Ovuswelo Wendana La Kalasa K’olimu Wa Teokrasi

Ovuswelo w’aha la mbifola abuku w’endana l’awui wakekama lo Kalasa k’Olimu wa Teokrasi lo ndjela asawo wakashama tatɛ ma lo lomingu la Ngɔndɔ ka Ntondo 5 polo ndo lo Ngɔndɔ ka Nɛi 20, 1998. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.

[Diewoyelo: L’edja kayotshama ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛ̂nyama.]

Kadimola ɔnɛ Mɛtɛ kana Kashi lo wetelo wayela ɛnɛ:

1. Lo Etsha 15:​29, etelo k’ɔnɛ ‘Nyonge l’alemba a wolo’ aki daka dialembetshiya ɔnɛ, ‘Naka nyu tona dikila la monanyi, kete nyayoyala l’alemba a wolo.’ [Walelo wa Bible wa lomingu la lomingu; enda lo w9115/6 lɛkɛ 9 od. 7, nɔtɛ ka l’ɛse ka dikatshi.]

2. Woho wakayakiyanyaka Paulo efula lo dikambo dia lonyuma l’Akristo wa la Kɔrɛtɔ akôtshutshuya dia nde mbafundɛ mukanda ande wa ntondo, lam’akinde lo lɔkɛndɔ lande la hende la misiɔnɛrɛ. [si lɛkɛ 118 od. 3]

3. Koyanga mbakɛnya Jehɔshafatɛ ndamɛ ɔnɛ nde ekɔ nkumekanga kayaɛkɛ le Jehowa, nde akatshe dui di’enginya nɛ dia mbidja sheke nde la Ahaba lo dikambo dia tshuki. [ad lɛkɛ 843 od. 10-11]

4. Tshɛkɛta “simonie,” yakaye oma lo dikambo diɔkɔndwami l’Etsha 8:​9-24, mɛnyaka awui w’alɔhɔ. [Walelo wa Bible wa lomingu la lomingu; enda lo w901/6 lɛkɛ 17 od. 8.]

5. Lo Romo 8:​6, 7, tshɛkɛta “omunyi” mɛnyaka eongelo kaso k’atshi wa kɔlɔ oko weso kema kokele oma lo tokanyi ta kɔlɔ takatahowɔ. [Walelo wa Bible wa lomingu la lomingu; enda lo w911/3 lɛkɛ 21 od. 4.]

6. Lo ndjela Efeso 5:​33, naka wadi ekɔ la dilɛmiɛlɔ di’efula otsha l’omɛnde dikambo sɔ hadiɛnya ɔnɛ nde hakoke mbewoya tokanyi tande, djekoleko naka dikambo dimɔtshi diekɔ lo mbôtshindja yimba. [kl-OT lɛkɛ 144 od. 12-13]

7. Jetɛro, ɔlɔmbɛdi wa la Madiana, mbakasha Mɔsɛ kanyi ya nde kahɛ anto akina ɛkɛndɛ. [ad lɛkɛ 820 od. 8]

8. Oko waki sangwelo diaki Nzambi dia mbɔtshiya Ase Wedja l’atei w’etshumanelo k’Akristo komanema fundo ntondo le apɔstɔlɔ edja ndo lam’akawayɛnaka ekotshamelo ka pɔlɔfɛsi kɛsɔ, Ɛmɛnyi wa Jehowa mbetawɔka dia eokelo kawɔ k’akambo amɔtshi kayotatshikitanaka l’edja tshɛ kayotangamulaka Nzambi osase yema yema. [jv lɛkɛ 629 od. 5-6]

9. Lo Etsha 20:​20, etelo k’ɔnɛ “lo luudu la luudu” mɛnyaka paka woho watshɔ dikumanyi dia tembolaka nkumbo y’anyawɔ Akristo nɛ dia avɛsa wosukanyi la divɛsa sɔ mɛnyaka ɔnɛ Paulo akatɛka dikumanyi dia l’etshumanelo. [Walelo wa Bible wa lomingu la lomingu; enda lo w9115/1 lɛkɛ 11 od. 5.]

10. Naka tayolakanya otema aso dia vɔ ngɛnangɛnaka awui wa lo nyuma, lo nɔmbaka dia kondja ekimanyielo ka nyuma kaki Nzambi lo dikambo sɔ, kete tayewɔ “akambu wa dimba.” (Romo 8:​6, 7) [Walelo wa Bible wa lomingu la lomingu; enda lo w911/3 lɛkɛ  21 od. 5.]

