Waewoyelo

◼ Ekanda wayotosha anto lo Ngɔndɔ ka Samalo: Ewo Katɔla Otsha lo Lɔsɛnɔ la Pondjo. Ngɔndɔ k’Esambele la k’Enanɛi: Biukubuku tshɛ yele la ndjɛkɛ 32 l’atei wa tɔnɛ: Etena Kavɔ Onto Ɔmɔtshi Lalangayɛ. . . , Diulelu ne diayela paradisu, Ngande Wayalaso Lam’avɔso? Nyudjase pundju l’ongenongeno, la kete!, Onde na Nzambi tokanɛka mɛtɛ ondo? Pombaka Mbetawɔ Losato l’Osanto? la Quel est le but de la vie? Comment le découvrir? Naka kokaka, nyu mbeyaka mbasha ndo tobukubuku tɔnɛ: Connaîtrons-nous un jour un monde sans guerre?, Nos problèmes ​—⁠ Qui nous aidera à les resoudre?, Nyuma ya wavo​—⁠Undena yo kukaka kukimanyia kana kutshela kolo?, Undena mete mete yo yeko?, Un livre pour tous. Ngɔndɔ ka Divwa: Ewo Katɔla Otsha lo Lɔsɛnɔ la Pondjo.

◼ Omendji walɔmbɔla kana onto ɔmɔtshi layondɔsɔnɔla ayɛdika falanga y’etshumanelo lo Ngɔndɔ ka Samalo 1 kana l’ɔkɔngɔ wa lushi lɔsɔ kam’atanema etena. Naka wokoyelo wa falanga wambosalema ko vɔ ndjewoya etshumanelo lomingu layela.

◼ Oko wakawatewoya l’Olimu Aso wa Diolelo wa Ngɔndɔ ka Ntondo 1999, lofulo la wenya lalɔmbawɔ ambatshi mboka wa pondjo lo ngɔndɔ laya bu 90 koko 70. Ɔnkɔnɛ tatɛ oma lo Ngɔndɔ ka Divwa 1998, lofulo la wenya lâlɔmbawɔ ɔnɔnyi w’otondo ayonga wenya 840. Ambatshi mboka wayɔtɔ lo Kalasa k’ambatshi mboka wayowakotshɛ wenya 40 l’ekomelo k’ɔnɔnyi. Oko wokototshaka ɛnɔnyi tshɛ, wenya 40 ɛsɔ hawotɔtɔ lo lofulo la wenya lakakimɔ ombatshi mboka, koko wayowafunda l’ɔnɔngɔ wofundiwɔ ɔnɛ “Observations” lo fishɛ k’olimu kaki opandjudi (S-21).

◼ Lushi tshɛ sho nongolaka nkama y’anto waya dia ndjênda Bɛtɛlɛ. Efula ndjaka dia ndjoyanga ekanda awɔ vamɛ kana w’etshumanelo kawɔ. Sho ngɛnangɛnaka mbasha ekanda lo wenya wadiholawɔ comptoir kasondjawɔ ekanda. Amɔtshi tolangaka mɛnana l’ase Bɛtɛlɛ amɔtshi dia vɔ shidiya akambo awɔ vamɛ kana akambo wendana l’etshumanelo kawɔ. Sho nangaka nyohola dia ase Bɛtɛlɛ wekɔ lo kambɛ anangɛwɔ wa lo wodja tatɛ oma lo 7 h 45 polo lo 12 h 00 ndo oma lo 13 h 15 polo lo 17 h 00. Omalɔkɔ, ekɔ ɔlɔlɔ mbɔsa tɛdikɔ dia nyu mɛnanaka l’ase Bɛtɛlɛ lo nsanganya ya l’etshumanelo kana lo wikɛndɛ. Naka dikambo dimɔtshi di’ohomba efula diahomba mɛnana l’ose Bɛtɛlɛ ɔmɔtshi diambotomba, kete ayoleka ɔlɔlɔ funda mukanda ko mbotshikɛ lo luudu lalongolawɔ anto kana mbotshikɛ dui lo telefɔnɛ. Bɛtɛlɛ ndamɛ ayewoya onto ɔsɔ dikambo diakɔ esadi esadi, ko onto akɔ ndamɛ mbɔsa tɛdikɔ tayondolanga.