Waewoyelo
◼ Ekanda wa mbisha anto lo Ngɔndɔ ka Ntondo: La Traduction du monde nouveau kâmɛ la dibuku La Bible : Parole de Dieu ou des hommes ? Ngɔndɔ ka Hende: Dibuku tshɛ dia ndjɛkɛ 192 diakatombe la ntondo ka 1985 diele lo lɔkɔtɔ l’etshumanelo. Tshumanelo diele bu l’abuku asɔ lo lɔkɔtɔ diayosha anto dibuku Kokaka We Monga la Loseno la Pondjo lo Paradiso ka la Kete.
Ngɔndɔ ka Sato: La Révélation : le grand dénouement est proche ! Ngɔndɔ ka Nɛi: Ewo Katɔla Otsha lo Lɔsɛnɔ la Pondjo. Tayosala tshɛ dia tatɛ mbeka l’anto Bible.
◼ Tshumanelo pombaka tatɛ nɔmba tɔvɔlimɛ rɛlie ta Tshoto y’Etangelo la Réveillez-vous ! ya 1997 lo Dɛmandɛ diawɔ di’ekanda. Tɔvɔlimɛ rɛlie tayotanema l’ɛtɛkɛta ɛnɛ: Angɛlɛ, Falase la Portugais. Tɔvɔlimɛ rɛlie tekɔ ekanda walɔmbama lo yoho ya lânde.
◼ Omendji walɔmbɔla kana onto ɔmɔtshi layondɔsɔna ayohomba mbɛdika falanga ya l’etshumanelo lo Ngɔndɔ ka Sato 1, kana kam’akondjama etena l’ɔkɔngɔ wa datɛ sɔ. Kanyewoya etshumanelo naka nyambɛdika.
◼ Lo 1999, Eohwelo ka nyɔi ka Yeso kayosalema Lushi la Nɛi, Ngɔndɔ ka Nɛi 1, l’ɔkɔngɔ a mbɔtwɛlɔ ka wonya. Lushi lɔsɔ lambewoyama esadi la ntondo woho wa tômbi kana tâfute mbalasa naka tshumanelo efula diekɔ lo mengɔnya Mbalasa ka Diolelo kâmɛ, lâsɔ vɔ la dia nyanga ahole akina dia sala losanganya lɔsɔ. Dikumanyi diayohomba mbokana l’akanga w’ahole akɔ lo monga l’eshikikelo ɔnɛ ndoko ofukutanu wayotomba oma lo akambo akina wayowosala lo dihole diakɔ woho wa losanganya l’Eohwelo mbeta lo wɔladi ndo aha l’ofutanu. Lam’ele ɔsɔ ekɔ etena k’ohomba efula, olui wa dikumanyi wayohomba sɔna ekumanyi kɛmɔtshi l’atei a dikumanyi diele l’akoka mɛtɛ dia nde mbisha dako di’Eohwelo lo dihole dia ndjosha onto okina nto kana mbishaka paka ɔnangɛso ɔtɔi oto ɔnɔnyi tshɛ.
◼ Mbala ɔtɔi l’ɔnɔnyi, filialɛ ka la France fundaka fɔrmilɛ yendana l’ehomba aso w’ɔnɔnyi w’otondo, lo ndjela kɔmandɛ kaso ndo lo ndjela lofulo l’apandjudi. Ɔnkɔnɛ, tambohola tshumanelo dia vɔ mbeya munanda fɔrmilɛ yele lawɔ lo lɔkɔtɔ di’aha yɔ shila la ntondo ka vɔ tokahɛ nkina l’ɔnɔnyi wayaye. Hawoshaka tshumanelo fɔrmilɛ ya kɔmandɛ l’atei w’ɔnɔnyi, paka tshumanelo di’eyoyo. Woho wa nyu kamba la fɔrmilɛ yanyu dia yɔ koma l’ekomelo k’ɔnɔnyi:
◆ Ya kambaka la yɔ lomingu tshɛ: M-1, M-101, M-203, S-24. Kanyotome biro dikatshi dia ntondo to; ko nyu nama dia hende (kɔpi) lo mpata kombanyu mikanda w’etshumanelo. Tanyotomake yakɔ hiende. S-8, S-48, S-61a, S-61b la S-88 kokaka kambemaka lomingu tshɛ koko aha ndjitoma lo biro. Yɔ tshikalaka l’etshumanelo.
