Waewoyelo
◼ Ekanda wayotosha anto lo Ngɔndɔ ka Ntondo: Dibuku tshɛ diakatombe la ntondo ka 1988 diatanema lo eombelo k’etshumanelo. Naka nyu bu l’ekanda ɛsɔ lo eombelo kanyu, kete nyombole tshumanelo diosukanyi la nyu kana wekekɔ l’ekanda ɛsɔ efula wakoka kamba la nyu. Tshumanelo diele bu l’abuku w’edjedja koka mbisha anto dibuku L’humanité à la recherche de Dieu. Ngɔndɔ ka Hende: Approchez-vous de Jéhovah. Naka nyu bu la dibuku sɔ, nyu koka mbisha anto dibuku La vie : comment est-elle apparue ? Évolution ou création ?, (dia woke kana dia tshitshɛ) kana dibuku La Révélation : le grand dénouement est proche ! Ngɔndɔ ka Sato: Ewo Katɔla Otsha lo Lɔsɛnɔ la Pondjo. Welo wa lânde wayodjama dia tatɛ mbeka l’anto Bible. Naka onto ambotashilaka nongola dibuku sɔ, kete nyu mbeyaka mbosha dibuku He Dja Yimba lo Prɔfɛsiya ka Danyɛlɛ!
◼ Tatɛ oma lo lomingu la Ngɔndɔ ka Sato 15, 2004, tshumanelo diasala nsanganya lo Falase diayeka lo Wekelo wa Dibuku wa l’Etshumanelo dibuku Approchez-vous de Jéhovah. Tshumanelo diasalema nsanganya l’Ɔtɛtɛla diayeka dibuku He Dja Yimba lo Prɔfɛsiya ka Danyɛlɛ! lo Wekelo wa Dibuku wa l’Etshumanelo.
◼ Tatɛ oma lo Ngɔndɔ ka Hende, ndo la ntondo ka Ngɔndɔ ka Sato 7, emendji w’etshimbedi wayosha sawo dia lo sɛkɛ di’oyoyo diele l’ɔtɛ a dui ɔnɛ: “Ɛlɛmbɛ Waki Na Wangɛnangɛnayɛ?”
◼ Tshumanelo kadiɔsɛ tɛdikɔ t’eshika dia sala Eohwelo ɔnɔnyi ɔnɛ Lushi la Lomingu, Ngɔndɔ ka Nɛi 4, l’ɔkɔngɔ wa ɛɔtwɛlɔ ka wonya. Wetshetshelo wa mapa la vinyɔ pombaka tatɛ paka l’ɔkɔngɔ wa ɛɔtwɛlɔ ka wonya, oyadi kânga dako kotatɛka esadi. Nyende woho wɔtɔ wonya (lo ndjela wonya wa lo ngelo kanyu) wa l’esomba wa weke: Pointe Noire, 18:16; Matadi, 18:09; Kinshasa ndo Brazzaville 18:03; Bandundu-ville, 17:54; Kikwit, 17:48; Bumba, 17:37; Gemena, 18:47; Kananga, 18:37; Mbuji-Mayi, 18:29, Kisangani, 18:26; Kolwezi, 18:20; Likasi, 18:15; Lubumbashi, 18:11; Bukavu 18:10; Bunia; 18:05. Sukesuke la méridien akɔ wâmɛ ndo l’ɛtshi kaso ka nkɛtɛ, sho koka mbeya wonya wa l’ahole akina lo kotsha minitɛ tshanu l’oseka kilɔmɛtɛlɛ 140 tshɛ oma l’etena kɔtɔ wonya keyama l’osomba wa woke naka tekɔ lo tatshu oma l’osomba akɔ otsha lo lɛkɛ l’owɛstɛ. Lam’ele ndoko losanganya lokina layosalema lushi lɔsɔ onyake paka losanganya l’otsha l’olimu w’esambishelo, etshikitanu wahombama pombaka salema dia wekelo wa Tshoto y’Etangelo nɔmbwama l’etena kekina. Emendji w’etshimbedi ndo vɔ lawɔ wayohomba tshikitanya ekongelo kawɔ ka losanganya lomingu lɔsɔ lo ndjela akambo wa l’etshumanelo kende. Kânga mbele ndeka dimɛna di’etshumanelo tshɛ sala Eohwelo tɔamɛ, aha nshi tshɛ mbatokokaka dikambo sɔ salema. L’ahole wele tshumanelo efula diekɔ lo mengɔnya Mbalasa ka Diolelo ɔtɔi, ondo ayokoka di’etshumanelo ɔtɔi kana efula l’atei adiɔ tosala losanganya lɔsɔ l’ahole akina la dikɔlɔ diakɔ. Lɛnɛ akoka dikambo sɔ salema, nyu mbeyaka tshika oko minitɛ 40 lam’asa losanganya la losanganya di’onto tshɛ kondja ɛlɔlɔ w’oma lo diaaso sɔ. Olui wa dikumanyi kawɔsɛ tɛdikɔ tayoleka monga ɔlɔlɔ le etshumanelo.