Waewoyelo
◼ Ekanda wayotosha anto Ngɔndɔ ka Samalo: Kakɔna Katɔlɔmba Nzambi? Nyotshe tshɛ dia tatɛ mbeka l’anto Bible lawakawɔ. Ngɔndɔ k’Esambele la k’Enanɛi: Nyu kokaka kamba la tobukubuku tshɛ tele la ndjɛkɛ 32 l’atei a tɔnɛ tayela: Diulelu ne diayela Paradisu, Doit-on croire à la Trinité ?, Etena Kavɔ Onto Ɔmɔtshi Lalangayɛ, Le nom divin qui demeure à jamais, Ngande Wayalaso Lam’avɔso?, Nyudjase pundju l’ongenongeno la kete!, Onde na Nzambi tokaneka mete ondo?, ndo Quel est le but de la vie ? Comment le découvrir ? Tobukubuku Connaîtrons-nous un jour un monde sans guerre ?, Nos problèmes — Qui nous aidera à les résoudre ?, Un livre pour tous, kokaka kahanyema l’ahole wakoka. Ngɔndɔ ka Divwa: La vie: comment est-elle apparue? Évolution ou création?
◼ Sho nɔmbaka tshumanelo dialɔmbɔla dia vɔ fundaka shi tshɛ tshɛkɛta “coordinatrice” (etshumanelo kalɔmbɔla) lâdiko dia adɛmandɛ awɔ w’ekanda (S-14).
◼ L’oyango w’opandjudi tshɛ kondja periodikɛ kande, takatshikitanya kɔmandɛ yanyu dia kele oma lo Ngɔndɔ ka Ntondo 1, 2000, opandjudi tshɛ onge l’akoka wa kondjaka periodikɛ kande. Koko, tekɔ lo nongola adɛmandɛ efula oma le tshumanelo diakombola nyomofudia lofulo lawɔ la periodikɛ. Tshumanelo dimɔtshi nangaka ndodja lofulo lokowolongolaka l’ahende kana l’asato. Tambonyewoya dia dikambo sɔ diayotasalemaka yema yema. Naka etshumanelo ambɔlɔmba lofulo lamboleka efula, kete biro ayolikitshakitsha. Koko, naka etshumanelo ekɔ l’ɔkɔkɔ ɔmɔtshi w’oshika wa nyomofudia lofulo la periodikɛ, kete etshumanelo kakɔ afunde mukanda dia nembetshiya dikambo sɔ.
◼ Tambonyewoya dia, l’oyango wa nɛndjalɛndja akambo ndo wa mbewɔ oshishelo wa falanga, sho hatoyosha ekadimwelo lo waa abɔnɛma. Abɔnɛma wetawɔso ele w’onto lalɔmba periodikɛ l’ɔtɛkɛta wahatɛkɛtama lo lɛtshi lanyu la nkɛtɛ. Efula ka wanɛ walanga nongola periodikɛ yaso mbala la mbala wekɔ ambeki aso wa Bible ndo mbala mɔtshi anto watɔtɔka lo nsanganya ya l’etshumanelo. Naka onto nangaka kondjaka periodikɛ yaso esangɔ l’esangɔ, kete nyosale la wolo dia shikikɛ kana nde mɛtɛ ekɔ la saki k’oshika. Endaka ɔsɔku, kete nyu koka mbidja onto akɔ l’ɔnɔngɔ w’anto watonyokahɛka periodikɛ, kɛsɔ ayonyokimanyiya dia pamia saki kande. Tambonyohola dia apandjudi tshɛ la dia mbɔsaka periodikɛ yawɔ lo mɛsa wayikahanyayɔ l’etshumanelo.