Ovuswelo W’awui Wakekama Lo Kalasa K’olimu Wa Teokrasi
Wembola wayela ɛnɛ wayɔkɛtshanyema oko ovuswelo wa l’onyɔ wa lo Kalasa k’Olimu wa Teokrasi lo lomingu la Ngɔndɔ ka Dikumi 27, 2003. Omendji wa kalasa ayɔlɔmbɔla ovuswelo wa minitɛ 30 w’awui wakekama l’asawo wakashama lo Kalasa k’Olimu wa Teokrasi tatɛ lomingu la Ngɔndɔ ka Divwa 1 polo la Ngɔndɔ ka Dikumi 27, 2003. [Diewoyelo: L’ahole wele bu waa rɛferansɛ l’ɔkɔngɔ wa wombola, wɛmɛ mbahomba sala eyangelo dia tana ekadimwelo.—Enda lo Kalasa K’Olimu, lɛkɛ 36-37.]
WAONGA W’ƆTƐKƐTSHI
1. Alanga nembetshiya dako diatanaso lo 1 Timote 2:9 diata dia ndjâlɛnga l’‘ɔlɔtɔ wa dimɛna,’ ndo dikambo sɔ kokaka monga la shɛngiya yakɔna l’ɛnamelo kaso lo lɔyɛnga kana l’olimu w’esambishelo? [be lɛkɛ 132 od. 4-5]
2. Shɛngiya yakɔna yahomba monga l’atɔndɔ wa lo Bible wele lo 1 Joani 2:15-17, Efeso 2:2, ndo lo Romo 15:3 lo ɛnamelo kaso? [be lɛkɛ 133 od. 2-4]
3. Bonde kele dihonga diekɔ ohomba, ndo woho akɔna wakokaso monga la dihonga lam’atɛkɛtaso lo lɔyɛnga kana lam’eso l’olimu w’esambishelo? [be lɛkɛ 135 kiombo; lɛkɛ 136 od. 5, kiombo]
4. Oko “Omenyi wa kolamelu la mete,” ngande wakatotshikɛ Yeso ɛnyɛlɔ lo kɛnɛ kendana l’okambelo wa la Bible l’esambishelo? (Eny. 3:14) [be lɛkɛ 143 od. 2-3]
5. Ngande wakokaso ndjokoma tomanyi l’okambelo wa la Bible? (Tito 1:9) [be lɛkɛ 144 od. 1, kiombo]
SAWO NO.1
6. Wekelo nɔmbaka na, ndo naa ɛlɔlɔ ɛmɔtshi wakondjaso oma lo wekelo w’Ɔtɛkɛta wa Nzambi wa mbala la mbala? [be lɛkɛ 27 od. 3; lɛkɛ 32 od. 4]
7. Lo ndjela kɛnɛ kata Jakoba 1:5, 6, kakɔna kele ohomba sala etena kalangaso mbɔsa yɛdikɔ mɔtshi y’ohomba? [w01 1/9 lɛkɛ 28 od. 4]
8. Adatɛ akɔna wele ohomba, ndo lande na kewɔ la nɛmɔ di’efula? [si lɛkɛ 282 od. 27]
9. Lo yoho yakɔna yele “one latumamanyiaka” ekɔ enginya? (Tuk. 10:18) [w01 15/9 lɛkɛ 25 od. 3]
10. Ngande wayoyoshihodia anto dimɛna dimɛna woho wɔsa Jehowa tena l’andja w’oyoyo? [si lɛkɛ 283 od. 32]
WADIELO WA BIBLE WA LOMINGU LA LOMINGU
11. Mɛtɛ Kana Kashi: Lo 1 Koreto 2:9, ɔpɔstɔlɔ Paulo ekɔ lo tɛkɛta dikambo dia diangɔ nɛ diakalɔngɔsɔlɛ Jehowa wodja ande wa kɔlamelo oko okitɔ. Lembetshiya. [ip-2 lɛkɛ 366 kiombo]
12. Ɛtɛkɛta wofundami lo 1 Koreto 10:13 mendanaka l’ehemba akɔna, ndo ngande ‘ayɔlɔngɔsɔla [Jehowa] mboka ka pandɔ’ oma l’ehemba akɔ? [w91 1/10 lɛkɛ 10-11 od. 11-14]
13. Ngande wele ɛnyɛlɔ ka Yeso ka lokaho kekɔ la shɛngiya le Akristo? (2 Kor. 8:9) [w92 15/1 lɛkɛ 16 od. 10]
14. Ngande waki Ɛlɛmbɛ “umbetsha utsha le Kristu”? (Ngal. 3:24) [w02-OT 1/6 lɛkɛ 23 od. 11]
15. Naa “akambu wa la kete” wahombaso mbewɔ di’aha sho ndjotakɔ mboka? (Kol. 2:8)