Waewoyelo
◼ Ekanda wayotosha anto Ngɔndɔ ka Ntondo: Dibuku tshɛ di’edjedja diele la ndjɛkɛ 192 diakatombe la ntondo ka 1986 diatanema lo eombelo k’etshumanelo. Tshumanelo diele la dibuku L’humanité à la recherche de Dieu kokaka dikahanya. Ngɔndɔ ka Hende: La vie: comment est-elle apparue? Évolution ou création?, La Révélation : le grand dénouement est proche ! kana dibuku tshɛ di’edjedja diele la ndjɛkɛ 192 diatanema lo eombelo k’etshumanelo. Ngɔndɔ ka Sato: Ewo Katɔla Otsha lo Lɔsɛnɔ la Pondjo. Welo wa lânde wayodjama dia tatɛ mbeka l’anto Bible lawakawɔ. Ngɔndɔ ka Nɛi: Tshoto y’Etangelo la Réveillez-vous ! Tosha anto dibuku Ewo kana biukubuku Katɔlɔmba l’oyango wa tatɛ wekelo wa Bible.
◼ Tatɛ oma lo numɛlɔ ka Ngɔndɔ ka Ntondo 1, 2001, Tshoto y’Etangelo yayomɛ ntomba l’ɔtɛkɛta wa Kaonde mbala ɔtɔi lo ngɔndɔ. Naka ekɔ tshumanelo diakamba l’ɔtɛkɛta ɔsɔ, kete tambɔlɔmba kɔmite y’olimu dia mbewoya Bɛtɛlɛ lofulo l’apandjudi leya mbadia ɔtɛkɛta akɔ.
◼ Wayonyomotondja asawo ahende watɛkɛta dikambo dia diwala dia lam’asa wanɛ wôtɔ l’ɔtɛkɛta wa Zande. Tshumanelo dialanga sala kɔmandɛ kokaka ndjitoma l’adepɔ walongolawɔ ekanda ko wayolongola asawo akɔ. Nyofunde nganɛ “wZN diwala.”
◼ Apandjudi tshɛ wambobatizama wayonga lo Losanganya l’Olimu la Lomingu la Ngɔndɔ ka Ntondo 8, 2001, wayolongola kartɛ ka “Instructions médicales prévisionnelles/Décharge” ndo document d’identité médical dikambo di’anawɔ.
◼ Tatɛ oma lo Ngɔndɔ ka Hende, ndo la ntondo ka Ngɔndɔ ka Sato 4, emendji w’etshimbedi wayosha sawo dia lo sɛkɛ di’oyoyo diele l’ɔtɛ a dui ɔnɛ: “Onde Lushi l’Elombwelo Lekɔ Etena ka Wɔma Kana k’Elongamelo?”
◼ Tshumanelo kadiɔsɛ tɛdikɔ t’eshika dia sala losanganya l’Eohwelo ɔnɔnyi ɔnɛ Lushi la Lomingu, Ngɔndɔ ka Nɛi 8, l’ɔkɔngɔ wa ɛɔtwɛlɔ ka wonya. Wetshetshelo wa mapa la vinyɔ pombaka tatɛ paka l’ɔkɔngɔ wa ɛɔtwɛlɔ ka wonya, oyadi kânga dako diakame esadi. Nyende dimɛna oshidi wɔtɔ wonya lo ngelo kanyu. Lam’ele ndoko losanganya lokina layosalema lushi lɔsɔ, onyake paka losanganya l’otsha l’olimu w’esambishelo, etshikitanu wahombama pombaka salema dia wekelo wa Tshoto y’Etangelo ndjosalema l’etena kekina. Emendji w’etshimbedi pombaka, ndo vɔ lawɔ, tshikitanya ekongelo kawɔ ka losanganya lomingu lɔsɔ lo ndjela akambo wa l’etshumanelo kende. Ayoleka dimɛna dia etshumanelo l’etshumanelo sala Eohwelo lânde, kânga mbatongaka dikambo sɔ wolo nshi tshɛ. L’ahole wele tshumanelo efula diekɔ lo mengɔnya Mbalasa ka Diolelo ɔtɔi, ondo ayokoka dia etshumanelo ɔtɔi kana efula l’atei adiɔ tosala losanganya lɔsɔ l’ahole akina la dikɔlɔ diakɔ. Wanɛ wele l’etena kokaka tshika oko minitɛ 40 l’asa losanganya la losanganya di’onto tshɛ kondja ɛlɔlɔ w’oma lo losanganya lɔsɔ ndo kondja etena ka mbisha angɛndangɛnda mɔyɔ ndo ka keketsha eyoyo. Olui wa dikumanyi kawɔsɛ tɛdikɔ tayoleka monga ɔlɔlɔ l’etshumanelo.
◼ Dako dia lo sɛkɛ dia lânde dia lo 2001 diakalɔngɔswama dia salema lo nshi ya Eohwelo diayoshama Lushi la Lomingu, Ngɔndɔ ka Nɛi 1. Dako diakɔ diayonga l’ɔtɛ a dui ɔnɛ: “Akɔna Akoka Nshimbamela Na?” Nyayolongola ekongelo kadiɔ. Tshumanelo diayembwama oma le omendji w’otshimbedi lomingu lɔsɔ, kana diayonga la losanganya l’otshimbedi kana losanganya la lânde la lushi ɔtɔi, diayohokamɛ dako sɔ dia lânde lushi la lomingu la Ngɔndɔ ka Nɛi 9. Ndoko etshumanelo kahomba mbisha dako sɔ la ntondo ka Ngɔndɔ ka Nɛi 1, 2001.
◼ Ekanda w’Eyoyo Wamboya:
Angɛlɛ la Falase: CD-ROM Watchtower Library—1999.
◼ Bandɛ Video Yamboya:
L’Ɔtɛkɛta w’Akanga wa Mpoke wa l’Amɛrikɛ: Ewo Katɔla Otsha lo Lɔsɛnɔ la Pondjo (Vɔlimɛ 4).