Nsango Ya Teokrasi

Angola: Lo Ngɔndɔ ka Dikumi l’Ahende, apandjudi wakakome 35034.

Bangladesh: Lo losanganya la distrikɛ “Mbetawɔ lo Dui dia Nzambi” lakawɔtɔ la Dacca, lofulo l’ampokami lakadɛ 142 ndo anto 14 wakabatizama. Ndoko mbala kambobatizama anto efula mbala ɔtɔi ngasɔ la Bangladesh; lofulo lɔsɔ ndeka la mbala nkina esangɔ ndekana ehende.

Bénin: Wakâdia ampokami 15633 lo nsanganya ya distrikɛ “Mbetawɔ lo Dui dia Nzambi,” ndo anto 403 wakabatizama. Alapɔlɔ wa Ngɔndɔ ka Dikumi l’Ahende mbishaka shifidi yoleki tokina tshɛ y’apandjudi 5351.

Liberia: Lo Ngɔndɔ ka Dikumi l’Ahende, wakɔtɔ losanganya la woke la dimɛna efula la Monrovia; ampokami waki 5158. Ko ngɔndɔ kakɔ, apandjudi 2127 wakakimɔ alapɔlɔ, dui sɔ mɛnyaka dia lofulo lambodɛ.

Madagascar: Lofulo l’apandjudi lakadɛ % 11 lo Ngɔndɔ ka Dikumi l’Ahende, lo mbɛdika l’ɔnɔnyi wetshi, mbut’ate anto 9226 mbakasambisha lokumu l’ɔlɔlɔ ngɔndɔ kakɔ.

Saint-Martin: Lofulo lahɛdimi l’apandjudi 265 lo Ngɔndɔ ka Dikumi l’Ahende, lâsɔ aki ohamelo wa % 10 lo mbɛdika la lofulo la l’atei atei w’ɔnɔnyi wetshi. Wakeke Bible l’anto 310 lawakawɔ.