Ovuswelo Wendana La Kalasa K’olimu Wa Teokrasi

Ovuswelo waha la mbifola abuku wendana l’awui wakekama lo Kalasa k’Olimu wa Teokrasi lo ndjela asawo wakashama tatɛ oma lo lomingu la Ngɔndɔ ka Tanu 6 polo Ngɔndɔ k’Enanɛi 19, 2002. Nyɔshi tɛtshi t’akatshi dia funda ekadimwelo anyu lɔkɔ lo ndjela lofulo la wembola wakokanyu kadimola lo yɛdikɔ ya wenya woshami.

[Diewoyelo: L’edja kayotshama ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛnyama.]

Kadimola ɔnɛ Mɛtɛ kana Kashi lo ditelo diayela nɛ:

1. Jeremiya 18:​1-6 mɛnyaka dia Jehowa tshutshuyaka anto dia sala akambo wahawalange sala. [Wadielo wa Bible wa lomingu la lomingu; enda lo w99 1/4 lɛkɛ 22 od. 3-4.]

2. Amvutshi wa kashi wakavaka nkudu ndo shɛngiya yahomba monga l’Ɔtɛkɛta wa Nzambi le anto lo mbakeketsha dia vɔ pokamɛ awui wa kashi lo dihole di’ɛhɛmwɛlɔ wa mɛtɛ w’oma le Nzambi. (Jer. 23:30) [Wadielo wa Bible wa lomingu la lomingu; enda lo w92 1/2 lɛkɛ 4 od.3.]

3. Lo Jeremiya 25:​15, 16, “dikoho dia wanu wa kele” dietsha “wedja tshe . . . uku akanga w’aladi” nembetshiyaka etombelo wa kɔlɔ w’oma l’ɔtɛmwɛlɔ wa kashi. [Wadielo wa Bible wa lomingu la lomingu; enda lo w94 1/3 lɛkɛ 20 od. 13.]

4. Lo ndjela woho wakalembetshiya Mateo prɔfɛsiya ka Jeremiya, “kete y’utunyi” nembetshiyaka wodja wa nyɔi, wele oma lɛkɔ mbayokalola ana w’akɛnda wakadiakema oma le Herɔdɛ wa Woke l’ekimanyielo ka eolwelo. (Jer. 31:​15, 16; Mat. 2:​17, 18) [Wadielo wa Bible wa lomingu la lomingu; enda lo w79 1/10 lɛkɛ 19 od. 13.]

5. Jeremiya 37:21 mbishaka eshikikelo ɔnɛ Jehowa koka sukɛ ekambi ande wa kɔlamelo lo tena diewɔ l’okakatanu wendana l’ekondjelo. [6, Wadielo wa Bible wa lomingu la lomingu; enda lo w97 15/9 lɛkɛ 3 od. 4-lɛkɛ 4 od.2.]

6. Dibuku dia Delu dia Jeremiya mɛnyaka lonyangu l’efula lo dikambo di’elanyelo ka Jerusalɛma l’ɔnɔnyi 607 N.T.D. oma l’anya wa Nɛbukadinɛza, nkumekanga ka Babilɔna. [si lɛkɛ 130 od. 1]

7. Delu dia Jeremiya 5:7 mɛnyaka hwe dia Jehowa mbishaka ana dilanya l’ɔtɛ wa pɛkato y’ambutshi awɔ. [Wadielo wa Bible wa lomingu la lomingu; enda lo w88 1/9 lɛkɛ 27 lo kiombo.]

8. Djembetelo ya lo fumu yatɛkɛtawɔ lo Ezekiyele 9:4 nembetshiyaka dia ewo tɔamɛ kayoshimbɛ onto. [Wadielo wa Bible wa lomingu la lomingu; enda lo w88 15/9 lɛkɛ 14 od. 18.]

9. ‘Apami wele oko weshasha’ watɛkɛtawɔ lo Efeso 4:8 ko dikumanyi di’Akristo diakasɔnama oma le nyuma k’ekila ndo diakawasha lowandji la kokɛ lonyuma l’asekawɔ ambetawudi. (Etsha 20:28) [w00-OT 1/8 lɛkɛ 6 od. 3]

10. Lo ndjela olembetshiyelo wa nshi nyɛ w’Ezekiyele tshapita 23, ase Asɔnyi koka mbɛdikama l’Oholiba ndo aseka Mupɛ w’ase Rɔma l’enondo ande la womoto lelɛwɔ Ohola. [Wadielo wa lomingu la lomingu; enda lo w88 15/9 lɛkɛ 21 od. 22.]