◆ Ya kambaka la yɔ mbala ɔtɔi lo ngɔndɔ: S-14, S-20. Ndo nyɛ lawɔ, kanyotome dikatshi dimɔ lo biro, ko momba dia hende (kɔpi) lo mpata kombanyu mikanda w’etshumanelo. S-3, S-4, S-26, S-28, S-30 la S-89 ndodiamaka ngɔndɔ tshɛ, koko hayotomama lo biro. Etshumanelo tshɛ ayolongola akatshi 13 wa S-1 di’ehomba w’ɔnɔnyi w’otondo. Nyayolodiaka dikatshi ɔtɔi ngɔndɔ tshɛ ko tomaka lo biro. Hawosangolaka S-1. Nyu kokaka ndodia S-21 shato lo dihole dia S-1: 1 di’olimu w’apandjudi, 1 dia ambatshi mboka wa tshanda ndo kekina dia ambatshi mboka wa pondjo.
◆ Ya kambaka la yɔ tena tshɛ: M-202, S-12, S-13, S-19, S-9.
◼ Naka nyambodja ɛkɔmɔ lam’alodianyu fɔrmilɛ kɛmɔtshi, ndeka dimɛna kilɔngɔsɔla paka lo fɔrmilɛ kakɔ. Aha kamba la fɔrmilɛrɛ dia funda mikanda kana oko dikatshi dia mbɔsaka nɔtɛ yaso shamɛ. Tambɔlɔmba tshumanelo diahatalongola fɔrmilɛ yawɔ y’ɔnɔnyi tshɛ ya mbidja lo lɔkɔtɔ dia vɔ tetemala mbikikɛ solo. Kem’edja, tayonyotomɛyɔ.
[Caption on page 4]
Waewoyelo
◼ Ekanda wa mbisha anto lo Ngɔndɔ ka Hende: Dibuku tshɛ dia ndjɛkɛ 192 diakatombe la ntondo ka 1985 diele lo lɔkɔtɔ l’etshumanelo. Tshumanelo diele bu l’abuku asɔ lo lɔkɔtɔ, kawosha anto dibuku Kokaka We Monga la Loseno la Pondjo lo Paradiso ka la Kete. Ngɔndɔ ka Sato: La Révélation : le grand dénouement est proche ! Ngɔndɔ ka Nɛi: Ewo Katɔla Otsha lo Lɔsɛnɔ la Pondjo. Tayosala tshɛ dia tatɛ mbeka l’anto Bible. Ngɔndɔ ka Tanu: Tshoto y’Etangelo la Réveillez-vous !
◼ Apandjudi tshɛ wambobatizama wayonga lo losanganya l’olimu layosalema lo lomingu la Ngɔndɔ ka Hende 2 wayolongola kartɛ ka “Instructions médicales/Pas de sang” la Cartes d’identité y’anawɔ.
◼ Ambatshi mboka wa tshanda wahakotsha wonya walɔmbama hawadiema oko ambatshi mboka l’alapɔlɔ w’etshumanelo watomama lo biro. Naka hatosadi ngasɔ, kete yɛdikɔ ya l’atei atei ya lo wodja w’otondo yayonga l’ɛse ka wenya 60.
◼ Tatɛ oma lo Ngɔndɔ ka Hende kana ka Sato 1, emendji w’otshimbedi wayoshaka dako di’oyoyo dia lo sɛkɛ diele l’ɔtɛ a dui ɔnɛ: “Onde Wɛ Ekɔ la Kanyi Yele la Nzambi lo Dikambo dia Lɔsɛnɔ?”
◼ Tshumanelo kadiɔsɛ tɛdikɔ t’eshika lo dikambo dia Eohwelo, kayosalema ɔnɔnyi ɔnɛ Lushi la Samalo, Ngɔndɔ ka Nɛi 11, l’ɔkɔngɔ wa ɛɔtwɛlɔ ka onya. Wetshetshelo wa tolembetelo pombaka tatɛ paka l’ɔkɔngɔ wa ɛɔtwɛlɔ ka onya, oyadi kânga dako diakame esadi. Nyende dimɛna wonya wɔtɔ onya lo etenyi kanyu ka nkɛtɛ. Ayoleka dimɛna dia etshumanelo l’etshumanelo sala Eohwelo lânde, kânga mbatongaka dikambo sɔ wolo nshi tshɛ. L’ahole wele tshumanelo efula salaka nsanganya yawɔ lo Mbalasa ka Diolelo kakɔ kâmɛ, ondo ayokoka dia etshumanelo ɔtɔi kana efula l’atei ayɔ sala losanganya lɔsɔ l’ahole akina la dikɔlɔ sɔ. Eohwelo hakoke ndjotatɛ l’otsho w’efula, edja ndo saki k’anto weke ka ndjasha l’akambo a mɛtɛ ndjôndɔ wôndondɔ. Lo wedi okina, aha ndeka susa wonya woho wa pomba ndo etena efula ka mbisha wanɛ wakatelɛ mɔyɔ, oyadi la ntondo kana l’ɔkɔngɔ wa losanganya ndo etena ka sɛngɔla amɔtshi dia sho tetemala la mbakimanyiya lo nyuma, kana etena ka keketshana lam’asaso. L’ɔkɔngɔ a sɛdingola l’ɔlɔlɔ tshɛ akambo wahombama, dikumanyi diayoshikikɛ kɛnɛ kasungana sala dia mbisha anto tshɛ wayoya lo losanganya l’Eohwelo diaaso dia vɔ kondja ɛlɔlɔ waya oma lɔkɔ.
