Waewoyelo

◼ Ekanda wayotosha anto Ngɔndɔ ka Hende: La vie : comment est-elle apparue ? Évolution ou création ?, La Révélation : le grand dénouement est proche !, kana dibuku tshɛ di’edjedja diele la ndjɛkɛ 192 diatanema lo eombelo k’etshumanelo. Ngɔndɔ ka Sato: Ewo Katɔla Otsha lo Lɔsɛnɔ la Pondjo. Welo wa lânde wayodjama dia tatɛ mbeka l’anto Bible lawakawɔ. Ngɔndɔ ka Nɛi la ka Tanu: Tshoto y’Etangelo la Réveillez-vous ! Tosha anto dibuku Ewo kana biukubuku Katɔlɔmba l’oyango wa tatɛ wekelo wa Bible.

◼ Omendji walɔmbɔla kana onto ɔmɔtshi layondɔsɔna pombaka mbɛdika falanga y’etshumanelo lo Ngɔndɔ ka Sato 1 kana yema l’ɔkɔngɔ kam’atanema etena. Kam’ayotshama wɛdikelo ɔsɔ, ko nyu mbewoya etshumanelo l’ɔkɔngɔ wa mbadia alapɔlɔ wa falanga wa mbala ketshi.

◼ Sekeletɛlɛ nde la omendji w’olimu pombaka menda okambelo w’olimu waki ambatshi mboka wa pondjo tshɛ. Naka amɔtshi wekɔ l’okakatanu wa kotsha lofulo la wenya walɔmbama, kete dikumanyi pombaka ndjalɔngɔsɔla dia mbâkimanyiya. Dia tana alako lo dikambo sɔ, nyende lo mukanda wa S-201 wa Ngɔndɔ ka Dikumi 1, watoma Société ɔnɔnyi tshɛ. Nyende nto lo lɛkɛ 3, odingɔ 1-9 w’Olimu Aso wa Diolelo wa Ngɔndɔ ka Tanu 1987 (lo Falase).

◼ Tamboyewoya dia l’ɔnɔnyi wa 2002, Eohwelo kayosalema Lushi la Nɛi, Ngɔndɔ ka Sato 28, l’ɔkɔngɔ wa ɛɔtwɛlɔ ka wonya koko aha Lushi la Tanu Ngɔndɔ ka Sato 22, oko wakawadiɛnya l’ekomelo ka Calendrier 2001. Datɛ sɔ diambewoyama la ntondo dia tshumanelo talɔngɔsɔdi ahole wa ndjosala losanganya lakɔ, kana tafute mvudu nkina lo ahole wele tshumanelo efula mbɔtɔka lo Mbalasa ka Diolelo kakɔ ɔtɔi. Dui sɔ nɔmbaka tshumanelo sɔ dia tatanyi ahole akina dikambo dia eohwelo kɛsɔ. Dikumanyi pombaka tôkanyi l’akanga wa mvudu dimɛna di’aha vɔ ndjâfukutanya l’elimu ekina etena kɛnɛ kewɔ lo sala Eohwelo lo ki. Lo menda ohomba wa dikambo sɔ, lam’asɔnawɔ ɔnɛ layosha dako di’Eohwelo, olui wa dikumanyi pombaka sɔna ekumanyi kɛmɔtshi ka manamana lo dihole dia mengɔnyaka kana mbɔsaka paka onto lakɔ lâmɛ ɛnɔnyi tshɛ. Ko naka okitami ɔmɔtshi w’esɔ ekɔ ekumanyi kakoka l’etshumanelo kanyu, kete nde mbeyaka mbishaka dako sɔ.

◼ Otshikitanyi la kɛnɛ kakatama lo waewoyelo wa l’Olimu Aso wa Diolelo wa Ngɔndɔ ka Sato la ka Divwa 2000 ndo kɛnɛ kele lo biukubuku S-15, lɛkɛ 5, odingɔ 1.1.1, tambɔlɔmba tshumanelo di’aha tetemala la toma kɔmandɛ yawɔ ngɔndɔ tshɛ. Kɔmandɛ k’oyoyo (S-14) kokaka ndodjama naka nyambolongola ekanda wa kɔmandɛ ka mbala ketshi. L’etena kɛnɛ, lam’ele taya l’okakatanu lo kɛnɛ kendana l’otomelo oyadi wa kɔmandɛ yanyu kana w’ekanda walɔmbanyu, sho taya bu l’akoka wa nɛnya kɔmandɛ tshɛ y’ekanda yatoma tshumanelo.

◼ Ekanda w’Eyoyo Wamboya:

Falase: L’enfer de feu fait-il partie de la justice de Dieu ? (T-74)

Kiluba, Oluba: Totombole Jehowa l’Esambo Aso (grand format)