Kadimola lo wembola wayela ɛnɛ:

11. Naa ɔkɔndɔ wele lo dibuku di’Etsha wɛnya ɔnɛ di’onto kondja ewo kayowɔtɔla lo mboka ka lɔsɛnɔ nde pombaka kotsha awui akina koko aha paka monga la Bible keto la kiadiaka ndamɛ na? [Walelo wa Bible wa lomingu la lomingu; enda lo w911/9 lɛkɛ 19 od. 16.]

12. Kakɔna kɛnya ɛtɛkɛta wa Paulo wakandafunde ɔnɛ: “Mandji yele nshi nyɛ yakakitshama l’ahole ayɔ oma le Nzambi” na? (Romo 13:​1, NW) [kl-OT lɛkɛ 131 od. 7]

13. Lo Etsha 11:​26, lande na kele Traduction du monde nouveau kambaka la etelo k’ɔnɛ, “oma lo ɛlɔmbwɛlɔ ka Nzambi mbakawelamɛ ɔnɛ Akristo,” etena kele ekadimwelo ekina wa Bible hawodje kanyi y’ɔnɛ “oma lo ɛlɔmbwɛlɔ ka Nzambi”? [Walelo wa Bible wa lomingu la lomingu; enda lo w901/6 lɛkɛ 19 od. 19.]

14. Awui akɔna wetawɔ Ɛmɛnyi wa Jehowa l’eshikikelo tshɛ wâtshutshuya dia vɔ monga apandjudi wele l’ohetoheto ndo watakahe Bible na? [jv lɛkɛ 603 od. 3]

15. Etsha 17:11 tokeketshaka dia sho salaka wekelo w’onto ndamɛ wa woho akɔna? [si lɛkɛ 193 od. 38]

16. Lo mukanda ande wakandafundɛ Akristo wa la Rɔmɔ, kakɔna kakashikikɛ Paulo la wolo tshɛ lo dikambo di’Ase Juda l’Ase Wedja? [si lɛkɛ 194 od. 2]

17. Lo ndjela Romo 12:​2, polo ndo lo yɛdikɔ yakɔna yakoka Akristo tshikitanya lonto lawɔ oma lo nkudu k’Ɔtɛkɛta waki Nzambi na? [Walelo wa Bible wa lomingu la lomingu; enda lo w901/4 16 od. 3.]

18. Ele ‘sheke y’ekila’ yakate Paulo lo Romo 11:25 na? [Walelo wa Bible wa lomingu la lomingu; enda lo w8315/11 lɛkɛ 16 od. 16.]

19. Bonde kele etshumanelo k’Akristo la lotshungɔ la minya otshi wa pɛkato wahayâtshumuya na? (1 Kor. 5:​11, 13) [Walelo wa Bible wa lomingu la lomingu; enda lo g968/9 lɛkɛ 27 od. 3-4.]

20. Ngande wele mbahɛ otunyi aso akalanga wa dja l’ɔtɛ ayotokimanyiya dia sho nɛmbia kɔlɔ kotosalende? (Romo 12:​20, 21) [Walelo wa Bible wa lomingu la lomingu; enda lo g8622/1 lɛkɛ 6 od. 4.]

Kotsha wetelo wayela ɛnɛ:

21. Filipɔ akalembetshiya ɔlɛnga w’Ose Etiyɔpiya woho wakakotshama pɔlɔfɛsi k’_________________________ ko l’ɔkɔngɔ wa nde mana dikambo diakɔ fundo, nde akalɔmbɛ la ndjâkitshakitsha tshɛ dia _________________________ . (Etsha 8:​28-35) [si lɛkɛ 192 od. 33]

22. Lam’akawakɛtshanya dikambo dia _________________________, _________________________ akakeketsha yɛdikɔ yakinde lo mbuta ate: “Dikambu ne dieko pupu la aui w’amvutshi, uku ufundami[diɔ].” (Etsha 15:​15-18) [Walelo wa Bible wa lomingu la lomingu; enda lo si lɛkɛ 192 od. 33.]