Kadimola lo wembola wayela ɛnɛ:

11. Naa amvutshi asato wakaleke kamba olimu lo tena dia wolo diakatatɛ oma l’ɔnɔnyi 617 polo 607 N.T.D., diakayokomɛka l’elanyelo ka Jerusalɛma? [si lɛkɛ 133 od. 2]

12. Ngande wakoka onto mɛnya dia nde ekɔ la eokelo ndo la lowando l’efula l’olambo wa tshungo waki Kristo etena ketawɔnde leeta la lo Luka 9:23? [w00 15/3 lɛkɛ 8 od. 1]

13. Lo woho akɔna ‘wakɔngɛ’ Jehowa Jeremiya? (Jer. 20:⁠7) [Wadielo wa Bible wa lomingu la lomingu; enda lo w89 1/5 lɛkɛ 31 od.6.]

14. Kakɔna kakalange Yeso nembetshiya lam’akandate ate nyuma k’ekila “ayunyetsha akambu tshe, ayunyuhula aui tshe wakamanyutelaka”? (Joa. 14:26) [w00 1/4 lɛkɛ 8 od. 7-8]

15. Lo ndjela Jeremiya 35:​18, 19, elongamelo kakɔna kele la ntondo k’olui wele nshi nyɛ wekɔ oko nkumbo k’ase Rɛkabɛ? [Wadielo wa Bible wa lomingu la lomingu; enda lo su lɛkɛ 131 od.7.]

16. Lo woho akɔna waki waa Nefilimɛ ‘akanga a nkudu’ ndo “wa lukumu”? (Etat. 6:⁠4) [w00 15/4 lɛkɛ 27 od. 9]

17. Ngande wakashisha Baruka wɛdimo ande wa lo nyuma ndo wetshelo akɔna wakokaso kondja oma lo kɛnɛ kakandasale? (Jer. 45:​1-5) [Wadielo wa Bible wa lomingu la lomingu; enda lo w97 15/8 lɛkɛ 21 od. 14-16.]

18. Etena kakɔna ndo woho akɔna wakakotshama prɔfɛsiya kele lo Jeremiya 50:38? [ Wadielo wa Bible wa lomingu la lomingu; enda lo dp lɛkɛ 150 od. 2-3.]

19. Kakɔna kalembetshiya ɔkwɛlɔ wa Jerusalɛma, mbut’ate “usekaseka w’emuma wa Juda” lo kɛnɛ kendana la Lokristokristo lo ndjela Delu dia Jeremiya 1:15? [Wadielo wa Bible wa lomingu la lomingu; enda lo w88 1/9 lɛkɛ 27 lo kiombo.]

20. Kakɔna kalembetshiya etelo kele l’Ezekiyele 21: 26 k’ɔnɛ: “Unya dihondo dia l’ote aye, unya dembo dia kusu”? [Wadielo wa Bible wa lomingu la lomingu; enda lo w88 15/9 lɛkɛ 19 od. 16.]

Kotsha ditelo diayela nɛ:

21. Onto layakitshakitsha hatambe ․․․․․․․․ wendana la ․․․․․․․․ di’ɔlɔlɔ ndo nde mbeyaka dia kɛnɛ kahombande ndo kakokande sala kekɔ ․․․․․․․․. (Mika 6:⁠8) [w00 15/3 lɛkɛ 21 od. 1-2]

22. Kânga mbele nyuma k’ekila hakoke tonyɛ ․․․․․․․․ kana ․․․․․․․․, tɔ koka tokimanyiya dia ․․․․․․․․ akambo asɔ. (1 Kor. 10:13; 2 Kor. 4:⁠7) [w00 1/4 lɛkɛ 11 od. 6]

23. Omvutshi Danyɛlɛ akeye oma l’efundelo waki Jeremiya dia Jerusalɛma ayotshikala tɔngɔ to l’edja ka ․․․․․․․․; ndo okotshamelo wa diambo wa dikambo sɔ keketshaka mbetawɔ kaso lo nkudu kele la Jehowa ka ․․․․․․․․. (Jer. 25:12; Dan. 9:⁠2) [si lɛkɛ 129 od. 37]

