Waewoyelo

◼ Ekanda wayotosha anto Ngɔndɔ ka Dikumi l’Ahende: Onto Loleki Woke lo Tena Tshɛ. Ekanda ekina wakoka kahanyema: Buku di’Ɛkɔndɔ wa lo Bible kana La Bible : Parole de Dieu ou des hommes ?, kana Kokaka We Monga la Loseno la Pondjo lo Paradiso ka la Kete. Ngɔndɔ ka Ntondo: Dibuku tshɛ diakatombe la ntondo ka 1988 diatanema lo lɔkɔtɔ l’etshumanelo. Naka nyu bu l’abuku asɔ lo lɔkɔtɔ, ko nyu nɔmba tshumanelo diele suke lanyu naka diɔ diekɔ l’abuku asɔ dia nyu kamba lawɔ. Tshumanelo diele bu l’abuku asɔ mbeyaka kahanya dibuku L’humanité à la recherche de Dieu. Ngɔndɔ ka Hende: Approchez-vous de Jéhovah. Naka diɔ bu, nyu mbeyaka kamba l’abuku anɛ: La vie : comment est-elle apparue ? Évolution ou création ? kana La Révelation le grand dénouement est proche !

◼ Eohwelo le anangɛso wendana l’awui wa falanga y’etshumanelo, akuta watanema lo shɛtɛshɛtɛ y’Olimu wa l’Andja w’Otondo ndo ya Falanga ya Mbalasa ya Diolelo pombaka kimɔmaka ngɔndɔ la ngɔndɔ ndo etshumanelo hahombe kamba la falanga shɔ dia sɔmbɔla falanga yakanyasɔmbɛ dia mbikisha Mbalasa ka Diolelo kana kamba layɔ di’adepasɛ akina wa l’etshumanelo.

◼ Akatshi wa leeta wa Eohwelo w’ɔnɔnyi wa 2004 wayotomama lo tshumanelo tshɛ ntondotondo l’ɔtɛkɛta watɛkɛtama l’etshumanelo kakɔ. Naka ɛtɛkɛta ekina wekɔ lo tɛkɛtama l’ɛtshi kanyu ka nkɛtɛ ko nyu nangaka kondja akatshi wa leeta wa Eohwelo l’ɛtɛkɛta ɛsɔ, kete nyɔlɔmbɛ akatshi asɔ aha la tshimbatshimba lo “Demande de publications” (S-14). Listɛ l’ɛtɛkɛta wayotanema akatshi wa leeta wa Eohwelo layotomama lo mukanda wele l’ɔtɛ a dui ɔnɛ: “Diewoyelo le Tshumanelo Tshɛ,” watomɛwɔ tshumanelo tshɛ ngɔndɔ la ngɔndɔ. Nyɔlɔmbɛ paka l’ɛtɛkɛta watɛkɛtama l’ɛtshi kanyu ka nkɛtɛ.

◼ Lam’alanganyu tambonyewoya dia Eohwelo ka l’ɔnɔnyi 2005 kayosalema Lushi la Nɛi, Ngɔndɔ ka Sato 24, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo di’anangɛso talɔngɔsɔdi ahole wa ndjosala losanganya lakɔ kana tafute mvudu kina lo ahole wele tshumanelo efula mbɔtɔka lo Mbalasa ka Diolelo kakɔ ɔtɔi. Dikumanyi pombaka tokanyi l’akanga wa mvudu dimɛna di’aha vɔ ndjâfukutanya l’elimu ekina etena kɛnɛ kewɔ lo sala Eohwelo lo ki. Lo menda ohomba wa dikambo sɔ, olui wa dikumanyi wayɔsɔna ekumanyi kɛmɔtshi ka manamana lo dihole dia mengɔnyaka kana mbɔsaka paka onto ɔtɔi ɛnɔnyi tshɛ dia sala dako di’Eohwelo. Naka ekumanyi kɛmɔtshi kakoka kele okitami w’esɔ ekɔ l’etshumanelo kanyu kete nde mbeyaka mbishaka dako sɔ.

◼ Tatɛ Ngɔndɔ ka Sato 15, 2004, polo lo Ngɔndɔ ka Tanu 16, 2005, tayeka dibuku Approchez-vous de Jéhovah ! lo Wekelo wa Dibuku wa l’Etshumanelo.

◼ Bɛtɛlɛ ndo adepɔ waki société hawoyɛmba ekanda wendana l’awui w’onto ndamɛ nto. Paka mikanda wotsha lo biro ka filialɛ, wotsha le tshumanelo kana wotsha le emendji w’etshimbedi mbayotomamaka lo tshimbo ya filialɛ kana ya adepɔ. Tambokeketsha tshumanelo tshɛ dia nɛnya ekongelo kɛsɔ. Lam’alanganyu, nyokambake la toho tokina tatomanɛwɔ ekanda lo ngelo kanyu. Etshumanelo tshɛ kahomba tomɛ biro ka filialɛ mukanda nɔmbamaka dia tɔamɛ futa akuta wahombama lo wɛmbɛlɔ wa mukanda. Olui wa dikumanyi pombaka ndjashikikɛka di’etshumanelo kekɔ lo mbisha lonya lo kɛnɛ kendana l’adepasɛ w’otomelo wa mikanda.