23. Daka di’Isaya di’ɔnɛ “lokono la Jese” layemala oko ‘djembeto le anto’ ndo ɔnɛ wedja “wayukadimo” otsha le nde ambokotshama le _________________________ . (Is. 11:10) [ad lɛkɛ 802 od. 9]

24. Lo ndjela wɛɛla wa Paulo wele lo Romo 11 wendana la osongo w’ɔlivɛ wa didjidji, oko wakatombe nkumbo 12 y’Isariyɛlɛ oma le Abrahama lo tshimbo y’Isaka, woho akɔ wamɛ mbele nkumbo 12 ya didjidji y’_________________________ tomba oma le _________________________ lo tshimbo ya _________________________ . [Walelo wa Bible wa lomingu la lomingu; enda lo w8315/11 lɛkɛ 16 od. 15.]

25. Aki lo Ngɔndɔ k’Esambele, 1917, l’ɔkɔngɔ wa nyɔi ka Russel, mbakatondja la Société Watch Tower dibuku _________________________ , dibuku diakalembetshiyaka kɛnɛ kofundami lo dibuku di’_________________________ di’_________________________ la dia _________________________ . [jv lɛkɛ 647 od. 2]

Ekɛ oshidi la tshina di’ekadimwelo wa mɛtɛ wa wetelo wayela ɛnɛ:

26. Lo dako diande dia l’Etsha tshapita 17, Paulo akatɛkɛta la yewo tshɛ dikambo dia (lowandji; losembwe; ngandji) laki Nzambi ka sɛna. [Walelo wa Bible wa lomingu la lomingu; enda lo si lɛkɛ 193 od. 37.]

27. (Paulo; Petero; Luka) akândola Ase (Bɛrɔya; Makɛdɔniya; Jerusalɛma), ɔnɛ vɔ ‘wakaleke ɔlɔlɔ.’ (Etsha 17:11) [Walelo wa Bible wa lomingu la lomingu; enda lo w951/5 lɛkɛ 14 od. 3.]

28. Kashi, kana etshibelo ka kashi, katawɔ lo Romo 1:25 mendanaka la (ɔtɛmwɛlɔ wa dikishi; awui wa mindo wa dieyanelo; wotelo wa kashi). [Walelo wa Bible wa lomingu la lomingu; enda lo ad lɛkɛ 998 od. 1.]

29. L’ɔnɔnyi 1878, C.T. Russel l’anango akina wakahomana l’ohemba wa wolo lo mbetawɔ la kɔlamelo yaki lawɔ l’Ɔtɛkɛta wa Nzambi. Tamu takatombe lo dikambo dia (“okambi wa kɔlamelo ndo wa kɛsɔ”; wôngelo wa Yeso wahɛnama; oshinga w’olambo wa demba la dikila dia Yeso). [jv lɛkɛ 619 od. 3]

30. Paulo akafundɛ Ase Kɔrɛtɔ mukanda ande wa ntondo lam’akinde la (Rɔmɔ; Ɛfɛsɔ; Kɔrɛtɔ) oya l’ɔnɔnyi wa (52; 55; 56) T.D. [si lɛkɛ 198 od. 3]

Ɔtɔnganyiya wetelo wayela ɛnɛ l’avɛsa wasungana:

Osam. 73:28; Tuk. 24:3; Is. 65:13; Etsha 10:​34, 35; 2 Kor. 12:​7-9

31. Oko weso ekambi wa Jehowa, sho pombaka mbɔsa anto wa lo dibila tshɛ oko awaɔsande. [Walelo wa Bible wa lomingu la lomingu; enda lo w8815/5 lɛkɛ 16 od. 6.]

32. Ɛlɛmbɛ wa lo Bible wekɔ oko dihomɔ diakoka kimanyiya onto dia nde mbika nkumbo k’ɔngɛnɔngɛnɔ. [kl-OT lɛkɛ 140 od. 3]

33. Wanɛ wasukana suke la Jehowa kondjaka ɔngɛnɔngɛnɔ wa mɛtɛ ndo wɔladi wa lo yimba. [kl-OT lɛkɛ 151 od. 3]

34. L’edja tshɛ k’ɔkɔndɔ w’onto, Jehowa mbishaka anto ande mbo ya ndɛ ya lo nyuma l’olui. [kl-OT lɛkɛ 162 od. 6]

35. Jehowa mbeyaka tshika dikambo dimɔtshi dia diɔ mbiviya tshanda mɔtshi, koko nde kadimolaka lo alɔmbɛlɔ ndo mbeyaka etena koleki ɔlɔlɔ ka sala dikambo sɔ. [kl-OT lɛkɛ 156 od. 15]

S-97-OT No. 294a 4/98