24. Dibuku dia Delu dia Jeremiya pombaka tshutshuya atɛmɔdi wa mɛtɛ dia monga la ․․․․․․․․ ndo la ․․․․․․․․ ndo mbisha ɛhɛmwɛlɔ ․․․․․․․․ le wanɛ wɔnyɔla Jehowa Nzambi. [si lɛkɛ 132 od. 13]

25. Ɛnyɛlɔ k’Abarahama kendana la woho wakandatshike di’aha owanu monga tokeketshaka di’aha sho tshikɛ ․․․․․․․․ kana ․․․․․․․․ dihole dia nanya diɔtɔnganelo di’oshinga wolo diele lam’asaso l’anangɛso. (Etat. 13:​5-12) [w00 15/8 lɛkɛ 24 od. 3-4]

Ekɛ oshidi l’ekadimwelo wa mɛtɛ wa lo ditelo diayela nɛ:

26. Jobo akɔsaka (ewo; kɛtshi; elombwelo) kaki Jehowa la nɛmɔ di’efula, diakɔ diakandasalɛ ase olimu ande akambo la (lomba tshɛ; kɛtshi tshɛ; losembwe tshɛ). (Jobo 31:​13, 14) [w00 15/3 lɛkɛ 26 od. 1]

27. Lo Jeremiya 16:​2-4, wakadjangɛ omvutshi dia nde tshikala onyemba dia (mɛnya yimba yande ya ndjakimɔ; mɛnya ɔnɛ Mɛsiya ayoyonga onyemba; shikikɛ mɛtɛ k’ɔtɛkɛta waki Jehowa wendana l’elanyelo ka Jerusalɛma). [Wadielo wa Bible wa lomingu la lomingu; enda lo w78 15/7 lɛkɛ 31 od.2.]

28. Lo Tukedi 4:​7, monga la lomba kɛdikɛdi (mana akambo fundo; menda woho wɔtɔnɛ dikambo la dikambo; kamba l’ewo ndo la eokelo). [w00 15/5 lɛkɛ 21 od.1]

29. Ndoko onto lakoka mbeya shikaa woho wakatɛkɛtamaka lokombo laki Nzambi lo Hɛbɛru ka ntondo nɛ dia Hɛbɛru kakafundama Bible aki (paka l’alɛta wa londjo; paka l’alɛta w’ekuku). [rs lɛkɛ 198 od. 1]

30. Pusupusu kaki Nzambi katɛkɛtawɔ l’Ezekiyele tshapita 1 nembetshiyaka (Diolelo diaki Nzambi diolɛ Mɛsiya; ɔlɔngɔswamelo waki Jehowa wokengami l’andjelo; yoho yewoyana Jehowa akambo nde l’atshikadi w’akitami w’esɔ). [Wadielo wa Bible wa lomingu la lomingu; enda lo w88 15/9 lɛkɛ 11 od.5.]

Ɔtɔnganyiya ditelo diayela nɛ l’avɛsa anɛ:

Euh. 7:​25, 26; Tuk. 4:18; 5:21; Jer. 46:28; Romo 15:4

31. Didjango sɔ mɛnyaka dionga diahomba monga l’ekambi waki Jehowa lo kɛnɛ kendana la weho w’esato wakawatɛmɔlaka ntondo. [rs lɛkɛ 189 od. 4]

32. Dia mbisha anto esambelo, Jehowa kambaka lo yoho ya lânde l’Ɔtɛkɛta ande wakafundama wele l’elongamelo ka diambo lo kɛnɛ kendana la nshi yayaye. [w00 15/4 lɛkɛ 5 od. 4]

33. Engwelo kasha ambutshi hahombe tamba elelo kana tamba oyango atɔ wa mingola la mbetsha. [Wadielo wa Bible wa lomingu la lomingu; enda lo kl lɛkɛ 148 od. 20.]

34. Lam’ele Jehowa kimanyiyaka ekambi ande dia vɔ ndjashihodiaka sangwelo diande yema yema, ekɔ ohomba di’onto tshikitanyaka tokanyi tande mbala la mbala etena kahama ewo kande. [rs lɛkɛ 399 od. 2]

35. Oseka dikambo tshɛ diendana l’awui wa mindo wa dieyanelo, oyadi kânga diosalemi lo woshɛshɛ wa woho akɔna, mɛnamaka lo washo waki Nzambi. [w00 15/7 lɛkɛ 31 od. 3]