◼ Dako dia lânde diakalɔngɔswama dia salema lo nshi ya Eohwelo diayoshama Lushi la Lomingu, Ngɔndɔ ka Sato 29. Nyayolongola ekongelo kadiɔ. Tshumanelo diayembwama oma le omendji w’otshimbedi lomingu lɔsɔ, kana diayonga la losanganya l’otshimbedi kana losanganya la lânde la lushi ɔtɔi, diayohokamɛ dako dia lânde lomingu layela. Ndoko etshumanelo kahomba mbisha dako sɔ la ntondo ka Ngɔndɔ ka Sato 29, 1998.
◼ Olui wa dikumanyi pombaka mbeya dia ekɔ ohomba sala etshikitanu ɛnɛ naka etshumanelo kekɔ lo losanganya la woke: Lomingu la losanganya la lânde la lushi ɔtɔi, nsanganya ya l’etshumanelo pombaka salema oko atoyosalemaka nshi tshɛ, onyake dako dia lo sɛkɛ la wekelo wa Tshoto y’Etangelo, mbahatosalema. Lomingu la losanganya l’otshimbedi, etshumanelo ayonya ndo Kalasa k’Olimu wa Teokrasi la losanganya l’olimu; paka wekelo wa dibuku oto mbayosalema lomingu lɔsɔ.
◼ Tatɛ oma lo lomingu la Ngɔndɔ ka Tanu 4, 1998, polo lo lɔnɛ la Ngɔndɔ ka Divwa 14, 1998, tshumanelo diatɛkɛta Falase wayɔsɛdingola dibuku La Bible : Parole de Dieu ou des hommes ? lo wekelo wa dibuku.
[Caption on page 3]
Nsanganya Y’olimu Ya Ngɔndɔ Ka Dikumi L’ahende
Lomingu la Ngɔndɔ ka Dikumi l’Ahende 7
Osambu 186
Taahe 10: Waewoyelo. Waewoyelo w’oma l’Olimu Aso wa Diolelo.
Taahe 15: “Sho la dia Kalolaka Mbala la Mbala.” Wembola ndo ekadimwelo. Sha kɔmatɛrɛ lo tshena pe lo divɛsa di’Ezekiyele 3:17-19, tɛtɛ di’ɔkɛndɛ wele laso wa tetemala la mbewola anto la losango laso.
Taahe 20: “Tosha Anto Traduction du monde nouveau.” Ɔnangɛso ɔmɔtshi asawole l’apandjudi ahende kana asato wakoka. Nyote ndo akambo amɔtshi wendana la sawo diakɔ wele lo dibuku “Toute Écriture,” lɛkɛ 319-24. Nyɛnya woho wahombaso mbisha anto Bible kakɔ lo Ngɔndɔ ka Dikumi l’Ahende ndo woho wa nɔmba yema ya woshasha.
Osambu 176 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 14
Osambu 206
Taahe 10: Waewoyelo. Alapɔlɔ wa falanga. Sha tokanyi tendana la woho wa kadimula la loshilambo naka wambotokombwɛ fɛtɛ k’ɔlɔlɔ. Naka dibuku Onto Loleki Woke kana Grand Enseignant diekɔ lo lɔkɔtɔ l’etshumanelo kanyu, ko wɛ mɛnya woho wokokinyu kamba lawɔ dimɛna l’esambishelo nshi ya Nɔɛlɛ. Ta tɛdikɔ ta lânde tambɔsama dia sambisha lushi la Nɔɛlɛ la Bɔnane.
