Tɔngɛnɛngɛnɛ Lo Menda Woho Watafudia Nzambi Lofulo Laso

¹ Akristo wa l’eleko ka ntondo wakasambishaka Diolelo diaki Nzambi l’ohetoheto tshɛ. Vɔ wakangɛnangɛnaka lam’akawɛnaka ‘lofulo la tshumanelo latadɛ lushi la lushi.’ (Etsha 16:⁠5) Esambishelo kawɔ k’ohetoheto kakakome polo ndo l’Asiya, l’Erɔpɛ ndo l’Afrika; ko dinela di’ambetawudi diakayala woke.

² Yeso akatatshi ɔnɛ lo nshi y’ekomelo, olimu w’esambishelo wayokoma lo ‘nkɛtɛ tshɛ ndo lo wedja tshɛ’! (Mat. 24:14) L’edja k’ɔnɔnyi w’olimu wa 1996, takalongola alapɔlɔ w’olimu w’oma lo wedja wa l’andja w’otondo; alapɔlɔ akɔ mɛnyaka ɔnɛ ehamelo ka mamba kambosalema ndo lofulo l’apandjudi lambodɛ hakoke. Tshumanelo efula diakatema. L’ɔtɛ w’ehamelo kɛsɔ k’esadi esadi, ekɔ ohomba mbika nkama ya Mbalasa ya Diolelo, Mbalasa ya Nsanganya ya Weke ndo nanula mvudu ya Bɛtɛlɛ efula.

³ Olimu Aso wa Diolelo wa Loseketanya 1996 akɛnya olimu w’efula wa wokelo wa mvudu wasalema l’Afrika. Woho akɔ wâmɛ mbele ndo l’Amérique latine. L’ɔnɔnyi w’olimu wa 1996, wodja wa Mexique akakotsha lofulo la diambo l’apandjudi tshɛtshɛ 470098 ndo yɛdikɔ ya l’atei atei y’ambeki wa Bible 600751; omalɔkɔ, tshumanelo di’eyoyo 466 diakatema! Wekɔ lo sangoya dia nshidiya la nanula mvudu ya lo Bɛtɛlɛ ka la Mexique l’ekomelo k’ɔnɔnyi 1998. Lam’ele ehamelo ka ngasɔ kekɔ lo mɛnama ndo lo wedja ekina efula, hawohekɔ sala asangwelo wa teokrasi wa wokelo wa mvudu.

⁴ Ahole tshɛ, pombaka falanga efula dia mbika mvudu, ndo lo wedja efula, anangɛso bu l’ekondjelo k’efula. Koko lam’ele vɔ wekɔ l’ohetoheto dia kambɛ Jehowa olimu, vɔ mɛtɛ wekɔ lo tahame lo nyuma ndo lofulo lawɔ lekɔ lo tadɛ tsho. Tukedi 28:27 toshikikɛka ɔnɛ: “One latushaka usi wula, hatuyalaka la uhumba.” Woho wetawɔso nkimɔ falanga yahombama dia sukɛ wokelo ɔsɔ wa mvudu tokimanyiyaka dia sho ‘mbɛdima popo’ lo diangɔ dia l’emunyi. Lo yoho shɔ mbakoka onto l’onto kondja ɔngɛnɔngɛnɔ watoyakaka oma lo mbisha ndo mboka ɔlɔ lo mɛna woho watafudia Jehowa lofulo laso!​—⁠2 Kor. 8:​14, 15; Etsha 20:⁠35.

[Caption on page 2]

[Captions on page 2]

Bɛtɛlɛ ka la Paraguay

Mvudu yakawɔ lo Bɛtɛlɛ ka l’Uruguay

Bɛtɛlɛ ka l’Équateur

Mvudu y’eyoyo ya Bɛtɛlɛ ka la Mexique

Bɛtɛlɛ ka lo République dominicaine

Mvudu y’eyoyo ya Bɛtɛlɛ ka la Brésil

[Caption on page 2]

[Captions on page 2]

Mbalasa ya Diolelo yahalɔmbɛ falanga efula, l’Amérique latine

1. Brésil, 2. Nicaragua, 3. Chili, 4. Colombie, 5. Mexique,

6. Brésil, 7. Pérou, 8. Venezuela, 9. Mexique