Waewoyelo

◼ Ekanda wayotosha anto Ngɔndɔ ka Dikumi l’Ahende: Onto Loleki Woke lo Tena Tshɛ. Ekanda ekina wakoka kahanyema: Buku di’Ɛkɔndɔ wa lo Bible kana La Bible : Parole de Dieu ou des hommes ?. Ngɔndɔ ka Ntondo: Dibuku tshɛ diele la ndjɛkɛ 192 diakatombe la ntondo k’ɔnɔnyi wa 1987 diatanema lo eombelo k’etshumanelo. Tshumanelo diele la dibuku L’humanité à la recherche de Dieu kokaka nto dikahanya. Ngɔndɔ ka Hende: Dibuku tshɛ di’edjedja diele la ndjɛkɛ 192 diatanema lo eombelo k’etshumanelo. Ngɔndɔ ka Sato: Ewo Katɔla Otsha lo Lɔsɛnɔ la Pondjo. Weolo wa lânde wayosalema dia tatɛ mbeka l’anto Bible.

◼ Akatshi wa leeta wa Eohwelo w’ɔnɔnyi wa 2002 wayotomama lo tshumanelo tshɛ ntondotondo l’ɔtɛkɛta watɛkɛtama l’etshumanelo kakɔ. Akatshi wa leeta wa Eohwelo wayotanema lo Falase, lo Kiluba, lo Lingala, lo Monokutuba, l’Oluba, l’Ɔtɛtɛla, lo Swahili ndo l’Uruund. Lam’alanganyu, nyɔlɔmbɛ paka l’ɛtɛkɛta wele ohomba lo mbilo kanyu.

◼ Eohwelo ka l’ɔnɔnyi 2003 kayosalema Lushi la Sato, Ngɔndɔ ka Nɛi 16, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo di’anangɛso talɔngɔsɔdi ahole wa ndjosala losanganya lakɔ kana tafute mvudu nkina lo ahole wele tshumanelo efula mbɔtɔka lo Mbalasa ka Diolelo kakɔ ɔtɔi. Dikumanyi pombaka tokanyi l’akanga wa mvudu dimɛna di’aha vɔ ndjâfukutanya l’elimu ekina etena kɛnɛ kewɔ lo sala Eohwelo lo ki. Lo menda ohomba wa dikambo sɔ, lam’asɔnawɔ ɔnɛ layosha dako di’Eohwelo, olui wa dikumanyi wayɔsɔna ekumanyi kɛmɔtshi ka manamana lo dihole dia mengɔnyaka kana mbɔsaka paka onto lakɔ lâmɛ ɛnɔnyi tshɛ. Ko naka ekumanyi kɛmɔtshi kakoka kele okitami w’esɔ ekɔ l’etshumanelo kanyu kete nde mbeyaka mbishaka dako sɔ.

◼ Tshoto y’Etangelo ya Ngɔndɔ ka Ntondo 1, 2002 yayonga la sawo diele l’ɔtɛ a dui ɔnɛ: “Onde Anto Tshɛ Wayɛdima Lushi Lɔmɔtshi”? Lo menda ohomba wa sawo sɔ l’ɛtshi kaso ka nkɛtɛ, kɔmandɛ ya tshumanelo ya numɛlɔ kɛsɔ yayodiyama lo pursa 20.

◼ Tshumanelo diele l’ahole wanganyi l’esomba wa weke diatoma akuta wa weshasha oya lo depɔ dimɔtshi diaki Société, pombaka tomaka falanga shɔ l’anya w’anangɛso wambobatizama wele bu akadikadi ndo wele la lokumu l’ɔlɔlɔ.​—⁠ 2 Khum. 12:⁠15.

◼ Tshumanelo efula diekɔ lo tetemala la toma falanga “Yendana la Mbalasa ka Diolelo.” Tambonyewoya dia Société aya bu nto la kɔntɛ ya ngasɔ lo lokombo la tshumanelo. Mukanda wa Ngɔndɔ ka Dikumi l’Ahende 1, 1999 wakatatomɛ tshumanelo tshɛ mbutaka nganɛ lo dikambo sɔ: “Kakɔna kakoka sala tshumanelo diele la falanga yawɔ yendana la wokelo wa Mbalasa ka Diolelo le Société na? Tshumanelo sɔ nɔmbamaka dia mbewoya Société kɛnɛ kahombama sala la falanga shɔ. Lo menda ohomba ndo woke woke w’ekongelo ka wokelo wa Mbalasa ya Diolelo, tshumanelo sɔ mbeyaka nɔmba Société dia tɔ mbidja falanga shɔ lo falanga yendana la wokelo wa Mbalasa ya Diolelo. Lâsɔ, diɔ pombaka mbɔsa yɛdikɔ ndo ndjiewoya Bɛtɛlɛ.” Dia sukɛ olimu wa wokelo wa Mbalasa ya Diolelo, tambonyokeketsha dia nyu fundaka lam’atomanyu falanga shɔ ɔnɛ “Falanga ya Mbalasa ya Diolelo.”

◼ Ekanda Watanema:

Angɛlɛ: La prophétie d’Isaïe I, l’alɛta wa weke.

Falase: Volimɛ rɛlie ya Réveillez-vous ! 2000.

Oluba: La vérité qui conduit à la vie éternelle ; La paix et la sécurité véritables : comment est-ce possible ?

◼ Bandɛ Kasɛtɛ y’Eyoyo Yamboya:

Kisahidi: Tɔsɛ Sango Diaso dia lo Nyuma la Nɛmɔ (dramɛ).

◼ Bandɛ Vidɛo y’Eyoyo Yamboya:

L’ɔtɛkɛta w’akanga a mpoke w’ase Amɛrikɛ: Onto Loleki Woke lo Tena Tshɛ, volimɛ ya 1.