Taahe 15: “Emendji Walɔmbɔla: Ɔnɔmbɔdi wa Wekelo wa Tshoto y’Etangelo.” Dako oma le ɔnɔmbɔdi wa Wekelo wa Tshoto y’Etangelo. Alembetshiya ɛkɛndɛ ande ndo woho wokoki ampokami tshɛ pɛtshahɛtsha wekelo, mbisha alako w’ohomba, ndo mbodiana lo nyuma.—Enda lo Notre ministère, lɛkɛ 67.
Taahe 20: “Vɔ Kokaka Mɛna ɔnɛ Sho Tshikitana l’Anto Akina.” Ɔkɛtshanyelo l’asa ekumanyi l’apandjudi amɔtshi. Ta lo tshena pe dikambo tshɛ diatotshikitanya l’anto akina. Ɛnya woho wakokaso kamba l’awui akɔ dia mbɔtshiya wanɛ wayasha lo mɛtɛ l’ɔlɔngɔswamelo ndo mbaɛnya woho wakondja anto waonga w’Okristo oma lo mbɔtɔnganyiya lɔkɛwɔ lawɔ la mɛtɛ kekawɔ.
Osambu 146 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 21
Osambu 163
Taahe 8: Waewoyelo. Naka etshumanelo kanyu ayotshikitanya nshi ya mbɔtɔka nsanganya ɔnɔnyi w’oyoyo, ko wɛ keketsha anto tshɛ dia vɔ tetemala la ndja nshi tshɛ lo nsanganya y’etshumanelo lo ndjela ekongelo k’oyoyo. Ohola apandjudi dia vɔ mbutɛ ambeki wa Bible l’anto akina wayasha lo mɛtɛ otshikitanu tshɛ wambosalema. Keketsha apandjudi tshɛ di’onto l’onto momba akatshi ande w’Olimu Aso wa Diolelo, djekoleko akatshi w’okotsha. Ondo tayoyokamba lawɔ nto lushi lokina. Ohola anto tshɛ dia vɔ ndja la dikatshi di’okotsha di’Olimu Aso wa Diolelo wa Ngɔndɔ ka Ntondo 1999 lo Losanganya layaye l’Olimu.
Taahe 12: Ehomba wa l’etshumanelo.
Taahe 25: “Hika Lɔsɛnɔ Layɛ l’Olimu wa Jehowa.” Wembola ndo ekadimwelo. Kɔnya onyemba la owandji wa nkumbo ɔmɔtshi, wanɛ wayela ekongelo kawɔ k’esambishelo dimɛna lomingu tshɛ. Tɛ̂wɔ wakɔndɔlɛ nganɛ wayâlɔngɔsɔlawɔ dia mbetshaka wahɔ wa lo nyuma la ntondo.
Osambu 119 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 28
Osambu 178
Taahe 10: Waewoyelo. Ohola anto tshɛ wakimɔ alapɔlɔ awɔ w’olimu wa Ngɔndɔ ka Dikumi l’Ahende. Ɛnya abuku w’edjedja wakatombe la ntondo ka 1985 wasungana mbisha anto lo Ngɔndɔ ka Ntondo. Lɔmba apandjudi dia vɔ somba amɔtshi dia kahɛ anto lo wikɛndɛ ɔnɛ.
Taahe 10: “Tokondja Wahɔ oma lo Kalasa k’Olimu wa Teokrasi 1999.” Dako oma le omendji wa Kalasa k’Olimu wa Teokrasi. Lɔmba apandjudi amɔtshi dia vɔ mbuta ɛlɔlɔ wakondjawɔ oma lo ndjela “Ekongelo Kekina ka Walelo wa Bible” lomingu tshɛ. Keketsha onto tshɛ dia mbadiaka Ɔtɛkɛta wa Nzambi lushi la lushi.
Taahe 25: “Toyalɔngɔsɔlɛ dia Mbɔtɔ lo Losanganya la Distrikɛ 1999.” Sekeletɛlɛ alɔmbɔlɛ la wembola ndo ekadimwelo, awui wendana l’assemblée wele lo dikatshi di’okotsha di’Olimu Aso wa Diolelo wa Ngɔndɔ ka Ntondo 1999. Ka epole ɔsɛkɛ l’awui wa l’Afundelo watosokoya dia ndjela ɛlɔmbwɛlɔ kaki la Société l’akambo wa pango. Andola anangɛso lo woho wayelawɔ ekongelo kɛsɔ kaki la Société.
Osambu 195 ndo dɔmbɛlɔ dia ndjihelo.