo ka lo nyuma kele Jehowa Nzambi mbele Shɛso. Wekɔ lo mbika epole ɔsɛkɛ nto lo ngandji ka mamba ndo lolango lele laso lasaso.—Ef. 2:19; 1 Pet. 3:8.